« Faransi y’a ŋaniya k’a ka lasigiden lasegin », Pari tun bannen b’o min ma fo ka se sisan ma, u ka jamanakuntigi ka fɔ la, kumaɲɔgɔnya dɔ senfε « TFI » ani « France 2 » kan « nεgε kanɲε 20 », i n’a fɔ (AFP) y’a jira cogo min na.
« An bε dan sigi an ni Nizεri cε jεɲɔgɔnya la sɔrɔdasiko nasira la », Emanuyεli Makɔrɔn ko ten, AFP ka lakali la, k’a faranfasiya, ko Faransi ka sɔrɔdasi 1.500 minu bε Nizεri, olu bεna taa « dɔgɔkun damadɔ, walima kalo damadɔ nata kɔnɔ », wa u bε bɔ ka ban pewu sanni san ka foori ».
Sɔrɔdasi minnu ye fanga ta Nizεri, olu y’u ka jamana dugukolo kunna panni kɔn Faransi pankurunw na. Cikan min sera « Asecna » ma Madagasikari karidon sεtanburukalo tile 24 san 2023, o kunnafoni in b’o kɔnɔ.
K’a jira ko Nizεri jamana dugukolo kunna panni dagalen don diɲε jagoko pankurun bεε ye, fo n’a bɔra Faransi taw la, ani pankurun fεn o fεn bε tali kε Faransi tɔgɔ la. A panni kɔnnen don sɔrɔdasiw ka kεlεkεpankurun bεε kan, fo ni min y’a yamaruya ɲinin, ni jεn kεra n’o ye.
Suleyimani Sidibe
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
