Den ninnu b’i n’a fɔ u ba, kεnεya la. Bangeli in kɔni kεra kɔnɔfara bangeli ye ; n’o ye sezariyεni ko ye. Kunnafoniw y’a jira, ko dɔgɔtɔrɔw de ye kɔnɔmaya lase musokɔrɔba in ma n’a fεεrεw ye. Safina Namukuwaya farala musokɔrɔbaw kan diɲε kɔnɔ sisan, minnu si janfalen ye den sɔrɔ. Nka u bεε la mɔgɔkɔrɔ kεra Paraba Dewi ye. Ale bε bɔ Ɛndijamana na. A ye den sɔrɔ a si hakε san 75. Dɔgɔtɔrɔw ye denkisε bila o fana denso kɔnɔ.
Safina Namukuwaya ye laseli kε Uganda teleso (NTV) la, k’a jira ko filanin ninnu garijεgε sɔrɔli tεmεnsiraw y’a sεgεn kosεbε ; sabula ko a y’a cεn bεε don a dafε. Musokɔrɔba in ka fɔ la, a ni cε min tun bε ɲɔgɔn bolo, u farala a mεεnna ; nka, ko a ye garijεgε sɔrɔ kεnεyaso min na, o medesεn y’a dεmεn kosεbε a ka taakasegin musakako la.
Nka, a b’i n’a fɔ min ma bεn musokɔrɔba in ma, cε min denkisε ye garijεgε lase a ma, sezariyεni ma k’o ɲεna. O m’a dɔn yεrε, ko hali filaninw don ; ka sɔrɔ a tun ka di ale ye a ka bɔ o kalama. « Den caman man di cεw ye kɔrɔlen, kuma tε filaninw sɔrɔli ma.
Nin muso san 70 in ye muso gana ye, den saba b’a bolo sisan. A y’a ka musomannin fɔlɔ bange san 2020 waati la. A ko ni ale tun ma se ka den sɔrɔ a ka ɲεnamaya kɔnɔ, ale tun bε jate dangatɔ ye. O de kosɔn ale y’a ɲinin cogo bεε la, a ka se ka dɔwεrε sɔrɔ. Musokɔrɔba n’a ka filaninw bε ka kɔlɔsi halibi Kanpala kεnεyaso dɔ la.
Tanba KAMARA
ET
Dɔkala Yusufu Jara
Visite du PM du Niger.
Réflexion sur la démocratie.
Transfert de compétence.
Semaine nationale de l'harmonisation des symboles de l'Etat.
Vote de loi de finances 2026.
Rencontre sur l'AES.
