Tile
bε bin k’a sɔrɔ a ja ma tunun. Jumadon dɔ
tun don sεtanburukalo kɔnɔ ;
wa don bεε n’a dugujεkan don. Nin kεra Kalaban-kɔrɔ
Adekεni na. Mɔgɔ si tun ma sigi n’a ye, ko tulu tiɲεnenko
kuma bεna wuli tuguni san tan tεmεnnen ta kɔfε.
A
don sɔgɔma,
hali tile tun selen tε ka dugukolo kalaya fɔlɔ sanjiba kɔfε. Mɔgɔ caman tun b’a la ka fiɲε
minε o nεεmanin kɔnɔ u ka sodaw la. Hali ni kalanta tun ma se fɔlɔ,
denmisεnninw tun solilen bε ka bɔlɔnw fa. U bε tulon suguya caman kε ; baliku dɔw
sigilen b’u ka barodaw la temin na.
A
kɔlɔsira
ko sɔgɔmaw
ni wuladaninw fε, mɔgɔ caman sago ye furufuru sɔrɔli
ye k’a bila i da kɔnɔ. Kεrεnkεrεnnenya la, n’a y’a sumaya dalen don, o
ka di n’a bεε ye. Mɔgɔw bε ɲɔgɔn digi-digi muso min ka furufurudaga kunna, a dɔnna
o don, ko a ka furufuru kasa ka go kosεbε ; kasɔrɔ kɔrɔlen,
sangaba b’a la furufuruko la sigida in na.
Mɔgɔ fɔlɔ minnu
ka furufuru dira u ma, n’u y’a bila u da kɔnɔ, o caman y’a tu. Minnu tun taara n’u taw ye so,
olu kɔseginna
n’u ye. Furufuru kolonko kuma bε bεε da kɔnɔ. Dɔw ko esanzi kasa b’a ka bi furufuru la, a ka ɲεfɔli
kε joona. Furufuru feerela ka fɔ la, ale kɔni b’a ka tulu san mɔgɔ
kelen de bolo yan.
Jaa,
a bε tulu san yɔrɔ min na, o ka baara ye ka tulubidɔn
kɔrɔw
san mɔgɔ
wεrεw bolo, k’u nɔɔrɔ bɔ ka fara ɲɔgɔn kan, k’u feere jirannikεlaw ni tobilikεlaw ma,
ka sɔrɔ
k’o bidɔn
lankolonw feere kokura. O cogoya in de
la, u bε tɔnɔ
fila sɔrɔ
bidɔnfeere
la, u ka sira tε mɔgɔ tɔw ka kεnεyako la.
Sεgεsεgεliw y’a jira, ko a tun ye tulu dunta ni motεri tuluw ɲagami
ɲɔgɔn
na ka feere. Furufurufeerela ka sanni bεnna o tulu kolon dɔ
ma. Wa nin manamanako de bε Bamakɔ fan bεε fε, ka mɔgɔw
ka kεnεya don nkalama na u kelen ka sɔrɔ nɔfε. I bε mɔgɔ dama min ye nεgεsow la ka bidɔn
kɔrɔw
san ka taa u feere, dan t’o la. Nka sanni u k’u feere tuguni, tulu nɔɔrɔnin
min b’u kɔnɔ,
u b’o de fara ɲɔgɔn kan ka feere da su la sannikεlaw ma.
Nka
tuma dɔw
la, wajibi ye u ka jama sɔrɔ ; sabula tulu ɲuman sɔngɔ ka gεlεn, fεn dun tε ka fara nasɔngɔ
kan. O ye mɔgɔ
caman don da su sanni na. U bε a tulu dɔw litiri 1 feere sefawari d160 ; kasɔrɔ
tulu ɲuman
sɔngɔ
ye d220 ye. Tulukogεlεya yεrε kɔnɔ, feerejugukεla dɔw
bε o tulu kolonw litiri 1 feere d70 walima d80.
Don
dɔw
la, tulukolonfeerela dɔw bε se ka tulu litiri 20 bidɔn
2 fo 3 sɔrɔ
ka fara ɲɔgɔn
kan. U bε ka balo a la, ka muso furu a la, k’u ka sow luzanse sara a la. Wa kalo o kalo a dɔw bε o tulu kolon bidɔn kelen ci u
ka dukɔnɔmɔgɔw ma u ka dugu la.
Bana
caman bε dugubakɔnɔmɔgɔw la bi, a fanba sababu ye dunfεn kolonw ye. O
la, mɔgɔw
k’u janto tuluw ni dunfεn tɔw cogoyaw la sannikεyɔrɔw
la.
Fadi
SISE
Dɔkala Yusufu Jara
Minisiriw y’u ka laadalatɔnsigi kɛ araba utikalo tile 27 san 2025 jamanakuntigiso la Kuluba. A ɲɛmɔgɔya tun bɛ furancɛlafanga jamanakuntigi Zenerali darimɛ Asimi Goyita bolo..
Mali bɛ labɛn na ka kupudimɔni san 2026 tile 7nan ni 8nan balontanw kɛ ni Komɔri ye sɛtaburukalo tile 4 Bɛrikani farikoloɲɛnajɛkɛnɛ kan Marɔku ani ni Gana ye sɛtanburukalo tile 8 Akara. O balontan fila in nafa ka bon Sɛgɛw bolo kosɛbɛ, ka da a kan u ka kan k’u jilaja ka kuru cama.
Nin hakililaɲininw ye nɔgɔyada ye gɔfɛrɛnaman bolo, ka numeriki kunkankow dantigɛ gɔfɛrɛnaman baara, cakɛdaw ani kɛrɛnkɛrɛnnenya la fasodenw ka yɛrɛya ani basigi kama.
Laselisɛbɛn dɔ kɔnɔ, min lasera ntɛnɛn utikalo tile 25 san 2025, AES kɔnfederasɔn kiiriko ni hadamadenw ka hakɛw labatoli minisiriw y’u ka nisɔngoya jira, ka laban, ɲangiliw ni baara jugu minnu ɲɛsinna Afiriki kanubaanci lakodɔnnenbaw ma, ka da u ka Afiriki hakililaw senkɔrɔmadonn.
Jamanakuntigi Zenerali darimɛ Asimi Goyita magɛlɛyali kɔnɔ, dabali gɛlɛnw bɛna tigɛ a tɛna mɛɛn, ka ɲɛsin gɔfɛrɛnaman ani sigidaw tɔgɔla baarakɛla 36.000 bisigilenw ma, minisirisow fɛ, a gɛlɛya bɛ minnu kan. O dabaliw ka kan ka tigɛ sanni kalo saba sarati min dara utikalo ti.
Bugunin woroduguyanfan duwaɲɛw ka faraɲɔgɔnkankulu (BMI), sibiri tɛmɛnnen in o ye pɛrɛnbaranin 330 minɛ, minnu tun dogolen bɛ Jakarija Sanɔgɔ ka bɔrɔw kɔnɔ..
