Afiriki tilebinyanfan ntolantan kɔnfederasɔn n’a bɛ wele tubabukan daɲɛ surun na « UFOA-A, o janjo banna Sɛgɛninw bolo kabini kuluntolantanw na. Sɛnɛgali y’u gosi bɔko fɔlɔ la 2-0. Mali tun bɛ kulu min kɔnɔ, o jamana tɔ tun tora saba ye Moritani kɛlen ka walan sɛmɛn k’a senbɔ tulon na. O siratigɛ la, Mali tun wajibiyalen don ka Ganbi gosi a bɔko filanan na, walasa a na se ka demifinaliw lasɔrɔ. Nka a ma se k’o kɛ. Sumayila Kulubali n’a ka cɛdenw ye filaninbin kɛ Ganbi fɛ 0-0. Balontanko fila gosiko 1, filaninbinko 1, a ma bi don, bi 2 donna a la. Jamana fila de ye sebaaya sɔrɔ u ka kulu kɔnɔ : Sɛnɛgali ye bɔko fila kɛ, sebaaya 1, filaninbin 1, Ganbi bɔko fila la, a ye filaninbinko 2 kɛ.
Sɛgɛninw degeikaramɔgɔ Sumayila Kulubali k’a fɔ la, nin kɛra jigilatigɛ dan ye ale bolo. Sabula k’u natɔ Liberiya, laɲinin tun ye ka se finali la, min b’a to u jigi bɛ se ka da u ka kulu ka KANI taali kan. O ma se ka sabati ; a k’u na walanda sɔrɔ nin bincogo in na. A k’a bɛ yaafa ɲinin u senkɔrɔmadonbaaw fɛ. Kasɔrɔ nin Sɛgɛnin ninnu ye medayi ziralama sɔrɔ u ka san 2023 kupudimɔni janjo la. Nin sen in kɔni na, Mali Sɛgɛninw tɛna ye u ka KANI U20 kɛnɛ kan ; o min bɛna kɛ san 2025 kɔnɔ.
Nin y’a siɲɛ saba ye ka da ɲɔgɔn kan, Mali Sɛgɛninw sen bɛ bɔ tulon tɔ la nin yɔrɔ kelen in na san 2021 ni 2023 kɔfɛ. O b’a jira ko kabini san 2019 sebaaya bɔra a la Nizɛri, Mali Sɛgɛninw selen tɛ ka woyo yɛlɛn u ka kupuko la bilen.
An b’aw ladɔnniya, ko kupu tɛmɛnnen bɛ Sɛnɛgali min bolo, o ni Lajinɛ bɛ ɲɔgɔn sɔrɔ demifinali fɔlɔ la, Seraleyɔni ni Ganbi fana bɛ ɲɔgɔn sɔrɔ filanan na. O Ganbi sera finali la kupu tɛmɛnnen in na. A balontan fila bɛɛ bɛna kɛ sini, sɛtanburukalo tile 25 san 2024 Samiyɛli Kaniyɔn Do tɔgɔla farikoloɲɛnajɛkɛnɛ na. Jamana fila minnu mana sebaaya sɔrɔ ka finali tan, olu yamaruyalen don ni taali ye U20 KANI na.
Dɔkala Yusufu JARA
Djeneba BAGAYOGO
U gosira 2-0 Sɛnɛgali fɛ u bɔko fɔlɔ la. O siratigɛ la, Mali ka ko b’a yɛrɛ bolo kari nata in sɛtanburukalo tile 22. A ni Ganbi de bɛna ɲɔgɔn sɔrɔ nɛgɛ kanɲɛ 16 waati la, Mɔrɔbiya Antuwanɛti Tubuman tɔgɔla farikoloɲɛnajɛkɛnɛ na. Ka sɔrɔ kow bɛ sɔn ka nɔgɔya dege.
Afiriki ntolantantɔnw ka ɲɔgɔndanw taali tako filanan daminɛna jumadon. Mali ka cɛbɔ fila, n’o ye Joliba min bɛ ntolantantɔnw ka ŋanaɲinin na ani Sitadimaliyɛn min bɛ kɔnfederasɔn kupu la, u y’u ka balontanw kɛ sibiri tɛmɛnnen in sɛtanburukalo tile 14 san 2024.
O furu suguya in, ni dɔw b’a wele « yɛrɛfuru », a bɛ kɛ tuma caman na, nka a caman fana tɛ mɛɛn si la. Sababuw : bɛnbaliya duw cɛ, furuɲɔgɔn dɔnbaliya a ɲɛma ani kɛlɛ misɛnninw. Furuɲɔgɔn dɔw bɛ bala ko kolonw na ɲɔgɔn na ; i n’a fɔ bana dogolenw, walima jogo kolon.
Ntolantanna 27 welelenw na degelikaramɔgɔ nɔnabila Badara Alu Jalo fɛ, seegin de ma ye. Olu ma se ka ma ka da kun dɔw kan. I n’a fɔ ntolantannaw ɲɛmɔgɔ Hamari Tarawele, Amadu Hayidara n’a bɛ wele Dudu, Nene Dɔrizelɛsi, Masajo Hayidara.
Nin kuma tun bɛ mɔgɔw da kɔnɔ kabini waati jan ; sisan a kuma forobayara ; Ganbi degelikaramɔgɔ kɔrɔ Tɔmu Sɛnfiye, ni Bɛliziki jamanaden don, a sugandira ka kɛ Mali Sɛgɛw degelikaramɔgɔ kura ye.
