Lasini Sinayɔkɔ (n°23) bɛ ntolanna nabaliw la
Sɛgɛw dalajɛli daminɛna ntɛnɛndon sɛtanburukalo tile 02 Usumani Tarawele tɔgɔla farikoloɲɛnajɛkɛnɛ na Kabala. Ntolantanna 27 de tun welela degelikaramɔgɔ nɔnabila Badara Alu Jalo «Cɔnti » fɛ KANI ɲɛbila ntolantan fila fɔlɔ kama, Marɔku san 2025 hukumu kɔnɔ, ni Mozanbiki ye (sɛtanburukalo tile 06 « 26Mars ») la ani ni Ɛsiwatini ye (sɛtanburukalo tile 10 Afirikidisidi). Nka, i n’a fɔ sigi kɛlen tun bɛ n’a ye, ntolantanna hakɛ min welela degelikaramɔgɔ nɔnabila fɛ, a bɛɛ ma wele jaabi.
U se mɔgɔ seegin ɲɔgɔnn ma ; ntolantannaw ɲɛmɔgɔ Hamari Tarawele b’u la. Olu
ma se ka na ka da kun dɔw
kan. A fɔra ko Hamari joginna sanga
66nan na a ka tɔn ni « Getafe » ka
ntolantan senfɛ. O min labanna 0 ni 0 la
karidon ; ko a yɛrɛ ka kan ka opere o furakɛli la. O la, a bɛ sɔn ka kalo caman kɛ k’a sɔrɔ a tɛ se ka balon tan. Ko Amadu
Hayidara fana joginna sanga 15nan waati la a ka tɔn « RB Leipzig »
ni « Bayer Leverkusen » ka balontan senfɛ, min labanna u ka se la 3
ni 2, sibiridon Alimanjamana ŋanaŋinin ntolantanw tile 2nan na.
Masaio Hayidara (Brest, Faransi), Maliki Yalikuye
(Sturm Graz, Otiris), Kewini Lusiyɛn Zohi (Stade lavallois, Faransi), Musa Sila
(Schalke 04, Alimaɲi),
Nene Dɔrizelɛsi (RB Salzbourg, Otirisi) ani
Lasini Sinayɔkɔ (Auxerre, Faransi), olu
fana tɛna ye Mali ka ntolantan fila
in na. Ntolantanna saba wɛrɛ welela u nɔ na.
N'o ye Foden Dukure (Red Star, Faransi), Amadi Kamara (Sturm Graz, Otirisi) ani
Mamadu Dunbiya (Watford, Angiletɛri). Mali sennantolantan tɔnba sekeretɛri zenerali
Sidi Bekayi Magasa ka fɔ la, ntolantannaw hakɛ bɛ sɔn ka dafa sini alama. Fɛn min ye Sɛgɛw degelikaramɔgɔ kura Tɔmu Sɛnfiye ye, a ni ntolantanna
welelenw yue ɲɔgɔn ye Kabala ntɛnɛnsu tɛmɛnnen in. A ni a nɔnabila bɛna baaraw nun don ɲɔgɔn fɛ, walasa ka labɛn tɔ
sababu, Mozanbiki
ni Ɛsiwatini balontanw kama. A
ye dugawu kɛ, Ala ka nɔgɔya don ntolatanna joginnen
ka banaw na. Mali ni Gine-Bisawo fana bɛna ɲɔgɔn sɔrɔ siɲɛ fila nin ntolantanw kɔfɛ.
Ntɛnɛn su, ntolantanna wolonwula
sera Kabala ; n’o ye jɔkɔlɔsilaw Jigi Jara (Young
Africans, Tanzani), Yusufu Koyita (Joliba) ani Ŋolo Tarawele (Sitadimaliyɛn), kɔfɛmɔgɔw Falayi Sakɔ (Montpellier, Faransi),
Mamadu Fofana (Amiens SC, Faransi), Usumani Jalo (Joliba) ani cɛmancɛmɔgɔw Lasana Kulubali (Lecce,
Itali). Kulu filanan mɔgɔw ye kɔfɛmɔgɔw ye ; Foden Dukure (Red Star, Faransi),
Salimu Jakite (Palerme, Itali), Abudulayi Jabi (Saint Gallen, Suwisi), cɛmancɛmɔgɔw Aliyu Jɛngi (Al Kholood, Arabi sawuditi),
Mamadu Sangare (Rapid Vienne, Otirisi), Usumani Jakite (West Bromwich, Angiletɛri) ani ɲɛfɛmɔgɔw Adama Tarawele «Maluda» (Ferencvaros,
Hɔngiri), Musa Jɛnɛpo (Antlyaspor, Turukiye),
Sori Ibarahimu Jara (Haucesung, Nɔriwɛzi), Seku Koyita (CSKA Musuku, Irisila).
Cɛmancɛmɔgɔw Mohamɛdi Kamara (Al Sadd, Katari), Iwu Bisuma (Tottenham, Angiletɛri), kɔfɛmɔgɔ Sɛki Keyita (Charleroi, Bɛliziki) ani ɲɛfɛmɔgɔw Amadi Kamara (Sturm Graz, Otirisi), Mamadu Dunbiya (Watford, Angiletɛri), olu tun makɔnɔnen don kunun. Hakililajigin na, Mali bɛ kulu I kɔnɔ. A ni Mozanbiki, Ɛsiwatini ani Gine-Bisawo bɛ o kulu kɔnɔ.
Dɔkala Yusufu JARA
Djeneba BAGAYOGO
-.
U gosira 2-0 Sɛnɛgali fɛ u bɔko fɔlɔ la. O siratigɛ la, Mali ka ko b’a yɛrɛ bolo kari nata in sɛtanburukalo tile 22. A ni Ganbi de bɛna ɲɔgɔn sɔrɔ nɛgɛ kanɲɛ 16 waati la, Mɔrɔbiya Antuwanɛti Tubuman tɔgɔla farikoloɲɛnajɛkɛnɛ na. Ka sɔrɔ kow bɛ sɔn ka nɔgɔya dege.
Afiriki ntolantantɔnw ka ɲɔgɔndanw taali tako filanan daminɛna jumadon. Mali ka cɛbɔ fila, n’o ye Joliba min bɛ ntolantantɔnw ka ŋanaɲinin na ani Sitadimaliyɛn min bɛ kɔnfederasɔn kupu la, u y’u ka balontanw kɛ sibiri tɛmɛnnen in sɛtanburukalo tile 14 san 2024.
O furu suguya in, ni dɔw b’a wele « yɛrɛfuru », a bɛ kɛ tuma caman na, nka a caman fana tɛ mɛɛn si la. Sababuw : bɛnbaliya duw cɛ, furuɲɔgɔn dɔnbaliya a ɲɛma ani kɛlɛ misɛnninw. Furuɲɔgɔn dɔw bɛ bala ko kolonw na ɲɔgɔn na ; i n’a fɔ bana dogolenw, walima jogo kolon.
Nin kuma tun bɛ mɔgɔw da kɔnɔ kabini waati jan ; sisan a kuma forobayara ; Ganbi degelikaramɔgɔ kɔrɔ Tɔmu Sɛnfiye, ni Bɛliziki jamanaden don, a sugandira ka kɛ Mali Sɛgɛw degelikaramɔgɔ kura ye.
