Mali sera k’a tɔgɔ bɔ
daw la kunun Tanzani ɲɛkɔrɔ Afiriki muso ntolantannaw ka KANI Kulu C tile fɔlɔ
la Marɔku san 2024. Kow tun bɛ Kadijatu Jabate de bolo. A y’a se jira kosɛbɛ
kininbolo kan. O de kosɔn Mali Sɛgɛ musow doncogo ɲɛna tulon in na ni Tanzani musow
gosili ye 1-0.
Mali k’o binin kelen donna Saratu Tarawele fɛ sanga 45 fɔlɔ banwaati la ka
sanga kelen da o kan (sanga 45nan+1). Kɔfɛmɔgɔ Ayisa Samakɛ ye balon min tan ka
se Kadijatu Jabate ma ni Tanzani kɔfɛmɔgɔ dɔ y’o manamana lasegin, Mali
cɛmancɛmɔgɔ Saratu Tarawele de y’o kɛ bi ye. Tanzani jɔkɔlɔsila Najiyati Abasi
Idirisa ma se ka fosi ɲɛ o la.
Sanga 45 filanan na, Mohamɛdi Salumu «Huseyi» ka musow y’u sen da balon kan,
nka Tanzani musow tun sago ye k’a minɛ u la sanga ni waati bɛɛ la k’a ɲinin ka
kuru in jibɔ. Hali n’o ma ɲɛ u bolo, u kɔni y’u seko jira, kɛrɛnkɛrɛnnenya la
ni balon janw tanni ye ka sin Mali jɔ ma. A ma ɲɛ babugu baara kɔ Sɛgɛ musow
ɲɛmɔgɔ Fatumata Karantawo n’a tɔɲɔgɔnw bolo. A kɛra kunnadiya ye, sabula
Tanzani ma se cogo si la ka kuru in jibɔ. Mali y’a ka kuru saba sɔrɔ a bɔko
fɔlɔ la. Saratu Tarawele ye muso ŋana jansanni jonjon sɔrɔ.
Bɔko fɔlɔ ni sebaaya fɔlɔ ani balontan muso jansanni jonjon fɔlɔ : An bɛ se
k’a fɔ ko a kɛra wasa ye Mali bolo sanni ka se u mi Gana ka ɲɔgɔnsɔrɔ ma u bɔko
filanan na juma zuluyekalo tile 11. Mali musow ka degelikaramɔgɔ Mohamɛdi
Salumu « Huseyi » y’a jira kunnafonidilalajɛ senfɛ, ko a wasara n’a
ka musow ye ; ka da a kan u ye ɲɔgɔn faamuya kosɛbɛ kɛnɛ kan.
I n’a fɔ Mali musow, Afirikidisidi fana taw doncogo ɲɛna tulon na u bɔko fɔlɔ
la. U ye Gana musow gosi 2-0. Kabini sanga 45 fɔlɔ la Banyana-Banyana y’a ka bi
fila don. Bi fɔlɔ donna Linda Motihalo fɛ sanga 28na na penaliti la, filanan
donna Jɛrimɛni Sewoposenwe fɛ sanga 34nan na. Sanga 45 filanan na, Gana y’a
ɲinin k’a firifiri kosɛbɛ, nka o si ma kɛ jigitugu ye a bolo.
Afiriki ŋanaw (Banyana-Banyana) kɛra kulu C jɔyɔrɔ fɔlɔ ye, sanni u fana bɔko
filanan cɛ ni Tanzani musow ye tile 2nan na. Mali musow ni Gana musow bɛ ɲɔgɔn
sɔrɔ o fana na, ka sɔrɔ ka kulu ntolantan kuncɛ ni Afirikidisidi Banyana
Banyana ye tile 3nan na zuluyekalo tile 14.
Hakililajigin na, Jamana fila minnu ka kuru hakɛ mana caya ni kulu jamana
tɔw ta ye, ka fara jɔyɔrɔ 3nan ɲumanw kan, olu de bɛ yamaruya ka karidefinali
ntolantanw kɛ.
Mali ntolantannaw : Fatumata Karantawo (ɲɛmɔgɔ), Kuluba Sogore,
Fatu Danbɛlɛ, Fatumata Jara (Salimata Jara, sanga 79nan), Yakare Niyakate, Ageyisa
Jara (Fatumata Niyakate, sanga 66nan), Kani Kɔnte, Ayisata Tarawele, Kadijatu Jabate,
Umu Kɔnɛ sanga 79nan), Ayisa Samakɛ, Saratu Tarawele.
Dɔkala
Yusufu JARA
Jɛnɛba BAGAYƆGƆ
Djeneba BAGAYOGO
Bamakɔ Sitadimaliyɛn kɛra Mali tɔn ŋana ye kabini ŋanaŋinin in tile 24nan don. A y’o jonjon sɔrɔ kunun ŋanaɲininin tile 26nan n’a laban don. Jonjon kɔfɛ sefawari miliyɔn 30 waritasɛbɛn dira a ma, ka a miliyɔn 15 di Joliba ma o min kɛra jɔyɔrɔ 2nan ye, ka a miliyɔn 10 di jɔ.
Kabini ntɛnɛn tɛmɛnnen in, Mali Sɛgɛ musow ye farifoniw daminɛ Mamadu Konate tɔgɔla farikoloɲɛnajɛkɛnɛ na u ka degelikaramɔgɔ Mohamɛdi Salumu lahɔrɔma kɔnɔ. O ye jigisigi kɛ, ko baaraw taacogo ka ɲi kosɛbɛ.
-.
U gosira 2-0 Sɛnɛgali fɛ u bɔko fɔlɔ la. O siratigɛ la, Mali ka ko b’a yɛrɛ bolo kari nata in sɛtanburukalo tile 22. A ni Ganbi de bɛna ɲɔgɔn sɔrɔ nɛgɛ kanɲɛ 16 waati la, Mɔrɔbiya Antuwanɛti Tubuman tɔgɔla farikoloɲɛnajɛkɛnɛ na. Ka sɔrɔ kow bɛ sɔn ka nɔgɔya dege.
Afiriki ntolantantɔnw ka ɲɔgɔndanw taali tako filanan daminɛna jumadon. Mali ka cɛbɔ fila, n’o ye Joliba min bɛ ntolantantɔnw ka ŋanaɲinin na ani Sitadimaliyɛn min bɛ kɔnfederasɔn kupu la, u y’u ka balontanw kɛ sibiri tɛmɛnnen in sɛtanburukalo tile 14 san 2024.
O furu suguya in, ni dɔw b’a wele « yɛrɛfuru », a bɛ kɛ tuma caman na, nka a caman fana tɛ mɛɛn si la. Sababuw : bɛnbaliya duw cɛ, furuɲɔgɔn dɔnbaliya a ɲɛma ani kɛlɛ misɛnninw. Furuɲɔgɔn dɔw bɛ bala ko kolonw na ɲɔgɔn na ; i n’a fɔ bana dogolenw, walima jogo kolon.
