K’a ta
desanburukalo tile 8 na ka se a tile 12 ma, jamana taamasiyɛnw mabɛnni an’u
labaarali dɔgɔkun tako 2nan bɛ to sen na, ka sinsin jamanaden bɛɛ kunnafonini,
u ladamuni, u lafaamuyali an’u kalanni kan jamana taamasiyɛn kunbabaw la ; kɛrɛnkɛrɛnnenya
la darapo, fɔcogo, fasa, taamasiyɛnw ani arimuwariw.
Minisiriɲɛmɔgɔ
Zenerali de diwisɔn Abudulayi Mayiga ye, kunun Bala Faseke tɔgɔla fɛn kɔrɔ
marayɔrɔ la, jamana taamasiyɛnw mabɛnni an’u labaarali dɔgɔkun tako 2nan kɛnɛ
ɲɛmɔgɔya kɛ.
Baara
daminɛna ni jamana ani kɔnfederasɔn fasaw dali ye gɔfɛrɛnaman minisiriw ɲɛna, i
n’a fɔ kiiriko, hadamadenw ka hakɛw labatoli, jamana taamasiyɛnw marali
minisiri Mamudu Kasoge. Barosigi dɔ tugura o la minisiri kɔrɔ Mohamɛdi Salikɛnɛ
Kulubali fɛ, Mali fasa kan.
Minisiriɲɛmɔgɔ
ka fɔ la, nin dɔgɔkun tako 2nan in ye fasoden ɲumanya ladamuni kanpaɲi yɛrɛ ye
ka bɛn ni jamana ye a jɔli kura tɛmɛnsira kɔnɔ, o n’a kunkankow don i n’a fɔ
jogo ɲumanw tali yɛlɛma ɲuman donni kama mara kɛcogo ani fasodenya kɛcogo la. Nin
tako 2nan in bɛ seko ni dɔnko san hukumu kɔnɔ, ko don, kɔrɔ bɛ min na ka da
jamanakuntigi hakilila kan ka jɔyɔrɔba di seko ni dɔnko ma hadamadenya
bayɛlɛmani siratigɛ la jamana jɔli kurako la. Seko ni dɔnko baara kɛbaaw
bɛ sɔn ka mɔɲɔ kɔrɔta jamana fan bɛɛ fɛ fo ka se an dancɛw la k’an ka dugubaw,
bugudaw, jamanakuntigisow, bulonw, buguw, togow ani tantanw kanankunw kɔsagon,
minisiriɲɛmɔgɔ ka fɔ la.
Minisiriɲɛmɔgɔ
bolo, o so cɛ ɲin kɔnɔ, siga t’a la cikan min lasera seko ni dɔnko tigilamɔgɔw
ma, o bɛna kulu janw kunnansagon, ka folonw pan ka se fasojama ma, kɛnɛw ani
cɛncɛnfuga dan na. A jigi b’a kan ko seko ni dɔnko tigilamɔgɔw ni dilannikɛlaw
cɛmancɛkolo fanga bɛna an ka jamana bugunnatigɛli taamasiyɛnw kuma lase a
seyɔrɔ la ; kɛrɛnkɛrɛnnenya la jamana fasa, a darapo (ɲuguji-nɛrɛ-bilen)
ani a fɔcogo « fasojama kelen - laɲinin kelen - ŋaniya kelen».
Zenerali de diwisɔn
Abudulayi Mayiga ka fɔ la, o fanga in bɛna waraba jɔlen taamasiyɛn taamasiyɛn
ani dagamasa arimuwariw kunnan, o kofɔ. Hakililaw kɔnɔkow kalajuru filɛ, delili
o porogaramu in na, ka foroba taamasiyɛnw k’an ta ye. Minisiriɲɛmɔgɔ ko a
wasara k’a kɔlɔsi ko kolabɛnnaw ma ɲinɛ AES taamasiyɛnw kɔ. Zenerali de diwisɔn
Abudulayi Mayiga ye kunnafonidisow jɔyɔrɔ kofɔ a ko la. A ko kunnafonidisow
jɔyɔrɔ nin kanpaɲi in na, o ye jamana taamasiyɛnw gansili ye ni kunnafoniw ye
ani kulu sugandilenw lafaamuyali.
N’o ye,
minisiriɲɛmɔgɔ ka fɔ la, gɔfɛrɛnaman ni kɛnyɛrɛyew ani sigidaw kunnafoniko
baara kɛbaaw ye, ka kɔkanmalidenw fara u kan, olu minnu jan bɛ faso la sanga ni
waati bɛɛ la. Jamana taamasiyɛnw jɔyɔrɔ ka bon kosɛbɛ fasojama ladamuni na. A
bɛ sariyaw ani fangabulonw bonyani hakili don u kun na, ka fasoden ɲumanya balo,
ka faso kanu don u la ani k’u ladamu fasoden ka kɛtaw la, ka kɛ kalan sinsinnan
ye kalansow la, foroba lajɛw kɛnɛw kan ani hakililajiginyɔrɔw la. Abudulayi Mayiga
ko jamana taamasiyɛnw tɛ ja gansanw ye walima daɲɛ lankolonw. U ye jamana siman
de ye, a tariku ja ani a siniɲɛsigi jiralan. U bonyani an’u ɲɛtaa, o ye dɔ
farali ye jamana kelenya, a ka yɛrɛya an’a fangabulonw basigili fanga kan.
Kolabɛnkulu
ɲɛmɔgɔ Mohamɛdi Mawuludi Nazimu seginna jamana taamasiyɛnw mabɛnni an’u
labaarali dɔgɔkun tako 2nan nafaw kan Mali kura sɔrɔli la. A ye damakasiliw
kɛ ; o dɔ ye sɛbɛndilanyɔrɔ dɔ jɔli ye kiiriko minisiriso tɔgɔ la taamasiyɛnw
dilanni kama.
Dɔkala
Yusufu JARA
Umaru JAKITE
Dɔkala Yusufu Jara
Visite du PM du Niger.
Réflexion sur la démocratie.
Transfert de compétence.
Vote de loi de finances 2026.
Rencontre sur l'AES.
Rencontre Primature.
