Don baara bolodalenw
fɛsɛfɛsɛlen kɔfɛ, minisirilajɛ ye kamaɲɔgɔnyaw lamɛn.
1. Kɔkankow ni diɲɛ tɔnbaw cɛ
koɲɛnabɔ minisiri ye minisirilajɛ ladɔnniya :
a. lajɛba
2nan min kɛra politikiko hakililaɲinin dabali bɛnkanw kan Wenezuwela ani Mali
cɛ.
Wenezuwela Foroba fanga minisiri kɔkankow la o ni Mali kɔkankow ni diɲɛ tɔnbaw
cɛ koɲɛnabɔ minisiri ye ɲɔgɔnye kɛ Karakasi, Wenezuwela faaba la utikalo tile 4
san 2025, politiko hakililaɲinin dabali lajɛba 2nan na jamana fila in cɛ.
O ɲɔgɔnye in y’a to dɔ ka se ka fara ɲɔgɔndɛmɛn, teriya ani jɛkabaara fanga kan
karanko caman na, minnu dantigɛra lajɛ seereyasɛbɛn kɔnɔ, n’a bolonɔbilala
minisiri fila in fɛ baaraw kuncɛlen. Bugunnatigɛli
dɔ bɔra o dabali kɔnɔ diɲɛ, Afiriki tilebinyanfan ani AES kunkanko caman kan.
A ka taama kɔnɔ, kɔkankow ni diɲɛ tɔnbaw cɛ koɲɛnabɔ minisiri bisimilala
Wenezuwele jamanakuntigi an’a jamanakuntigi-dankanmuso fɛ. A ye baaralajɛw fana
kɛ ni Wenezuwela gɔfɛrɛnaman minisiri caman ye ani « Wenezuwela
faraɲɔgɔnkan kolatigɛkulu an ka Ameriki fasojama tɔgɔ la », o sekeretɛri.
Minisiri ni Maliden minnu sigilen bɛ Wenezuwela, u ye ɲɔgɔnye kɛ
b. Emira
Arabu Uni ni Mali ka faraɲɔgɔnkankulu jɛkabaara kama, o lajɛba 2nan bɛnkanw kan.
Emira Arabu Uni faamaw ye Mali cidenkulu dɔ wele, min ɲɛmɔgɔya tun bɛ kɔkankow
ni diɲɛ tɔnbaw cɛ koɲɛnabɔ minisiri bolo. Yeelenko ni jiko minisiri ani
izininko ni jago minisiri tun bɛ taama in na utikalo tile 18 san 2025, Emira Arabu
Uni ni Mali ka jɛkabaara faraɲɔgɔnkankulu ka lajɛba 2nan in na.
Lajɛ in kɛra kɛnɛ wasalen ye Mali ni Emira Arabu Uni bolo ka dɔ fara u cɛ
jɛɲɔgɔnya fanga kan ko caman na, walasa ka se k’u cɛ jɛkabaara sankɔrɔta ka se
sɔrɔko, jagoko ani wariko ma, ka se politikisiraw ani dipulomasi siraw ma
jamana fila in cɛ.
Lajɛ seereyasɛbɛn bolonɔbilalen fan fila cɛ, bɛɛ nafakow b’o kɔnɔ jɛkabaara
nasira la ani ka ɲɛsigili kɛ dabali dɔ tigɛli la walima dajirali dafaw, ka fara
kɔlɔsili dabali dɔ sigili la senkan.
Baaraw senfɛ, Mali cidenkulu ni Maliden minnu sigilen bɛ Emira Arabu Uni, u ye
ɲɔgɔnye kɛ. Mali julabaw, olu ni Emira Arabu Uni taw fana ye lajɛ kɛ.
2. Kɛnɛyako ni hadamadenya yiriwali
minisiri ye minisirilajɛ ladɔnniya banako cogoya la jamana kɔnɔ, kɛrɛnkɛrɛnnenya
la, dɔ farala sumayaba ka mɔgɔ minɛnen hakɛ kan, ka sanga ni dɔgɔkun tɛmɛnnen
ta cogoya ye.
Furancɛlafanga jamanakuntigi b’a ɲinin sigidalamɔgɔw fɛ, banaw kunbɛnni dabali
minnu tigɛlen don an’u kɛlɛli fɛɛrɛw, olu ka matarafa.
Gɔfɛrɛnaman
sekeretɛri zenerali,
Birama KULUBALI
Sewaliye de lɔrɔduru nasiyonali
Dɔkala Yusufu Jara
Conseil des ministres.
Amélioration de la crise du carburant.
Arbitres.
Année de la Culture.
Page noire.
Sortie de promotion à l'EMIA.
