Joliba ni Togo Kara « ASKO » ye ɲɔgɔn sɔrɔ sanji misɛnnin kɔrɔ. O ko tora Joliba ta la 1 ni 0 « 26Mars » farikoloɲɛnajɛkɛnɛ na Bamakɔ. O binin kelen donbaa kɛra ɲɛfɛmɔgɔ Zumana Sɛnpara ye sanga 20nan na penaliti la. O sebaaya kɔfɛ so yan, Joliba ka kan ka taa a ka sebaaya yɛrɛ ɲinin u ka kulu la Lome kɔmasegin na kari nata sɛtanburukalo tile 22 Kege farikoloɲɛnajɛkɛnɛ na Togo. Hali n’a danna filaninbin ma u ni ɲɔgɔn cɛ, o bɛ Mali ŋana Joliba wasa.
Fan dɔ fɛ, Bamakɔ Sitadimaliyɛn bɔko fɔlɔ la kɔnfederasɔn kupu la, o binna Liberiya « Paynesville » ɲɛkɔrɔ 1 ni 0. O sesɔrɔbaliya in kɔkan, o bɛ Sotuba Sitadimaliyɛn bila wajibi sebaayaɲinin na kɔmasegin na juma nata sɛtanburukalo tile 20 Bamakɔ yan.
U ka degelikaramɔggɔ Mamutu Ture ka
fɔ la, a kɛra balontan gɛlɛnba ye olu bolo ; kɛrɛnkɛrɛnnenya la sanga
90 laban kɔnɔ, u y’u
fasaw fili kosɛbɛ min na kuru kelen in jibɔli nɔfɛ, fo ka dɔwɛrɛ ɲinin ka
danfara don u ni ɲɔgɔn cɛ. A labanna k’a
jira, ko fosi ma tiɲɛ fɔlɔ ; sabula ko kɔmasegin bɛ yen Bamakɔ yan. A k’u b’a ɲinin cogo bɛɛ la, sabaaya ka sɔrɔ u fana bolo o la, hali n’a kɛra bi kelen danfara
y’u ni ɲɔgɔn cɛ.
Djeneba BAGAYOGO
-.
U gosira 2-0 Sɛnɛgali fɛ u bɔko fɔlɔ la. O siratigɛ la, Mali ka ko b’a yɛrɛ bolo kari nata in sɛtanburukalo tile 22. A ni Ganbi de bɛna ɲɔgɔn sɔrɔ nɛgɛ kanɲɛ 16 waati la, Mɔrɔbiya Antuwanɛti Tubuman tɔgɔla farikoloɲɛnajɛkɛnɛ na. Ka sɔrɔ kow bɛ sɔn ka nɔgɔya dege.
O furu suguya in, ni dɔw b’a wele « yɛrɛfuru », a bɛ kɛ tuma caman na, nka a caman fana tɛ mɛɛn si la. Sababuw : bɛnbaliya duw cɛ, furuɲɔgɔn dɔnbaliya a ɲɛma ani kɛlɛ misɛnninw. Furuɲɔgɔn dɔw bɛ bala ko kolonw na ɲɔgɔn na ; i n’a fɔ bana dogolenw, walima jogo kolon.
Ntolantanna 27 welelenw na degelikaramɔgɔ nɔnabila Badara Alu Jalo fɛ, seegin de ma ye. Olu ma se ka ma ka da kun dɔw kan. I n’a fɔ ntolantannaw ɲɛmɔgɔ Hamari Tarawele, Amadu Hayidara n’a bɛ wele Dudu, Nene Dɔrizelɛsi, Masajo Hayidara.
Nin kuma tun bɛ mɔgɔw da kɔnɔ kabini waati jan ; sisan a kuma forobayara ; Ganbi degelikaramɔgɔ kɔrɔ Tɔmu Sɛnfiye, ni Bɛliziki jamanaden don, a sugandira ka kɛ Mali Sɛgɛw degelikaramɔgɔ kura ye.
