Mali
gɔfɛrɛnaman minisiriɲɛmɔgɔ Zenerali de diwisɔn Abudulayi Mayiga, kunun alamisa
desanburukalo tile 11 san 2026, a ye Nizɛri minisiriɲɛmɔgɔ Ali Mahaman Lamini
Zeyini kunbɛn Modibo Keyita tɔgɔla pankurunjiginkɛnɛ na Senu-Bamakɔ.
Nɛgɛ kanɲɛ 9
tɛmɛnnen ni sanga 10 ɲɔgɔnna ye, pankurun suguya min bɛ wele « Boeing-BBJ
SU-GRN » o jiginna ni Nizɛri minisiriɲɛmɔgɔ, nafoloko ni wariko minisiri
ye. A tun bɛ cidenjamaba ɲɛ nin taama in na. Mali minisiriɲɛmɔgɔ ka fara
minisiri caman wɛrɛw kan ani Nizɛri jamanaden minnu bɛ u ka faso ka baaraw la
Mali kɔnɔ, u y’a bisimila ni bonya ni karama ye.
Nizɛri
minisiriɲɛmɔgɔ in nanen bɛ Bamakɔ banki dɔ sigili senkan Saheli kungo jamanaw
ka kɔnfederasɔn tɔgɔ la yiriwali kama (BCID-AES), ka sendon o baaraw la.
Foliw kɔfɛ,
hali ni tile tun wulitɔ don, fiɲɛ sumannennin kɔrɔ, Ali Mahaman Lamini Zeyini
taama ka foli di u kunbɛnbaaw ma pankurunjiginkɛnɛ kan. O bisimilali foliw
bannen kɔ, minisiriɲɛmɔgɔ fila ninnu ye ɲɔgɔnye kɛ, u sɔrɔla ka taa a bilaa ka
lotoli la.
Dɔkala
Yusufu JARA
Suleyimani
SIDIBE
Dɔkala Yusufu Jara
Réflexion sur la démocratie.
Transfert de compétence.
Semaine nationale de l'harmonisation des symboles de l'Etat.
Vote de loi de finances 2026.
Rencontre sur l'AES.
Rencontre Primature.
