Agibu Danbɛlɛ fatura ntɛnɛndon zanwuyekalo tile 06 san 2025. Ɲɔgɔlɔnbɔla ŋanaw dɔ tun don. A bangera Kirango-Marakala san 1950. A ka kalan kun fɔlɔ (DEF) kɔfɛ, a nana Bamakɔ san 1968 ka kalanw daminɛ seko ni dɔnko kalansoba (INA) na ka san 4 k’o la, k’o kalanw kuncɛli seereyasɛbɛn sɔrɔ san 1972 ka sin ka fara Mali ɲɔgɔlɔnbɔlaw kan, min bɛ wele Kotɛba nasiyonali ; n’o ye faso kotɛba ye. Mali ɲɔgɔlɔnw ka di mɔgɔ minnu ye, olu caman ka kan ka Agibu Danbɛlɛ dɔn kosɛbɛ ; sabula a yera ɲɔgɔlɔn caman na ; kɛrɛnkɛrɛnnenya la Masamakan Jabatɛ ka « Suruku sunnen », Musafa Mayiga ka «an bɛ yɛlɛko baro la». A ni ɲɔgɔlɔnbala ŋana caman fana ye baara kɛ ; i n’a fɔ Mamutu Sanɔgɔ, Fanta Berete. O kɔfɛ a yɛlɛmana kotɛba ka bolo kan, ka sangaba sɔrɔ o yɛrɛ la. K’a ta san 1979 na ka se 1985 ma, Agibu Danbɛlɛ kɛra INA ɲɔgɔlɔnko ɲɛmɔgɔ ye, ka kɛ karamɔgɔ nɔnabilala ye INA na, ka kɛ denmisɛnw ka sogoninbɔkulu (mariyɔnɛti) ɲɛmɔgɔ ye ani ka kɛ Mali Balɛ nasiyonali ɲɛmɔgɔ ye. K’a ta san 2004 na ka se 2006 ma a kɛra ɲɔgɔlɔn karamɔgɔ ye denmisɛnya ni farikoloɲɛnajɛ kalansoba Bala Faseke Kuyatɛ la. Wa ale de tun bɛ marayɔrɔ caman ka ɲɔgɔlɔnw labɛn seko ni dɔnko san fila ɲɔnajɛw hukumu kɔnɔ Ala ka hinɛ i la ɲɔgɔlɔn karamɔgɔba ! Dɔkala Yusufu JARA Yusufu DUNBIYA
Dɔkala Yusufu Jara
Transports des marchandises.
Fin de crise de carburant.
Coup d'état en Guinée Bissau.
Sports.
Retour de l'Administration à Kidal.
Sports.
