Baarakεkulu I min sigilen don masalakun « Bεn, fɔkabεn ani donɲɔɔnna jamana kɔnɔ » o kan, o ye laɲininw ni fura minnu dajira, bεn kεra olu kan kunun CICB la Malidenw yεrε
dama cε sigikafɔba kεnε kan faso tɔgɔ la, bεn ni fɔkabεn sɔrɔli la jamana kɔnɔ
A baara kεlenw sεnsεnni ɲεmɔgɔya tun bε sigikafɔba in kolabεnkulu ɲεmɔgɔ Usumani Isufi Mayiga bolo. Baarakεkulu I ɲεmɔgɔ minisiri kɔrɔ Zeyini Mulayi Hadara tun b’a kεrεfε.
Tile fila babugubaara kɔnɔ, baarakεkulu I ye laselisεbεn kε, laɲininw ni fura bi naani ni kɔ
dajiralen don min kɔnɔ. Fεn min ye laɲininw fanfεla ye, cidenw y’a ɲinin fɔkabεn ka dayεlε ni kojugubakεkuluw ye, ka silamεdiinε dungew don an ni ɲɔgɔn cε o kɔrɔfɔw latεncogo ɲuman na. Mali marifatigikulu tɔ bεε b’o la.
Cidenw y’a ɲinin fana, fura teliman ka sɔrɔ kuranko gεlεya la mɔgɔw hakili ka se ka sigi a ko la, ka dabali bεε tigε, min b’a to mɔgɔ minnu y’u sigiyɔrɔw bila ka yεlεma jamana wεrεw la ani jamana fan wεrεw fε, u ka kɔsegin so, k’u bolomadεmεn minεnko ni wariko la
ani ka hakilisigi di u ma, k’u sendon nafoloko ni hadamadenyakow la. Ka hakilila
falen kulu dɔ sigi senkan komini kɔnɔ ani kominiw cε, gεlεya in kɔlɔlɔba yεlεnna minnu na ka dεmεn don u la hadamadenya kɔnɔ, ka yεrεlakanankulu bεε ci, k’u ka kεlεcεw bolo don nafasɔrɔbaaraw la. Ka segi an danbe kɔrɔw ma fɔɲɔgɔnkɔ kunbεnni, a tɔpɔli an’a dalasali la.
KOJUGUBAKƐ KƐLƐLI- Cidenw b’a wajibiya, Mali tariku an’a dugukolo kalan ka don kalansow
ni Iniwεrisitew la. Ka dɔ fara jamana ɲεmɔgɔw ani laadatigiw ka dɔnniyaw kan fɔɲɔgɔnkɔw kunbεnni, u tɔpɔtɔli an’u dalasali la sigidaw la, ka hakila falen kulu dɔ sigi senkan maraɲεmɔgɔw ni maradenw cε, ka don kεrεnkεrεn ka kε yaafa don ye Mali kɔnɔ, ka dɔ fara kojugubakε kεlεli fanga kan.
Ka seko ni dɔnko ani bεn ɲεtaa sabati kalansow ni Iniwεrisitew la, ka dɔ fara hadamadenya yiriwali ani nafoloko ɲɔgɔndεmεn cakεdaw mɔgɔw ka dɔnniyaw kan, walasa ka se ka dεmεn don dεsεbaatɔw ani lujuratɔw la. U y’a ɲinin fana, ka baganmara sariya jεnsεn sigidaw la, ka Baton
« Tumutu » bonni min kεra kojugubakεlaw fε sεtanburukalo tile 7 san 2023
Guruma Ararusi sεrεkili kɔnɔ, ka hakililajiginnan dɔ jɔ yen. A kun ye ka kojugubakε gili tigεli cakεdaw sigi senkan, ka kiirisow
surunya kiiri ɲininbaaw la, ka hadamadenw sɔn hakili la ka taa a fε.
Cidenw y’a ɲinin bεn, fɔkabεn ani donɲɔgɔnna daɲεw ka ɲεfɔ fasokanw na, ka ɲεnawolomani hadamadenya kɔnɔ siyako ni kuluko nasira la, k’o kεlε, tungaranke minnu b’a kanu ka segin faso kɔnɔ ni cogoya t’u bolo, k’u nani dabaliw tigε ani k’u senkɔrɔmadon. Ka kɔlɔsili kε an kana bεε gosi ni bere kelen ye fo ka se sigidalamɔgɔw bilali ma ɲɔgɔn na, ka dεsεbaatɔw dεmεnni dabaliw tigε ani ka dɔ fara kojugukεlaw ɲangibaliya kεlεli fanga kan.
Ka dabali fana sigi senkan jɔnya dabilila pewu an ka jamana kɔnɔ. Ka diinε bonyani sariyaw wajibiya bεε kan (batokεyɔrɔw jɔli, wajuliw kεli, kalanw, ani erezo sosiyoko), k’an danbew kalanni don lakɔli ni madarasaw la, ka bεnkanw labato, ka jamana
sariyaw ani diɲε taw labato, k’u mabεn ni lujuratɔw cogoyaw ye.
BƐN TƆPƆTƆLI MARA KƐCOGO KƆNƆ- Baarakεkulu in y’a ɲinin hakili fεn o fεn bε tali kε dɔ farali la mɔgɔw ka muɲun ni sabali kan gεlεya in
kɔrɔ an ka jamana na, ka dusu don o kɔnɔ ; ka hakililajiginnan dɔ jɔ mɔgɔ bɔnεnnenw tɔgɔ la, gεlεya in fε.
Cidenw y’a ɲinin fana, fɔɲɔgɔnkɔ in gεlεyaw yεlεnna mɔgɔ minnu ka, k’u bolomagεn ni nɔnadilanwari wasalen ye, ka kulu dɔ sigi senkan sigikafɔba in Malidenw yεrε dama cε, o laɲininw ni fura dajiralenw kɔlɔsili an’u kiimεni kama.
Fura dajiralenw ye jumεnw ye ? Cidenw bεnna a kan, bεn tɔpɔtɔli mara kεcogo kɔnɔ, k’o waleya, o ɲuman ye hadamadenya sabatili baara kεbaa bεε k’a jɔyɔrɔ fa, i n’a fɔ lakananbaaw, mara kεbaaw, politikitɔnw, tɔn minnu tε politikitɔnw ye, sigidaw, duguw, kinw ani bugudaw kɔnseyew. U y’a ɲinin fana, basigilenw ni dɔnkotigiw ka kulu dɔ ka sigi senkan ka sariya dɔ ta faso tɔgɔ la, bεn, donɲɔgɔnna ani ku-ɲɔgɔn-kan kama.
Bεnbabilen DUNBIYA
Dɔkala Yusufu JARA
Dɔkala Yusufu Jara
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
Nin baarabolodalen in laɲinin ye ka Maliden kura dilan, min b’an danbew dɔn, ka fangabulonw bonya, ani baarakεla. Jamana ɲεmɔgɔw bε wulikajɔ la ka Mali kura k’o kuntilenna in waleya, walasa ka se k’o hakilila don fasodenw na ani ka se di u ma ɲεtaa la kannabila ni hɔrɔnya kɔnɔ.
