Mali : Desanburukalo tile 31 y’a sɔrɔ ONU tɔgɔla kεlεcε 95% ye jamana bila

A laε kεra a ka minisiriso lajεkεso kɔnɔ. Minisiri caman tun b’a kεnε kan. Lajε in kun tun ye laselisεbεn min kεra Minusima bɔliko kan, k’o fεsεfεsε.

Kabini sɔn kεra sariya 2690 ma, ka Minusima taali yamaru ni Mali k laɲinin ye yanni san 2023 desanburukalo tile 31 tun ka kuncε, Mali ɲεmɔgɔw y’a kanu o bɔli ka labεn k’a kε basigi kɔnɔ. O ni bi cεε, jεkulu minnu sigira a baaraw kama, olu ni Minusima ye ko caman kε ɲɔgɔn fε. Minisiri ka fɔ la, u y’a kɔlɔsi ko desanburukalo tile 31 y’a sɔrɔ Minusima mɔgɔ caman taara.

Minisiri y’a jira k’o kεra cεsiri ye. Ka da a kan Minusima mɔgɔ 15.000 labɔli kuntaala ka jan ; nka o n’a ta bεε, o sera ka kε. A ko san 2023 desanburukalo tile 31 y’a sɔrɔ Minusima mɔgɔ 95% ye Mali bila. A dgayɔrɔ bεε latεmεnna Mali sɔrɔdasiw ma.

Abudulayi Jɔpu ko dagayɔrɔ dɔw de yera yen, minnu lasɔrɔli gεlεyara ; i n’a fɔ Tesaliti, Agelihɔku ani Kidali O gεlεyaw sɔrɔla Minusima balali fε ka yɔrɔw bila ten, sanni a k’u latεmεn Mali sɔrɔdasiw ma. O de kosɔn olu lasɔrɔli ma taa kεlε juguw kɔ sɔrɔdasiw ni marifatigijεkuluw cε. Minusima k’o waleyaw n’u ta bεε, gɔfεrεnaman sera k’o gεεyaw kunbεn a tuma na.

A tun fɔra ko jεkulu dɔ bε taa Minusima dagayɔrɔ sεgεsεgε walasa k’a dɔn ni waleya t’u kɔ, minnu bε se ka fiɲε bila hadamadenw ka ɲεnamaya la ; nka o baaraw a kε. A dun kɔlɔsira k’o waleya jugu caman bε yen. O siratigε la, a bε ɲinin ONU f, a ka dabali tigε tiɲεninɔ ninnu ladilanni na.

Abudulayi Jɔpu y’a jira, ko juma zanwuyekalo tile 12 wula y’a sɔrɔ minisiri minnu ɲεsinnen bε baarako, mara ani nafoloko ma, olu bε labεn na, k’u bolonɔ bila warikosεbεn dɔ la ni bankiw ye, mɔgɔ minnu ka juruw bε Minusima, olu ka se ka sara u ye.

Minisiriw ka lajε nata bεna boli laɲininw ni kɔlɔsiliminnu kεra gɔfεrεnaman fε, olu donni na baara kεtaw la. O laselis&bεn mana dajira gɔfεrεnaman na, a bε sɔrɔ k’o forobaya.  

Suleyimani SIDIBE

Dɔkala Yusufu JARA