Cakɛdako, baarako ni baaradege minisiri Madamu Umu Sall Sɛki, kunun a ye hakilila falen ni baarako ni baaradege sariyaw kɛli i ta ye, o sigili ɲɛmɔgɔya kɛ Mali baarako cakɛda (ANPE) la. Tile fila lajɛ don.
Ko in, Madamu Umu Sall Sɛk ka fɔ la, dakun jɔnjɔn don fanga cɛmabɔli
waleyali la
Sigili in b’a ɲinin ka
hakilila falen kɛnɛ bila senkan ani sɔnni sariya dɔw ma, kɛrɛnkɛrɛnnenya la
dekere min bɛ sekow walanwalan jamana bɛ se ka minnu latɛmɛn sigidaw ma baarako
ani baaradegeko nasira la, ka janto kɛ kɛrɛnkɛrɛnnenya la suguya (cɛ ni muso)
la.
Lajɛ in bɛna a to ka se
ka dajirali jɔnjɔnw kafo, walasa ka politiki waleyali kɔnɔkow jiidi ani ka
janto kɛ suguya donɲɔgɔnna na a ɲɛma. O la, walasa ka se ka baaradege kɛcogo
sigi senkan, ka sinsin fanga cɛmabɔli kunkankow kan sariyasunba kɔnɔ, walasa ka
se ka hadamadenya bɛnkan kelen labɛn min b’a ɲinin ka bɛrɛmaɲɛ kɛ jɔyɔrɔw
tilacogo la politikiko, hadamadenyako ani sɔrɔko baara kɛbaw cɛ.
Ko in, cakɛdako, baarako
ni baaradege minisiri ka fɔ la, dakun jɔnjɔn don fanga cɛmabɔli waleyali la min
dantigɛlen don Mali sariyasunba kɔnɔ. Umu Sall Sɛki ye hakililajigin kɛ, ko an
ka jamana ye hadamadenya bɛnkan kura sugandi min b’a ɲinin ka bɛrɛmaɲɛ kɛ
jɔyɔrɔw tilacogo la politikiko, hadamadenyako ani sɔrɔko baara kɛbaw cɛ.
O taabolo in bɛna ko ɲumanw sigi senkan sigidaw la ka nɔgɔya don fasojama
sendonni na kow la ani ka baara kɛbaaw kɛnɛ kan, olu don ba la. Minisiri labanna,
ɲɛtaako minnu sɔrɔla fanga cɛmabɔli la ani jamana yiriwali porogaramuw na, olu
kofɔ. Umu Sall Sɛki bolo, jamana ka baarako ni baaradege politiki yɛlɛma
kuraw b’a wajibiya baara kɛbaa bɛɛ kan
(jamana, sigidaw, jɛkulu minnu tɛ politikitɔnw ye), u ka kow t’u yɛrɛ ta ye, k’u
yɛrɛ deli yɛlɛmaw cogoyaw la ani kɔnni disidakow ma.
A y’a jira ko
dekere min bɛ sekow dantigɛ jamana ka kan ka minnu latɛmɛn sigidaw ma, o bɛ
jɔyɔrɔba di u o sigidaw ma ko nafamaw la baarako la ani mako bɛ kalan suguya
minnu na ka bɛn ni sigidaw cogoyaw ye. Minisiri y’a jira ko sekow ani mɔgɔw,
minɛnw ani wari minnu bɛ latɛmɛn u ma, o ye paaraɲɛ jɔnjɔn kɛli ye faantanya
kɛlɛli la ani sigida yiriwali la.
Walasa o dabaliw ka se ka kɛ ko nafama ye, a ɲuman ye ka miiri wariko
kɛcogo kuraw la, minnu bɛ se ka jigisigi kɛ baaraw mɛɛnni na si la sigida la. Minisiri
Umu Sall Sɛki ye baaraw daminɛni yamaruya di, wa a dalen b’a la ko nin sigili
in nafa bɛ bonya sekow latɛmɛnni tɛmɛnsira sabaticogo la, ka kɛtaw mabɛn ani ka
yɛlɛma ɲuman don baarako ni baaradege politiki cogoya la an sigidaw la.
Dɔkala
Yusufu JARA
Nahawa
SANGARE
Dɔkala Yusufu Jara
Visite du PM du Niger.
Réflexion sur la démocratie.
Semaine nationale de l'harmonisation des symboles de l'Etat.
Vote de loi de finances 2026.
Rencontre sur l'AES.
Rencontre Primature.
