Burukina faso gɔfεrεnaman ka kumalasela ye laseli kε,
k’a jira ko Mali ye sebaaya min sɔrɔ jamana kannabilali kεlε la, « nin ye tile kura bɔlen ye Mali kɔrɔnyanfan mɔgɔw ye ani Maliden bεε ye ».
O siratigε la, Burukina faso gɔfεrεnaman bε Mali fo Kidali dugu bɔɔsili la kojugubakεlaw la. Ka foli
ni tanuni lase jamana lakananbaa cεman ni musoman ma u ka cεsiri la sebaaya in
sɔrɔli la juguw kan. Burukina bε
taasibila kε ka ɲεsin mɔgɔw ma, minnu ni tora faso kunmabɔli kεlεw la. « Mali ye kelen ye, wa
a tε tila », ani ka nɔgɔyada kε mɔgɔ joginnenw ye.
Burukina Faso y’a jira ko a b’a ka
dεmεn kuraya ka ɲεsin Mali faamaw ani Maliden tɔ bεε ma, badenya kɔnɔ kojugubakε kεlεli hukumu kɔnɔ sahelikungo kɔnɔ. Kεlε min
don, a laɲinin ye an ka
jamanadenw ka se ka don nataw ye, k’u foosi ka bɔ kojugubakεlaw an’u dεmεnbaaw ka
daanεjuguya dibi kɔnɔ
Burukina faso gɔfεrεnaman ka fɔ la, sira tɔ ka jan halibi an ka jamanaw ka
yεrεmahɔrɔnya yεrε-yεrε sɔrɔli la. Ka laban k’a jira, ko : « o
n’a ta bεε, an b’a kεlεw kε ɲɔgɔn fε, kεrεnkεrεnnenya la ni Saheli jamanaw cε bεnkan (AES)
ye, walasa ka se ka sabaaya dafalen sɔrɔ
kojugubakεlaw kan, ka lafiya ni basigi kuntaala jan sɔrɔ sahelikungo kɔnɔ ».
Suleyimani SIDIBE
Dɔkala Yusufu JARA
Dɔkala Yusufu Jara
Minisiriw y’u ka laadalatɔnsigi kɛ araba sɛtanburukalo tile 10 san 2025, jamanakuntigiso la Kuluba. A ɲɛmɔgɔya tun bɛ Zenerali darimɛ Asimi Goyita bolo..
Walasa ka se ka dɔ fara jago ni baarabaw kɛli fanga kan diɲɛ silamɛdiinɛ tɔnba ni silamɛdiinɛ cakɛda min ɲɛsinnen bɛ jago yiriwali ma, ni jago ni izininko minisiriso ka jɛɲɔgɔnya ye, u bɛna baarabaw kɛli Afiriki kɔnɔ, o lajɛba 1lɔ kɛ k’a daminɛ desanburukalo tile 2 la ka s.
Sɛtanburukalo tile 22 wulikajɔw labɛn hukumu kɔnɔ jamana lakananbaaw fɛ, lakananbaaw ɲɛmɔgɔba ye laseli kɛ, k’a jira ko sira dɔw bɛ ka tigɛ Bamakɔ kɔnɔ, a daminɛna bi tarata la sɛtanburukalo tile 16 san 2025 sɔgɔmadaw fɛ..
Minisiriɲɛmɔgɔ ye balikukalan tɔgɔladon laɲɛnamayali lajɛ ɲɛmɔgɔya kɛ Bamakɔ lajɛkɛsoba Seyisebe (CICB) la. A ye hakililajigin kɛ, ko an bɛ don min na, a fasoden ɲɔgɔn ba caman ye balikukalan kɛ k’a sababu kɛ gɔfɛrɛnaman, sigidaw ani jɛɲɔgɔnw yiriwaliko la, olu ka c.
Kojugubakɛlaw b’a la ka bin tajidoni kamiyonbaw ni « Jara taransipɔri » kaarebaw kan sisan k’u tajiw bɔ. O ye k’a ɲinin ka jamana nafoloko don nkalama na. Ka da u ka nin binkannibaw kan, jamana lakananbaaw fana jɔlen b’u ɲɛ k’u ŋaniya jugu jigin u yɛrɛ kɔnɔ.
Supɛri kupu Asimi Goyita dako 5nan finali tanna kunun kari sɛtanburukalo tile 7 san 2025 Mamdadu Konate tɔgɔla farikoloɲɛnajɛkɛnɛ kan. A tun bɛ marayɔrɔ fila balontantɔnw cɛ : Kulukɔrɔ ani Moti. Moti delila k’a ta san 2022, Kulukɔrɔ tun delila k’a ta san 2024. Nin sen in na, Ku.
