Fɔkabεn ani lafiya ni donɲɔgɔnna minisiri, ka ɲεsin lafiya sɔrɔli bεnkan waleyali ma Kolonεli-Mazɔri Isimayεli Wage ye laseli kε jumadon nowanburukalo tile 18 san 2023, k’a ɲinin mɔgɔ minnu ye Kidali bila k’a sababu kε kojugubakεlaw ka dansagonwalew ɲεsiranɲε ye, u ka kɔsegin u ka sow kɔnɔ.
K’a da jama tulo kan, ko an bε don min na Kidali bε Mali sɔrɔdasiw tεgε kɔnɔ, u bε mɔgɔw an’u bolofεnw lakanan. A y’a jira ko dabali bεε tigεlen don dansagonwale kana ta k’u sεgεrε u kɔseginnen, ani k’u ladonni dabali tigε ka bila.
Kabini araba nowanburukalo tile 15 san 2023, Kidali mara gɔfεrεnεri Foden Maliki Sisɔkɔ ye kogoninfanga sigi senkan k’a daminε nεgε kanɲε 20 na ka se a kanɲε 6 ma, mɔgɔ wεrε si kana ye kεnεma ni lakananbaaw tε Kidali mara mumε kɔnɔ.
O waleya in bε dabɔ fanga tɔgɔla cakεdaw ka se ka segin ka baaraw daminε Kidali mara kɔnɔ, mɔgɔw tun balilen don minnu na kojugubakεlaw fε.
Abubakari TARAWELE
Dɔkala Yusufu Jara
Transports des marchandises.
Fin de crise de carburant.
Coup d'état en Guinée Bissau.
Sports.
Retour de l'Administration à Kidal.
Sports.
