Diɲɛ jamanaw ka lajɛba in bɛ kɛ Pekɛn Siniwajamana ka faaba la, k’a daminɛ ɔkutɔburukalo tile 17 ka se a tile 18 ma. Nin kunnafoni in lasera diɲɛmɔgɔ ma, Siniwajamana kɔkankow minisiri fɛ Huwa SUNYINGI fɛ.
Lajɛba in kɛnɛ kan, Siniwajamana peresidan, Ki JINPINGI bɛ kuma ta, k’a ka jamana laɲiniw da da kɛnɛ kan : ka jago yiriwa diɲɛ jamanaw ni ɲɔgɔn cɛ, ka kunnafonifalen fɛɛrɛ kuraw yiriwa diɲɛ jamanaw ni ɲɔgɔn cɛ, ani ka fɛɛrɛw tigɛ walasa fu ka siri waatiyɛlɛma kɔlɔlɔw la diɲɛ kɔnɔ.
Lajɛba in na, kɛlɛkokuma tɛ fɔ, binkanniko kuma t’a la, walifɛnntaraki kuma t’a la. Bɛn ni lafiya ni baara ani yiriwa, diɲɛ jamanaw bɛ bɛn ko la o de kan, ka hadamadenya sabati.
Baarajɛkulu saba bɛ sigi senkan minnu bɛ nin ko ninnu bɛɛ dantigɛ, u kɛcogo, u fɛɛrɛ an’u nafolo. Nin ye diɲɛdabɛnjɔ dilantɔ ye Basiniwa fɛ, Ala kana Mali bololankolon bɔ a la.
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
