Nka, a bɛ se
ka kɛ kow cayako jugu a ma, a mankan labanna ka da. A labanna alimamiya ma a
sigiyɔrɔ la Senu-Sibiribabugu, Bamakɔ dafɛlan na. Bakari Kulubali fatura kunun
tarata sɛtanburukalo tile 2 san 2025 k’a si to san 72 la. Ka Ala minɛ ka sefawari
dɔrɔmɛ mugan don Bakari Kulbali ka fura jalan mana kelen na, o tun ye pari cɛbali
ye. I tun b’a mɛn a ka feerelikɛlaw fɛ u ka mikorow la, « Ni ne ka fura jalan
y’i kɛnɛya, Ala barikada. N’a m’i kɛnɛya, Bakari n’i ka mugan taara. N tɛ soma
ye, n tɛ kolonin fili, n tɛ buguri da ». Nin tun y’a ka feerekan ye nisɔndiya
kɔnɔ. A ye sangaba sɔrɔ a ko la kabini san 1981 waatiw la. O n’a ta bɛɛ, a
sanga labanna ka binni daminɛ, k’a sababu kɛ furafeerela dɔw ka sinaya samanni
y’a nɔfɛ. O caman tun bɛ fura jalan kolonw labɛn k’u yɛrɛ kɛ Bakari Kulubali ka
feerelikɛla dɔw ye. A ka feerelikɛla caman labanna k’a nɔbila ka furafeere k’u
yɛrɛ ye, nka u tun b’u ka feerew kɛ ni Bakari Kulubali tɔgɔ ye.
Kunnafoniw
y’a jira ko Bakari Kulubali ye furafeere lasɔrɔ a ba Ma Tarawele de fɛ. O y’a
sɔrɔ a bɛ taa ka seginw kɛ Kɔnɔwari jamana na kosɛbɛ baara misɛnninw na. A
labanna k’o taamaw jɔ ka kɛɲɛ n’a ba ka laɲinin ye. A ko a ba
y’a fɔ a ye, ko n’a y’a ɲɛsin furafeere ma, a bɛna se k’a ka denbaya balo a la.
Ko ale kana jɔrɛ o la, ko a bɛna furaw di a ma, minnu b’a to a bɛ se a ka
denbaya kɔrɔ. A ko don dɔ la, ale tugura a ba kɔ ka taa kungo kɔnɔ. Ko o ye fura
dɔ jira ale la ka kilisi fɔ o la, k’o tigɛ ka di a ma. O kɔfɛ, kabini san 1981, ale ma fura
suguya wɛrɛ feere tuguni ni a ba ka dantigɛlanw tɛ ; wa a tun b’a fura
mana kelenna feere sefawari dɔrɔmɛ mugan (d20) ; k’a mako caman ɲɛnabɔ o
feere in na.
Bakari Kulubali ka furaw tun ye cangara suguya saba ye. A ka furafeere daminɛ na, a ba ka fɔ la, o furaw tun bɛ se ka bana suguya duuru kɛnɛya : sumaya, sunɔgɔbaliya, biɲɛdimi, mara, ani kɔbɔ. O n’a ta bɛɛ, a tanuna kosɛbɛ ko a ka furaw bɛ se ka bana tan ni kɔ kɛnɛya.
Dɔkala Yusufu Jara
Walasa ka se ka dɔ fara jago ni baarabaw kɛli fanga kan diɲɛ silamɛdiinɛ tɔnba ni silamɛdiinɛ cakɛda min ɲɛsinnen bɛ jago yiriwali ma, ni jago ni izininko minisiriso ka jɛɲɔgɔnya ye, u bɛna baarabaw kɛli Afiriki kɔnɔ, o lajɛba 1lɔ kɛ k’a daminɛ desanburukalo tile 2 la ka s.
Sɛtanburukalo tile 22 wulikajɔw labɛn hukumu kɔnɔ jamana lakananbaaw fɛ, lakananbaaw ɲɛmɔgɔba ye laseli kɛ, k’a jira ko sira dɔw bɛ ka tigɛ Bamakɔ kɔnɔ, a daminɛna bi tarata la sɛtanburukalo tile 16 san 2025 sɔgɔmadaw fɛ..
Minisiriɲɛmɔgɔ ye balikukalan tɔgɔladon laɲɛnamayali lajɛ ɲɛmɔgɔya kɛ Bamakɔ lajɛkɛsoba Seyisebe (CICB) la. A ye hakililajigin kɛ, ko an bɛ don min na, a fasoden ɲɔgɔn ba caman ye balikukalan kɛ k’a sababu kɛ gɔfɛrɛnaman, sigidaw ani jɛɲɔgɔnw yiriwaliko la, olu ka c.
Kojugubakɛlaw b’a la ka bin tajidoni kamiyonbaw ni « Jara taransipɔri » kaarebaw kan sisan k’u tajiw bɔ. O ye k’a ɲinin ka jamana nafoloko don nkalama na. Ka da u ka nin binkannibaw kan, jamana lakananbaaw fana jɔlen b’u ɲɛ k’u ŋaniya jugu jigin u yɛrɛ kɔnɔ.
Supɛri kupu Asimi Goyita dako 5nan finali tanna kunun kari sɛtanburukalo tile 7 san 2025 Mamdadu Konate tɔgɔla farikoloɲɛnajɛkɛnɛ kan. A tun bɛ marayɔrɔ fila balontantɔnw cɛ : Kulukɔrɔ ani Moti. Moti delila k’a ta san 2022, Kulukɔrɔ tun delila k’a ta san 2024. Nin sen in na, Ku.
Kalanko minisiriso ye nin kunnafoni in lase kunun araba sɛtanburukalo tile 3 san 2025.
