« Femada » ka cidenw ɲεmɔgɔya tun b’a ɲεmɔgɔba Mamadu Dipa Fanε bolo. U nanen
tun bε kupudafiriki Marakan kunkanko la. Mali ye min sebaaya sɔrɔ Benεn kalo salen in na. Nakun dɔ fana kεra ka foli ni tanuni lase gɔfεrεnaman ma farikoloɲεnajε minisiri ka dεmεn na u taatɔ Benεn.
Mali y’o sebaaya min sɔrɔ, o b’a garijεgε ka ye kupudimɔni Marakana janjo la ; n’o bε wele
tubabukan na (MARAMONDE 2024). O janjo bεna kε Abijan, Kɔnɔwari faaba la san 2024
sεtanburukalo kɔnɔ.
Minisiriɲεmɔgɔ y’u bisimilako ɲuman min kε, Femada ɲεmɔgɔba ka fɔ
la, o y’u wasa kosεbε, ka fara gɔfεrεnaman bolo donni na u ka nlotantantɔn in
kɔrɔ.
Minisiriɲεmɔgɔ ani gɔfεrεnaman, u fila bεε bε fo u ka
dεmεnw na ; wa u nisɔndiyalen bɔra lajε in kεnε kan. Mamadu Dipa Fanε ka fɔ la, Marakana sinsinnen don
badenya, teriya ani ku-ɲɔgɔn-kan danbew kan. A bε bεn ni lafiya taamasiyεn sigi kɔnɔ.
Hakililajigin na, nin ye Mali siɲε fila ye ka da ɲɔgɔn kan, ka Marakana kupu ta Benεn.
Kupu in tali bε jate Afiriki ntolantantɔn ŋanaw ka Marakana fana ŋanaɲinin ye. Mali y’o san 2023 ta fana
ta.
Suleyimani SIDIBE
Dɔkala Yusufu Jara
Visite du PM du Niger.
Réflexion sur la démocratie.
Transfert de compétence.
Semaine nationale de l'harmonisation des symboles de l'Etat.
Vote de loi de finances 2026.
Rencontre sur l'AES.
