Pilati fɔrɔmu «Ninacad-Adresse» jirala minisirisiriɲɛmɔgɔso la ntɛnɛn marisikalo tile 10 san 2025 kolatigɛkulu fɛ ka ɲɛsin fanga ka baara yɛlɛma kuraw ma. A baaraw ɲɛmɔgɔya tun bɛ minisiriɲɛmɔgɔ, mara ni desantaralizasɔn minisiri Zenerali de diwisɔn Abudulayi Mayiga bolo, ale min ye kolatigɛkulu in ɲɛmɔgɔba ye. Gɔfɛrɛnaman minisiriw ani dugukolo yɛlɛma kuraw cakɛda sekeretɛri dagalen Kolonɛli-mazɔri Sɛkinɛ Mamadu Jefaga, olu tun b’a kɛnɛ kan. Jefaga ka fɔ la, «Ninacad-Adresse» ye gundolajateden wɔɔrɔ ye dugukolo kelenna tɔgɔ la, dugukolo lasɔrɔcogo, yɔrɔ lasɔrɔcogo faralen don o kan yɔrɔ kelenna kɔnɔ. Lasɔrɔsira min don wari tɛ sara a lajɛli la ; siti web don, kɔnɔko baju lakanannen don kunnafoniw tɔpɔtɔli la. Kolonɛli-mazɔri Sɛkinɛ Mamadu Jefaga y’a jira ko lasɔrɔcogo in ɛntɛrinɛti fɛ «Ninacad-Adresse», yɔrɔ 1.500.000 ɲɔgɔnna bɛ se ka lasɔrɔ a fɛ dugubaw kɔnɔ ani wula kɔnɔ Bamakɔ komini 6 kɔnɔ, komini kɔrɔw Kalaban-kɔrɔ, Moribabugu, Nkabakɔrɔ-Duruwa ani Sankarebugu, ka fara duguba kɔnɔ kominiw ni wula kɔnɔ komini dɔw kan Kati sɛrɛkili dafɛ ani Segu dugu. A donni Kulukɔrɔ ni Sikaso kɔnɔ o baaraw bɛ sen na. Nin lasɔrɔcogo in ɛntɛrinɛti fɛ, a b’a to dugukolow lasɔrɔsira ka bila mɔgɔw ka bolo kan wula kɔnɔ ani dugubaw kɔnɔ, kunnafoni baju kuraw dugu dɔnni tɔpɔtɔli la. «Ninacad-Adresse » sigira senkan walasa ka se ka jaabi ɲuman sɔrɔ jamana ɲɛmɔgɔw ka ŋaniya sirilen na yɛlɛma kura donni siratigɛ la fanga ka baara la ni ɛntɛrinɛti sira ye. Baarakɛminɛn don dugu dɔnni an’a tɔpɔtɔli la, dugukoloko yɛlɛma kura cakɛda sekeretɛri dagalen in ka fɔ la. A y’a jira fana, ko yɛlɛma ɲuman bɛ don pilati fɔrɔmu in cogoya ka taa a fɛ ka kɛɲɛ ni fanga, sigidaw ani fasojama makow ye. Lasɔrɔsira in b’a to ka se ka mɔgɔw, baara kɛtaw walima cakɛdaw yɔrɔw, k’u lasɔrɔ (yɔrɔdɔn) ani ka kunnafoniw ɲinin. A b’a to fana, ka se ka caman fara ko gonin kɛtaw ani diliw fanga kan, Sɛkinɛ Mamdu Jefaga ka fɔ la. A jirala kunnafonisɛbɛn dɔ kɔnɔ min ɲɛsinna kunnafonidilaw ma, ko sinsin bɛ kɛ «Ninacad-Adresse» kan waati la, ni yɔrɔ yɔrɔnnen tɛ koɲuman ko taamasiyɛn dafabaliw b’a la, walima n’o man ca, ani ni taamasiyɛn donnen tɛ ɛntɛrinɛti kɔnɔ. O la, pilati fɔrɔmu kura in b’a yɔrɔdɔnni nɔgɔya « e-commerce » ni dili baara kɛtaw, bugunnatigɛli lɛnpoko baaraw kɔnɔ, magɛnni goninw baara kɛtaw cayali ɲɛtaa kama. Dugubaw jɔli, soko, dugukoloko, jamana dugukolo labɛnni ani jama minisiri Imirani Abudulayi Ture ye jigi sigi kɛ yɛlɛma ɲuman donni na lasɔrɔsira in «Ninacad-Adresse» cogoya la, walasa a na se ka fanga ka laɲininw sabati. Nafoloko ni wariko minisiri Aluseni Sanu y’a jira ko lasɔrɔsira in bɛ fasojama mako ɲɛ. A ye foli ni tanuni lase baara in kotigiw ma. Minisiriɲɛmɔgɔ Zenerali de diwisɔn Abudulayi Mayiga ye hakilila in foli kɛ, ka laban k’a ɲinin sekeretɛri dagalen n’a ka jama fɛ, u ka tɛmɛn ni hakilila falenw ye ni fanga ka baara yɛlɛma kuraw mɔgɔw ye. Dɔkala Yusufu JARA Baba KULUBALI
Dɔkala Yusufu Jara
Rencontre sur l'AES.
Rencontre Primature.
VBG.
Conseil des ministres.
Amélioration de la crise du carburant.
Arbitres.
