Sariya in
kunnafoni labanw kɔnɔ, furancɛlafanga jamanakuntigi b’a janto sariyasunba ani
furancɛlafanga taabolo labatoli la. A bɛ jamanakuntigiya jɔyɔrɔ fa san 5 sarati
kuntaala kama, min bɛ se ka mɔɔnɔbɔ siɲɛ kelen n’o b’a kunbɔ, fo ka jamana
basigi tuma min na, k’a daminɛ taabolo in waleyali yamaruya dili la. Nka, sɛbɛn
in b’a faranfasiya, ko sarati kuntaala bɛ se ka surunya ni fɔlen ye, n’a y’a
sɔrɔ jamanakuntigi sigili kalataw bɛ se ka labɛn jɛlenya ani basigi kɔnɔ.
Taabolo bɛ
ɲɛsigili kɛ fana, ko furancɛlafanga jamanakuntigi bɛ se k’a kanbɔ
jamanakuntigiya kalata ni kalata tɔw nɔfɛ, minnu bɛ labɛn ka dan sigi
furancɛlafanga la. O dama ka kan gɔfɛrɛnaman ani bulonba mɔgɔ tɔ bɛɛ la. A b’a
faranfasiya, ko furancɛlafanga bɛ ban ni jamakuntigi kura sigili kalata ye,
jamana ɲɛmɔgɔw bɛ min labɛn, kalili fanga ka ta ani fanga latɛmɛnni
jamanakuntigi kura suganden ma.
A bɛ sɛbɛn
in kɔnɔ, ko fo ka fangabulon kuraw sigi minnu kofɔlen don sariyasunba kɔnɔ, furancɛlafanga
jɔsenw bɛ tɛmɛn n’u ka baara kɛtaw an’u jɔyɔrɔw ye.
A ɲuman ye
ka hakilila jigin kɛ, ko sariya min bɛ furancɛlafanga taabolo dantigɛ, jɛn kɛra
‘o ye bulonba fɛ a ka sigili senfɛ, min kɛra alamisa zuluyekalo tile 03 tɛmɛnnen
in. Bulonba kɔnseye 131 minnu tun b’a kɛnɛ kan, o bɛɛ jɛnna ni sariya in ye.
Dɔkala
Yusufu JARA
Bɛnbabilen
DUNBIYA
Dɔkala Yusufu Jara
Minisiriw y’u ka laadalatɔnsigi kɛ araba utikalo tile 27 san 2025 jamanakuntigiso la Kuluba. A ɲɛmɔgɔya tun bɛ furancɛlafanga jamanakuntigi Zenerali darimɛ Asimi Goyita bolo..
Mali bɛ labɛn na ka kupudimɔni san 2026 tile 7nan ni 8nan balontanw kɛ ni Komɔri ye sɛtaburukalo tile 4 Bɛrikani farikoloɲɛnajɛkɛnɛ kan Marɔku ani ni Gana ye sɛtanburukalo tile 8 Akara. O balontan fila in nafa ka bon Sɛgɛw bolo kosɛbɛ, ka da a kan u ka kan k’u jilaja ka kuru cama.
Nin hakililaɲininw ye nɔgɔyada ye gɔfɛrɛnaman bolo, ka numeriki kunkankow dantigɛ gɔfɛrɛnaman baara, cakɛdaw ani kɛrɛnkɛrɛnnenya la fasodenw ka yɛrɛya ani basigi kama.
Laselisɛbɛn dɔ kɔnɔ, min lasera ntɛnɛn utikalo tile 25 san 2025, AES kɔnfederasɔn kiiriko ni hadamadenw ka hakɛw labatoli minisiriw y’u ka nisɔngoya jira, ka laban, ɲangiliw ni baara jugu minnu ɲɛsinna Afiriki kanubaanci lakodɔnnenbaw ma, ka da u ka Afiriki hakililaw senkɔrɔmadonn.
Jamanakuntigi Zenerali darimɛ Asimi Goyita magɛlɛyali kɔnɔ, dabali gɛlɛnw bɛna tigɛ a tɛna mɛɛn, ka ɲɛsin gɔfɛrɛnaman ani sigidaw tɔgɔla baarakɛla 36.000 bisigilenw ma, minisirisow fɛ, a gɛlɛya bɛ minnu kan. O dabaliw ka kan ka tigɛ sanni kalo saba sarati min dara utikalo ti.
Bugunin woroduguyanfan duwaɲɛw ka faraɲɔgɔnkankulu (BMI), sibiri tɛmɛnnen in o ye pɛrɛnbaranin 330 minɛ, minnu tun dogolen bɛ Jakarija Sanɔgɔ ka bɔrɔw kɔnɔ..
