Mali sɔrɔdasiw ɲɛmɔgɔso ka kunnafoniko cakɛda « Dirpa » ye laseli kɛ desanburukalo tile 27 san 2024, k’a jira ko bala kɛra kojugubakɛla ɲɛmɔgɔ in na k’a to labɛnw na ka taa a furumuso sɛgɛrɛ buguda dɔ la, min ni Serima cɛ ye kilomɛtɛrɛ damadɔ ye, k’a faga. U y’a ka mɔbili bon ni pankurun ye k’o tiɲɛ. A n’a ka mɔbili kelen kɔ, baasima fosi ma se mɔgɔ wɛrɛ ma. Wasa sɔrɔli a ko la, o sababu bɔra jɛkabaara kɛcogo ɲuman na AES kɔnfederasɔn kunnafoniko cakɛdaw cɛ, Dirpa ka fɔ la. Mali sɔrɔdasiw bolo, nin wasa in b’u ka baara ɲɛdɔnni kofɔ ka fara AES kɔnfederasɔn kɛlɛbolo fana ka baara kɛcogo ɲuman kan. Nin kojugubakɛkulu in ɲɛmɔgɔba dɔ fagali min ye nin ye, o bɛna caman bɔ sigidalamɔgɔw ka jɔrɛ la kojugubakɛko la. Dɔkala Yusufu JARA Suleyimani SIDIBE
Dɔkala Yusufu Jara
Visite du PM du Niger.
Réflexion sur la démocratie.
Transfert de compétence.
Semaine nationale de l'harmonisation des symboles de l'Etat.
Vote de loi de finances 2026.
Rencontre sur l'AES.
