Kunnafoni, numeriki sɔrɔ ni gɔfɛrɛnaman baara yɛlɛma kura minisiri Alihamudu Agi Iliyɛni ye dɔ farali sekow fanga kan gɔfɛrɛnaman ka kumaɲɔgɔnyako la o fɛɛrɛlajɛ kuncɛli ɲɛmɔgɔya kɛ alamisa marisikalo tile 6 san 2025 Seyisebe (CICB) la Bamakɔ. Mali gɔfɛrɛnaman ka kunnafoniko cakɛda (Cigma) ɲɛmɔgɔba Ibarahima Tarawele ni minisiriɲɛmɔgɔso foroba kunnafoniko ɲɛmɔgɔba Alasani Agi Mohamɛdi tun b’a kɛnɛ kan. Kunnafoniko dɔnbaa ŋana caman wɛrɛw tun bɛ tile saba lajɛ in na. A baaraw tun ɲɛsinnen bɛ dɔ farali ma gɔfɛrɛnaman ka kunnafoniko baara kɛbaaw sekow kan kunnaɲɔgɔnya kɛcogo ɲuman ani kojugubakɛ kɛlɛli la san kɛmɛ mugan ni kelennan (21èS) in kɔnɔ, kɛlɛ kɛli ni kunnafoni ye ani ni fɛɛrɛw ka fangadigi ye. Gɔfɛrɛnaman ka kumaɲɔgɔnya kɛcogo b’o la jamana jɔli kura waati in kɔnɔ, gɔfɛrɛnaman ka kumaɲɔgɔnya kiimɛni, fangaw ni dɛsɛkow ka fara yɛlɛma kuraw ani siniɲɛsigikow kan minisirisow ka kumaɲɔgɔnya kɛbaaw ka baara kɔnɔ. Hakilijakabɔw sera k’a to laɲinin suguya caman ka kɛ minisiri Alihamudu Agi Iliyɛni ka fɔ la, ka se ka ŋaniya fɛɛrɛ mabɛnnenw sigi senkan walasa ka ni kura fiyɛ gɔfɛrɛnaman ka kumaɲɔgɔnya kɛcogo la. A laɲinin dɔw ye gɔfɛrɛnaman ka kumaɲɔgɔnya fɛɛrɛsɛbɛn dɔ labɛnni n’a waleyali ye n’a waleyali fɛɛrɛsɛbɛn ye, dabali dɔ tigɛli gɔfɛrɛnaman ka kumalasela minisiri ka kunnafoniko la kumaɲɔgɔnya ni kunnafoni kɛcogo mabɛnniko la gɛlɛya waati la. Lajɛkɛlaw y’a dajira fana, sɛgɛsɛgɛliw ni hakililaɲininw ka kɛ mɔgɔw la gɔfɛrɛnaman ka kumaɲɔgɔnya kɛcogo kan. Ani ka pilati fɔrɔmuw sigi senkan gɔfɛrɛnaman tɔgɔ la, ani fana, ka hakililafɔlaw ɲɛmɔgɔw hakililaw ɲinin forobako la walasa ka se ka ɲɛfɔli kɛ koɲuman sugandiliw kan ani gɔfɛrɛnaman ka ko waleyalenw kan, bɛn hakila donni mɔgɔw la o ni fasodenɲumanya nafa, min b’a to mɔgɔw bɛ fara u kan. U y’a dajira ko ka minisirisow kunnafoniko tigilamɔgɔw bila minɛn kɛrɛnkɛrɛnnen kɔnɔ ani ka ni kura fiyɛ (Cigma) na gɔfɛrɛnaman ka kumaɲɔgɔnyako la k’o sariya tataw waleya. Kunnafoniko minisiri ye ɲɛfɔli kɛ, ko gɔfɛrɛnaman ka kumaɲɔgɔnya ye dabali ye, kunnafoniko dɔnbaa ŋana bɛɛ sen bɛ min na foroba kunda ni kɛnyɛrɛye kunda. A lajɛ in kɛra hakilila falen kɛnɛ nafama ye ani dakun kɛrɛnkɛrɛnnen kumaɲɔgɔnya kɛcogo ɲuman na, ka bɛn ni fasojama ka laɲininw ye ani ka bɛn ni an tile disidakow ye. Dɔ farali sekow kan kumaɲɔgɔnya kɛcogo la, o bɛ gɔfɛrɛnaman ka ŋaniya ɲuman jira kunnafoniko cakɛdaw sendonni na gɔfɛrɛnaman ka kunnafonidi kɛcogo la. Minisiri y’a jira ko kunnafoniko cakɛdaw jɔyɔrɔ ka bon kosɛbɛ gɔfɛrɛnaman ka baara kɛlenw kunnafoni jɛnsɛnni na. A ko u jigi b’u kan u kɛrɛfɛ, ka fɔtaw ni kɛlenw kunnafoniw lase mɔgɔ tɔw ma jamana yɔrɔ janw ni yɔrɔ surunw na. Kunnafoni, numeriki sɔrɔ ni gɔfɛrɛnaman baara yɛlɛma kura minisiri in ye foli lase lajɛjama ma minisiriɲɛmɔgɔ Zenerali de diwisɔn Abudulayi Mayiga tɔgɔ la. A y’o fo u hakililaw dili ani bilasiraliw la lajɛ in senfɛ. Alihamudu Agi Iliyɛni ye lajɛjama jigi sigi, k’u ye laɲinin minnu kɛ, a bɛna u lase minisiriɲɛmɔgɔ ma joona u tali la ba la. A labanna k’a ɲinin gɔfɛrɛnaman ka kunnafoniko dɔnbaa ŋanaw fɛ, sinayakɛlɛ misɛnnin minnu b’u cɛ, u k’o dabila. I kɛra gɔfɛrɛnaman walima kɛnyɛrɛye kunnafonidila ye, ka fara fangadigilaw ni ɲamakalaw kan, bɛɛ k’a jɔyɔrɔ fa o la. Mali kunnafonidilaw tɔgɔlaso ɲɛmɔgɔ Banjugu Dantɛ ye gɔfɛrɛnaman k’o hakilila in foli kɛ ; sabula ko a b’a to jamana kunnafonidilaw k’u fanga digi ko sɛbɛw kan ; n’o ye ka dabali ɲumanw tigɛ an ka jamana dɛmɛncogo la. Ale bolo, u ka kɛta dɔ ye jamanaden tɔw kunnafonini ye cogoya ɲuman na, min b’a to u bɛ se ka kunnafoni nafama caman sɔrɔ, k’u tagan kunnafoni kolonw mantɔɔrɔ ma an ka jamana kan. Dɔkala Yusufu JARA Cɛjɛ DUNBIYA
Dɔkala Yusufu Jara
Visite du PM du Niger.
Réflexion sur la démocratie.
Transfert de compétence.
Semaine nationale de l'harmonisation des symboles de l'Etat.
Vote de loi de finances 2026.
Rencontre sur l'AES.
