Nin kɛra Angola
sebaayasɔrɔko 12nan ye (jɛman na) ; ale de ka kupu in tako hakɛ ka ca
kosɛbɛ
Jaabi min sɔrɔla, o b’o sɛmɛntiya, 70-43, o ye kuru 27 danfara y’u cɛ. Mali
binna o n’a ta bɛɛ, an bɛ se k’a fɔ a ye jigi fa Aforobasikɛti in kɛnɛ kan Angola.
Ka da a kan a tun ma deli ka se nin ɲɔgɔnna yɔrɔ ma Aforobasikɛti la. Nin kɛra
a siɲɛ fɔlɔ ye Mali ka Aforobasikɛti finali tan ka kɛ jɔyɔrɔ filanan ye ka
medayi warilama sɔrɔ. Sɛgɛw dan tun ye medayi nsiralama ye ; o yɛrɛ sɔrɔla
cɛw ka balontannaw fɛ kabini san 1972.
Siriman Kanute kɛra Mali basikɛtikɛla ŋana ye. A kelen ye kuru 14 don, ka
filili 8 kɛ ani ka balon diko 4 kɛ minnu kɛra kuruw ye kunun, k’u ni Angola to
ɲɔgɔn na. A tɔɲɔgɔnw fana y’u jeninyɔrɔ fin kosɛbɛ fo ka Aforobasikɛti in kuncɛ.
U ye dabalibankow kɛ fo ka se finali ma, sebaayaw sɔrɔla, u kalalen tora ɲɔgɔn
na. Hali n’u ma se ka sebaaya sɔrɔ finali la, Mali wasara n’a yɛrɛ cogoya ye,
ani ka wasa n’a seli ye cɛw ka Aforobasikɛti finali ma.
Ka seginkɔ kɛ kunun finali in kan, kabini karitan fɔlɔ la, Angola ye kɛnɛ
minɛ Mali la ka se sɔrɔ a kan 14-10. Nka Angola k’o ɲɛtaa n’a ta bɛɛ, Mali ka ŋaaran
ma jigin ka bɔ a la hali sanga kelen kuntaala. Nka, a kɛra garijɛgɛgoya ye, Sɛgɛw
ye forobafili 5 min kɛ, dadigi kɛra u la kosɛbɛ k’a sɔrɔ hali karitan filanan
ma kuncɛ. O la, sɛgɛnnafiɲɛbɔ y’a sɔrɔ Angola ka kuru 32 Mali ka kuru 20.
Tako filanan na, Angla tɛmɛnna ni fangasɔrɔ ye, ka fiɲɛ tigɛ Sɛgɛw la. A ye
kuru 19 sɔrɔ ka don karitan sabanan kɔnɔ, Mali ma dɔwɛrɛ sɔrɔ ka don kuru 11
kɔ ; O ye balon kɛ Angola ka 51 Mali ka 31. Karitan laban kɔnɔ, Angola ye
bɔlɔ gengen ka taa a fɛ, ka kɛnɛ tunun Mali la pewu 70-43. Angola y’a kuputako 12nan
kɛ Aforobasikɛti la, ka Mali jigi tigɛ, k’a bali k’a tɔgɔ donko fɔlɔ kɛ tariku
la. Ladiyalifɛnko la, Alu Fajala Jara min tun ye sinsinyɔrɔba ye, o ye janjo in
fililikɛlaba jonjon sɔrɔ, ka ye Aforobasikɛti in basikɛla ŋana 5 cɛla ka fara a
tɔɲɔgɔn Mahamani Kulubali kan.
Aforobasikɛti jɔyɔrɔ sabanan ɲininni tun bɛ Sɛnɛgali ni Kameruni cɛ. O tulon dadiyara Sɛnɛgali la 98-72 ka medayi nsiralama sɔrɔ.
Dɔkala Yusufu Jara
Aforobasikɛti demifinaliw tun b’a la ka tan bi, Mali ye sebaaya sɔrɔ Sɛnɛgali kan ni kuru 8 ye ka se finali ma. Ani jatigi Angola bɛ ɲɔgɔn sɔrɔ..
A jiralen bɛ seereyasɛbɛnw kɔnɔ, ko fangabulon in ye laɲininsɛbɛn 208 sɔrɔ san 2024 kɔnɔ. Sɛbɛn 138 b’u cɛla minnu koɲɛw dakɛɲɛna pewu, 70 bɛ dakɛɲɛni sira kan, olu bɛ dugukoloko kan. Zenerali darimɛ Asimi Goyita sɔnna sɛbɛn ninnu kɔnɔkow ye. A y’a ɲinin jamana s.
Rimutaliba Zan-Emanuyɛli Wedarawogo da sera foroba nafa dɔw ma an ka jamana fila in kan ani AES kɔnfederasɔn kan n’a minisiriɲɛmɔgɔ ɲɔgɔn Zenerali de diwisɔn Abudulayi Mayiga ye, minisiriɲɛmɔgɔso la kunun. U mɔgɔ fila jɛra ka taara u ɲɛ da piyoniyew ka palɛ kan.
Sama mana kɛ kungo dankelen ye cogo o cogo, a tɛ bonya a jugu ma. Kɔnɔwari Samaw tɛna se ka nin kuma in nkalontigiya, walanda dilen kɔ u ma kunun Mali Sɛgɛw fɛ cɛw ka Angola san 2025 Aforobasikɛti karidefinali la..
Diɲɛ teriyantolantan janjo min labɛnna Ɛndonezi fɛ, a kuncɛra ntɛnɛn tɛnɛnnen in na. Mali Sɛgɛninw ye a ŋanaya sɔrɔ jamana 3 ɲɛkɔrɔ..
Baaraw daminɛna kunun minisiriɲɛmɔgɔ Zenerali de diwisɔn Abudulayi Mayiga fɛ, Burukina faso minisiriɲɛmɔgɔ Rimutaliba Zan-Emanuyɛli Wedarawogo ɲɛna. Minisiriɲɛmɔgɔ ye ɲɛfɔli kɛ, ko nin jɛkulu in sigili senkan o ye jaabi dɔ ye, ka wulikajɔkulu dɔ bila an ka jamana ka bolo ka.
