« Burukina Faso ni Nizεri gɔfεrεnamanw kεlen kɔ ka hakilijakabɔ kε kosεbε G5 Saheliko an’a baarakεcogo kan, u bεnna a kan, k’u foosi ka bɔ a n’a jɔsen bεε la ; hali u tun ye sɔrɔdasikulu min sigi senkan, u y’u foosi ka bɔ o fana na k’a daminε nowanburukalo tile 29 san 2023».
O siratigε la, Wagadugu ni Ɲame y’a ŋaniya k’u jigi da u jamana saba cε bεnkan kan, walasa u na se k’u ka yεrεmahɔrɔnya yεrε-yεrε sɔrɔ, k’u ka jamanaw bɔ kojugubakεlaw bolo, ka lafiya, basigi ani yiriwali sira minε sahelikungo mɔgɔw ye.
Burukina faso ni Nizεri jεra ka laseli min kε, u y’a jira ko G5-Saheli ye jεkulu ye, min sigira senkan desanburukalo tile 19 san 2014, Burukina Faso, Mali, Moritani, Nizεri ani Cadi fε. A laɲinin tun ye k’u fangaw fara ɲɔgɔn kan, ka sahelikungo kε yɔrɔ basigilen ani yiriwali kεnε ye, nka ko a san kɔnɔntɔn ye nin ye, jεkulu in selen tε ka nɔ bɔ ko la, laɲininw tε ka sabati.
« Min yεrε ka jugu a ko la kosεbε, jamanaw ye ŋaniya min siri sariyako nasira la, walasa G5-Saheli kεnε ka se ka kε basigi ani yiriwali yɔrɔ ye, o tε se ka sira sɔrɔ k’a sababu kε fangabulonw cogoyaw, ani gεrεntε wεrεw, minnu b’a ɲinin k’an bɔ an ka yεεrεmahɔrɔnya ni danbe sinsinni sira kan, o min y’an haminanko ye bi, nka o tε se ka sira sɔrɔ k’an to G5-Saheli kɔnɔ, ka da o cogoya kan sisan.
O de kosɔn, jamana fila in ka hakilijakabɔ y’a jira, ko ka G5-Saheli ɲεsinnen to jamana wεrεw nafaw ɲininni ma ka sagon sehelikungo mɔgɔw taw kan, ka fara o jamana wεrεw ka kafa ni yaada kan an kunna, ko baarakεɲɔgɔnya, k’an kodɔnbaliminε, k’i tugu an ka yεrεmahɔrɔnya kan, ani G5-Sahel jamanadenw ka hakεw kan. « A ma se o ma ; walasa a ka dɔn ko an tε fεndɔnbali ye, Burukina faso ni Nizεri y’a ŋaniya, kiiri tε, wɔyɔ tε, k’u foosi ka bɔ G5-Saheli kɔnɔ.
Burukina Faso ni Nizεri gɔfεrεnamanw haminankoba ye lafiya kuntaala jan sɔrɔli ye sahelikungo kɔnɔ. O siratigε la, u tigεlen don a kan, ko sahelikungo jamanaw ka kan k’u bolo di ɲɔgɔn ma kojugubakε kεlεli la, yiriwali ka se ka sabati.
Abubakari TARAWELE
Et
Dɔkala Yusufu Jara
Rencontre sur l'AES.
Rencontre Primature.
VBG.
Conseil des ministres.
Amélioration de la crise du carburant.
Arbitres.
