Sitadimaliyɛn seginna ka janjon in lasɔrɔ
san saba kɔfɛ
O b’a jira ko jamana minnu b’a dakun na, olu y’u ta ni
u bila dɔn ; i n’a fɔ Sitadimaliyɛn an’u degelikaramɔgɔ kura Gana
jamanaden. O degelikaramɔgɔ in tun ye sɛkasidondon ye min tɔgɔ bɔra kosɛbɛ Afiriki
kɔnɔ. Yanni lɛrɛ 24 cɛ, Sitadimaliyɛn bɛna a dɔn a ni jamana fɔlɔ min bɛna
ɲɔgɔn sɔrɔ ɲɛbilantolantan bɔko fɔlɔ la ; wa yanni kalo kelen kuntaala cɛ Sitadimaiyɛn
bɛna kanpaɲi daminɛ ; sabula ɲɛbilantolantan ninnu taali bɛna daminɛ juma
sɛtanburukalo tile 19, k’u kɔmasegin kɛ ɔkutɔburukalo tile 17 san 2025.
I n’a fɔ Ligi tɛmɛnnenw, jamana min mana bin kabini ɲɛbilantolantanw na, o sen
bɛ bɔ tulon tɔ la. O la, a wajibiyalen don jamana bɛɛ ka sebaaya fila sɔrɔ walasa
a ka se ka tɛmɛn ni ko tɔ ye kuluntolantan kɔfɛ. Degelikaramɔgɔ Miseyiki Njoya
ka fɔ la, ne tɛ n yɛrɛ ɲininka ni bonni in kɛra hinɛ walima gɛrɛntɛ ye anw kan.
A ko ale bolo, nafa bɛ min na o ye ka labɛn kosɛbɛ ka a kunbɛnɲɔgɔn bɛɛ kunbɛn
ka wasa sɔrɔ u kan.
A ko Sitadimaliyɛn ɲɛmɔgɔw y’u ka dannaya da ale kan. O la, k’ale ka baara bɛna
kɛ ka se ka gan kɛ ka kuluntolantan kuncɛ ni wasa ye. A ko u sago don k’o
waleya ɲɔgɔn fɛ, fɛɛrɛkulu, ntolantannaw, ɲɛmɔgɔw ani senkɔrɔmadonbaaw. A ye
nin kumaw fɔ a jiradon na tɔn in ɲɛkɔrɔ Sotuba.
Djeneba BAGAYOGO
Ntolantan gɛlɛn na, Mali Sɛgɛ musow ye Tanzani musow gosi 1-0, k’a sababu kɛ Saratu Tarawele ka binin kelen ye sanga 45 fɔlɔ banwaati yɛrɛ la. Kulu C balontan dɔ la Afirikidisidi ye Gana gosi 2-0.
Bamakɔ Sitadimaliyɛn kɛra Mali tɔn ŋana ye kabini ŋanaŋinin in tile 24nan don. A y’o jonjon sɔrɔ kunun ŋanaɲininin tile 26nan n’a laban don. Jonjon kɔfɛ sefawari miliyɔn 30 waritasɛbɛn dira a ma, ka a miliyɔn 15 di Joliba ma o min kɛra jɔyɔrɔ 2nan ye, ka a miliyɔn 10 di jɔ.
Kabini ntɛnɛn tɛmɛnnen in, Mali Sɛgɛ musow ye farifoniw daminɛ Mamadu Konate tɔgɔla farikoloɲɛnajɛkɛnɛ na u ka degelikaramɔgɔ Mohamɛdi Salumu lahɔrɔma kɔnɔ. O ye jigisigi kɛ, ko baaraw taacogo ka ɲi kosɛbɛ.
-.
U gosira 2-0 Sɛnɛgali fɛ u bɔko fɔlɔ la. O siratigɛ la, Mali ka ko b’a yɛrɛ bolo kari nata in sɛtanburukalo tile 22. A ni Ganbi de bɛna ɲɔgɔn sɔrɔ nɛgɛ kanɲɛ 16 waati la, Mɔrɔbiya Antuwanɛti Tubuman tɔgɔla farikoloɲɛnajɛkɛnɛ na. Ka sɔrɔ kow bɛ sɔn ka nɔgɔya dege.
Afiriki ntolantantɔnw ka ɲɔgɔndanw taali tako filanan daminɛna jumadon. Mali ka cɛbɔ fila, n’o ye Joliba min bɛ ntolantantɔnw ka ŋanaɲinin na ani Sitadimaliyɛn min bɛ kɔnfederasɔn kupu la, u y’u ka balontanw kɛ sibiri tɛmɛnnen in sɛtanburukalo tile 14 san 2024.
