Minisiriw ka laadalatɔnsigi min kɛra araba marisikalo tile 5 san 2025, basigi ni siwiliw lakananni minsiri Zenerali de diwisɔn Dawudu Ali Mohamedini ani lamini, lasaniyali ni yiriwali kuntaala jan minisiri Madamu Dunbiya Mariyamu Tangara, olu ye kunnafonidilajɛ kɛ bɛnkan talenw kan... O y’a sɔrɔ kabini minisiriw ka laadalatɔnsigi in daminɛ na, furancɛlafanga jamanakuntigi Zenerali darimɛ Asimi Goyita ye dugawudon kɛ ka ɲɛsin banbaatɔw n’u ka denbayaw ma, ani ka nɔgɔyada kɛ joginnenw ye, k’a sababu kɛ kasaara min kɛra Kokoyo, Dagan dugu damanda la Kangaba sɛrɛkili kɔnɔ, ani Bilalikoto Kɛɲɛba sɛrɛkili kɔnɔ. Jamanauntigi y’a ɲinin gɔfɛrɛnaman fɛ a ka dɔ fara dabali tigɛlenw fanga kan damanko la, min b’a to nitiɲɛba ka bali ani ka lamini lakanan an ka jamana kɔnɔ. Jamanakuntigi y’a ɲinin fana, Perefew, Superefew, polisiw, zandaramaw, garidiw, ji ni kungo lakananbaaw, lasaniya tigilamɔggɔw ani lamini pɔsɔninko kunbɛnni cakɛdaw mɔgɔ, duguko cogoyaw ni damanko cakɛdaw mɔgɔ fɛn o fɛn bɛ nin yɔrɔ kofɔlenw na, k’a bɛɛ bolo bɔ u ka baaraw la k’u kabila. Jamanakuntigi y’a gɛlɛya gɔfɛrɛnaman ma fana, segin ka kɛ sariyasɛbɛnw kan k’u filiw latilen ; lamini kunkankow latɛmɛnni mɔgɔ wɛrɛw ma walima cakɛda suguya wɛrɛw ma, k’o dabila ; ka mɔgɔw ka damanbɔ minɛnw bɔɔsi u la, k’u latɛmɛn gɔfɛrɛnaman ma ; dunan minnu bɛ bolola damansen kɛ k’u ka baaraw yamaruyasɛbɛnw labaarali lajɔ fɔlɔ ; ani ka Dabiya kɔnsɛyi kominali cili dabaliw tigɛ. Dɔkala Yusufu JARA
Dɔkala Yusufu Jara
Vente de carburant.
Vente des produits phytosanitaires.
Sport/football.
Terrorisme à Kita.
Salon des armements.
Annulation du pèlerinage.
