Mɔgɔ caman bε sɔn ka nin kunnafoni in filε maana ye, ka da a kεyɔrɔ kan I.D ani K.T cε. U fila de kεlεla fo ka se fagali ma nowanburukalo tile 9 su k’a dugu jε a tile 10 na san 2023. A koɲε donna Darawele-Bolibanna polisiso bolo.
Nin ko in, a b’i n’a fɔ a daminεna dɔlɔ tɔ nɔfε. Dɔ ye dɔ ka dɔlɔ tɔnin ta o kɔ k’o min. Fɔcogo la, KT tun bɔra ka taa dɔ bilasira k’a ka dɔlɔ tɔ to buteli kɔnɔ tabali kan. Sanni ale ka kɔsegin, I.D y’o ta k’o min.
K.T kɔseginnen y’a sɔrɔ a ka dɔlɔ tɔ minna I.D fε. O waleya in de ma bεn o ma. U ye dalamankan kε, fo k’a kε kεlε jijalen ye u cε. I.D ye dɔlɔbuteli dɔ ta k’o kari. Terima fila ninnu y’u saran ɲɔgɔna na o kama.
A kεra dabalibanko ye, mɔgɔ si tun m’a dɔn ko a bεna se nin bεε ma ; dalamankan labanna saya ma. I.D ye buteli cilen coron K.T kanfilennin kɔnɔ. O suurula duguma bεε dabali bannen ɲεkɔrɔ. Wa, a ni tora o de la, a cεlen n’a ta bεε ka taa n’a ye kεnεyaso la. Polisiw sɔrɔla k’a sɔgɔbaa in minε k’a don Bamakɔ komini 4nan kiiritigεso bolo.
Tamba KAMARA
Dɔkala Yusufu Jara
Visite du PM du Niger.
Réflexion sur la démocratie.
Transfert de compétence.
Semaine nationale de l'harmonisation des symboles de l'Etat.
Vote de loi de finances 2026.
Rencontre sur l'AES.
