Lafiya tɛ Mali Sɛgɛ
musow ye sisan. Kabini u bɔra Afiriki tilebinyanfan kulu A tako 2nan (UFOA) jango
la, n’u kɛra jɔyɔrɔ 4nan y’o la, ɲɛmɔgɔ Fatumata Karantawo n’a tɔɲɔgɔnw sinna
k’u ka KANI labɛnw daminɛ. O janjo bɛ daminɛ zuluyekalo tile 5 k’a kuncɛ a tile
26 Marɔku.
O siratigɛ la, degelikarɔgɔ Mohamɛdi Salumu n’a ka musow ye farifoniw daminɛ
ntɛnɛndon Mamadu Konate tɔgɔla farikoloɲɛnajɛkɛnɛ na siɲɛ duuru dɔgɔkun kɔnɔ
labɛn dakun fɔlɔ la. Mohamɛdi Salumu «Huseyi» ka fɔ la, baaraw taacogo ka ɲi
kosɛbɛ, wa balontanna ninnu bɛɛ ni galabu bɛ ɲɔgɔn na.
Halini Mali kɛra jɔyɔrɔ
4nan ye UFOA jango la, degelikaramɔgɔ n’a ka musow ye kalan caman sɔrɔ a senfɛ.
A kɛra senfilɛ y’u bolo ka ɲɛsin u ka KANI ma. Degelikaramɔgɔ y’a ka musow
sekow an’u dɛsɛkow dɔn. O de kosɔn kabini u sen sura Bamakɔ u sinna k’u kɛ
labɛnw kan fili kɔlɔsilenw latilenni kama ka jigisigi kɛ ka bila KANI tako 13
in janjo ɲɛ. Ntolantannaw ka galabu kɛnɛya de ɲinintɔ don.
I n’a fɔ degelikaramɔgɔ, Sɛgɛ musow ɲɛmɔgɔ y’a ka nisɔndiya jira degeliw taacogo ɲuman na ani ka jigisigi kɛ, k’u labɛnnen don k’u ka janjoba in makɔnɔ. Labɛnw taacogo ka ɲi kosɛbɛ. U bɛɛ miiri bɛ KANI ntolantanw kan ; wa u ka laɲinin fɔlɔ ye ka se ka sebaaya sɔrɔ kuluntolantan na.
Mali sennanolantan tɔnba
(Femafoot) sekeretɛri zenerali Sidi Bekayi Magasa ye jigisigi kɛ, ko dabali bɛɛ
tigɛlen don min b’a to Sɛgɛ musow bɛ se k’u ka labɛnw kɛ cogoya ɲuman na ni farikoloɲɛnajɛ
minisiriso ka dɛmɛn ye. Ntolantannaw ka kan ka yɛlɛma Kabala yanni alamisa cɛ
sanni k’u taa u ka labɛn tɔ dafa Marɔku ni teriya ntolantan fila ye.
Jamana tan ni fila ntolantan musow bɛ ɲɔgɔn sɔrɔ Marɔku san 2024 KANI kɛnɛ kan. U tilalen don kulu saba ye ; kulu kelen o kelen jamana naani. Mali bɛ kulu C kɔnɔ, Afirikidisidi min ye Afiriki ŋana ye, Gana ani Tanzani fana b’o kulu in kɔnɔ. Kulu A jamanaw ye jatigi Marɔku, Zanbi, Sɛnɛgali ani RD Kongo. Kulu B jamanaw ye Nizeriya, Tunizi, Alizeri ani Bɔsiwana.
Kulu kelen o kelen na, jamana fila fɔlɔ minnu ka kuru hakɛ mana caya ni tɔw ta
ye, ka fara jɔyɔrɔ sabanan ɲuman fila kan, olu de bɛ karidefinali ntolantanw kɛ.
Sɛgɛ musow bɛ tulon datigɛ ni Tanzani ye Bɛrikani farikoloɲɛnajɛkɛnɛ na
zuluyekalo tile 7, ka Gana jaso zuluyekalo til 11 o kɛnɛ kelen in kan, ka kulu
ntolantan kuncɛ ni Afirikidisidi ye zuluyekalo tile 14 Ujuda farikoloɲɛnajɛkɛnɛ
na.
Dɔkala Yusufu JARA
Djeneba BAGAYOGO
-.
U gosira 2-0 Sɛnɛgali fɛ u bɔko fɔlɔ la. O siratigɛ la, Mali ka ko b’a yɛrɛ bolo kari nata in sɛtanburukalo tile 22. A ni Ganbi de bɛna ɲɔgɔn sɔrɔ nɛgɛ kanɲɛ 16 waati la, Mɔrɔbiya Antuwanɛti Tubuman tɔgɔla farikoloɲɛnajɛkɛnɛ na. Ka sɔrɔ kow bɛ sɔn ka nɔgɔya dege.
Afiriki ntolantantɔnw ka ɲɔgɔndanw taali tako filanan daminɛna jumadon. Mali ka cɛbɔ fila, n’o ye Joliba min bɛ ntolantantɔnw ka ŋanaɲinin na ani Sitadimaliyɛn min bɛ kɔnfederasɔn kupu la, u y’u ka balontanw kɛ sibiri tɛmɛnnen in sɛtanburukalo tile 14 san 2024.
O furu suguya in, ni dɔw b’a wele « yɛrɛfuru », a bɛ kɛ tuma caman na, nka a caman fana tɛ mɛɛn si la. Sababuw : bɛnbaliya duw cɛ, furuɲɔgɔn dɔnbaliya a ɲɛma ani kɛlɛ misɛnninw. Furuɲɔgɔn dɔw bɛ bala ko kolonw na ɲɔgɔn na ; i n’a fɔ bana dogolenw, walima jogo kolon.
Ntolantanna 27 welelenw na degelikaramɔgɔ nɔnabila Badara Alu Jalo fɛ, seegin de ma ye. Olu ma se ka ma ka da kun dɔw kan. I n’a fɔ ntolantannaw ɲɛmɔgɔ Hamari Tarawele, Amadu Hayidara n’a bɛ wele Dudu, Nene Dɔrizelɛsi, Masajo Hayidara.
Nin kuma tun bɛ mɔgɔw da kɔnɔ kabini waati jan ; sisan a kuma forobayara ; Ganbi degelikaramɔgɔ kɔrɔ Tɔmu Sɛnfiye, ni Bɛliziki jamanaden don, a sugandira ka kɛ Mali Sɛgɛw degelikaramɔgɔ kura ye.
