Falenfɛnw lakananni
cakɛda (OPV) ye lajɛ dɔ daminɛ kunun sɛtanburukalo tile 1lɔ san
2025, ka kɔlɔsili kɛcogo ani yamaruya sɔrɔcogo kiimɛ mangoro feereli kama kɔkan
Nansarajɛkulu la. Laɲinin : ka karanko fɛɛrɛ dɔ labɛn teliya la Mali mangoro
feereli la kɔkan Nansarajɛkulu sugu la. Lajɛ in daminɛni ɲɛmɔgɔya tun bɛ Dr Muhamɛdi
B. Jara bolo, laadibaa don sɛnɛ minisiriso la.
Nin lajɛ in bɛ ka kɛ waati kɔnɔ, waati min, ni gɛlɛya bɛ mangorotigiw kan. A
bɛ ka kɛ ka tugu Nansarajɛkulu ka ŋaniya talen na ka Mali mangoro feereli
kɔkan, o dulon. U ye nin ŋaniya in ta, k’a sababu kɛ k’u y’a kɔlɔsi kabini san
2022 kanpaɲi kɔnɔ, dimɔgɔ finw bɛ ka mangorow tiɲɛ. O de la u b’a fɔ ko an ka
mangoro tɛ ka kɔlɔsi wa ko a tɛ se ka yamaruya sɔrɔ kɔkan feereli la. Tile saba
kuntaala kɔnɔ, lajɛkɛlaw bɛna fɛɛrɛw sɛgɛsɛgɛ koɲuman ni « R-SAT » ka
minɛn ye. O minɛn in labɛnna cakɛdaw cɛ jɛkulu sigilen fɛ sɛnɛ yiriwaliko la.
an ka jamana falenfɛnw kɛnɛyako bɛ hakɛ min na, o kiimɛ.
Dr Muhamɛdi B. Jara ka fɔ la, ko caman b’a kɔnɔ ; ka da a kan Mali
lakodɔnnen bɛ kosɛbɛ diɲɛ kɔnɔ mangoroba sɔrɔli la. O siratigɛ la, a ye
hakililajigin kɛ, ko mangoro jɔyɔrɔ ka bon kosɛbɛ jamana sɔrɔko la, ka da wari
hakɛ min bɛ a feereli la kɔkan, ka dɛmɛn don jamanakɔnɔsɔrɔ (PIB) la ani
dunkafa satili la. A y’a jira fana, ko nafa min bɛ mangoro la, a ɲuman ye k’a
kɛnɛyako jate minɛ koɲuman, walasa ka se ka jigisigi kɛ a ɲɛ na, min b’a to a
bɛ se ka diɲɛ suguba lasɔrɔ nɔgɔya la, wari caman ka sɔrɔ a la.
Mali mangoro sɔrɔta fanba ɲɛsinnen bɛ kɔkan feereli ma Nansarajɛkulu la. Nka
ɲinan, Nansarajɛkulu ka kɛnɛyako ɲɛmɔgɔso ye Mali mangoro ladonni dulon u bara
fɔlɔ. Walasa ka se ka dulonni in wuli ka bɔ yen, a ɲininna ka fɛɛrɛ tigɛ
mangoro ɲuman sɔrɔcogo la ani ka baara kɛbaa kelenna ka kɛta dantigɛ. Walasa ka
se k’o kɛ, Dr Muhamɛdi B. Jara b’a ɲinin lajɛkɛlaw fɛ, u k’u timinandiya, min
b’a to Mali mangoro bɛ segin k’a jɔyɔrɔ ta Nansarajɛkulu sugu feereli la.
Nin lajɛ in bɛ ka kɛ waati kɔnɔ, waati min, ni gɛlɛya
bɛ mangoroko baarakɛlaw kan
Falenfɛnw lakananni cakɛda (OPV) ɲɛmɔgɔ Halidu Mohomodu ka fɔ la, nin lajɛ
in nafa ka bon kosɛbɛ Mali mangoro sininama kan. A k’u dalajɛlen
don walasa ka se ka disidako in wuli ka bɔ yen. A sɔrɔla ka foli di sɛnɛ
minisiriso ani cakɛdaw cɛ jɛkulu (Colead) ma u ka cɛsiri la baara kɛbaa bɛɛ
kunnafonini an’u lafaamuyali la kabini dulonni in daminɛna. (Colead) dagayɔrɔ
ye Lome ye Togo faaba la. O ka baaraw mabɛnbaa Wikitɔri Boro, ni Mali mangoroko
tɔnba ka baara kɛtaw kɔlɔsibaa don, o y’a jira ko ko in tɛ tulon ye. Nka, o n’a
ta bɛɛ, a ye jigisigi kɛ, ko cɛsiri de ka kan ka kɛ ka Mali dɛmɛn a ka baara la.
Tile saba in kɔnɔ, a k’u bɛna dabali tigɛlen bɛɛ sɛfɛsɛfɛ ni
« R-SAT » ka baarakɛminɛn ye cogoya caman na. N’o baaraw kuncɛra,
karanko fɛɛrɛ jɔnjɔn bɛ tigɛ, ka dajira Nansarajɛkulu la, min b’a to segin bɛ
kɛ joona ka taa Mali mangoro feere u bara. A sinsinna mangoro nafa kan sɔrɔ ani
hadamadenya la. O la, a y’a ɲinin u kelenna fɛ, bɛɛ k’a seko jira, min b’a to
fura mabɛnnen ka se ka sɔrɔ gɛlɛya kofɔlen in na.
Wikitɔri Boro ye hakililajigin kɛ fana, (Colead) jɔyɔrɔ la dɔ farali la
sɛnɛkɛlaw ka dɔnniyaw fanga kan ani yɛlɛmani dunfɛnw bayɛlɛmani kuntaala jan
kan. A ka fɔ la, mɔgɔ o mɔgɔ sen bɛ mangoro sɔrɔ jɔlɔkɔ la, baara bɛna kɛ n’a
bɛɛ ye, walasa an ka se ka bɔ joona gɛlɛya in kɔnɔ. Kumakuncɛ la, Mali
mangorotigiw ka tɔnba ɲɛmɔgɔ Mukutari Fofana y’a ka nisɔndiya jira nin lajɛ in
kɛli la, min nafa ka bon kosɛbɛ Mali mangoro sininama kan. A hakili la, nin
lajɛ in bɛna se k’a to feere dulonni ka wuli Mali mangoro ka segin ka bɔ ka taa
feere kɔkan Nansarajɛkulu la ; yen min ye Mali warisɔrɔyɔrɔba ye mangoro
la.
Dɔkala Yusufu Jara
Visite du PM du Niger.
Réflexion sur la démocratie.
Transfert de compétence.
Semaine nationale de l'harmonisation des symboles de l'Etat.
Vote de loi de finances 2026.
Rencontre sur l'AES.
