Gɛrɛntɛ bɛ Sɛgɛninw ɲɛmɔgɔ Abubakari Jara n’a tɔɲɔgɔnw kan nin balontan in janjo tɔ la ; sabula u wajibiyalen don ka sebaaya sɔrɔ Ganbi kan, min b’a to u bɛ se ka to yen ka tɛmɛn ni tulon tɔ ye. Ganbi ni Sɛnɛgali bɛ ɲɔgɔn sɔrɔ bi ; an dalen b’a la ko Sɛgɛninw b’o sɛbɛkɔrɔ lajɛ.
Sumayila Kulubali n’a ka cɛdenw bɛ Ala deli Sɛnɛgali ka sebaaya sɔrɔli la o
balontan in na. O b’a to Mali ka se ka wasa sɔrɔ ka se
demifinali ma. A k’u ye binni min kɛ Sɛnɛgali ɲɛkɔrɔ u bɔko fɔlɔ la, o
kɛra jigilatigɛ
ye ; ka da a kan balontan fɔlɔ nafa ka bon kosɛbɛ ; a bɛ jigisigi di tɔn ma.
A ko a ɲuman ye u ka se ka Ganbi
gosi ni bi caman ye walasa u na se ka jigisigi sɔrɔ, ka ɲinɛ bɔko fɔlɔ binni dimi kɔ. Mali-Ganbi,
o balontan in bɛna bɛn an ka jamana ka yɛrɛmahɔrɔnya sɔrɔli sanyɛlɛma ma.
sɛtanburukalo tile 22 ye donba ye Mali bolo. O siratigɛ la, Sumayila Kulubali k’u bɛna u fasa fili kosɛbɛ
sebaaya nɔfɛ. A b’a ɲinin u
senkɔrɔmadonbaaw
fana fɛ, u kana salaya, u fari kana faga. Hakililajigin na,
Mali bɛ kulu min kɔnɔ, Moritani ye walan sɛmɛn janjo
tɔ la ; u tɔ tora
jamana saba ye.
Kulu A kɔnɔ, Liberiya min ye U20 janjo in bisimilabaa ye, o ye
Gine-Bisawo gosi a bɔko fɔlɔ la
(1-0), Kasɔrɔ Lajinɛ ni
Seraleyɔni dɛsɛra ɲɔgɔn na 0-0.
Kulu kelenna kɔnɔ, jamana fila fɔlɔ minnu
ka kuru hakɛ mana caya ni tɔw ta ye, olu bɛ
sebaaya sɔrɔ ka demifinali tan.
Jamana minnu fana mana sebaaya sɔrɔ ka se finali la, olu bɛ yamaruya u ka
kupudafiriki janjo lasɔrɔli la ; o min bɛna kɛ san 2025 kɔnɔ.
Dɔkala Yusufu JARA
Djeneba BAGAYOGO
Bamakɔ Sitadimaliyɛn kɛra Mali tɔn ŋana ye kabini ŋanaŋinin in tile 24nan don. A y’o jonjon sɔrɔ kunun ŋanaɲininin tile 26nan n’a laban don. Jonjon kɔfɛ sefawari miliyɔn 30 waritasɛbɛn dira a ma, ka a miliyɔn 15 di Joliba ma o min kɛra jɔyɔrɔ 2nan ye, ka a miliyɔn 10 di jɔ.
Kabini ntɛnɛn tɛmɛnnen in, Mali Sɛgɛ musow ye farifoniw daminɛ Mamadu Konate tɔgɔla farikoloɲɛnajɛkɛnɛ na u ka degelikaramɔgɔ Mohamɛdi Salumu lahɔrɔma kɔnɔ. O ye jigisigi kɛ, ko baaraw taacogo ka ɲi kosɛbɛ.
-.
Afiriki ntolantantɔnw ka ɲɔgɔndanw taali tako filanan daminɛna jumadon. Mali ka cɛbɔ fila, n’o ye Joliba min bɛ ntolantantɔnw ka ŋanaɲinin na ani Sitadimaliyɛn min bɛ kɔnfederasɔn kupu la, u y’u ka balontanw kɛ sibiri tɛmɛnnen in sɛtanburukalo tile 14 san 2024.
O furu suguya in, ni dɔw b’a wele « yɛrɛfuru », a bɛ kɛ tuma caman na, nka a caman fana tɛ mɛɛn si la. Sababuw : bɛnbaliya duw cɛ, furuɲɔgɔn dɔnbaliya a ɲɛma ani kɛlɛ misɛnninw. Furuɲɔgɔn dɔw bɛ bala ko kolonw na ɲɔgɔn na ; i n’a fɔ bana dogolenw, walima jogo kolon.
Ntolantanna 27 welelenw na degelikaramɔgɔ nɔnabila Badara Alu Jalo fɛ, seegin de ma ye. Olu ma se ka ma ka da kun dɔw kan. I n’a fɔ ntolantannaw ɲɛmɔgɔ Hamari Tarawele, Amadu Hayidara n’a bɛ wele Dudu, Nene Dɔrizelɛsi, Masajo Hayidara.
