Dugu fila kɛra misali ye Kita marabolo kɔnɔ SASAKAWA AFRICA fɛ. Olu ye
Siraninkɔtɔ ani Dunbajila ye. Nin dugu fila ye cikɛ fɛɛrɛw laɲɛnamaya, minnu tun
b’an fɛ yan kakɔrɔ, minnu b’a to ni dugukolo bɛ nɔgɔdon ka ɲɛ, sɛnɛfɛnw bɛ
falen ka ɲɛ, ka den caman kɛ. Farafinnɔgɔw bɛ dilan cikɛlaw fɛ ni fɛɛrɛ kuraw
ye, Ala ni SASAKAWA AFRICA sababu. Cikɛ tɛ ɲɛ sumansi ɲuman kɔ, cikɛlaw kalannan
k’u dege o baaraw fana na. Tarakitɛri min bɛ baara suguya caman kɛ samiyɛ ni
tilema fɛ, o dira u ma, ka tila k’u ni jurudonkɛsuw bolo don ɲɔgɔn bolo, i n’a
fɔ ɲɛsigiso.
Sɔrɔ kɛlen kɔ, cikɛlaw ka kan ka se k’u ka sɛnɛfɛnw maracogo ɲuman dɔn. U bɛ
dɔw dun, ka dɔw mara, ka dɔw feere. O sannifeerew bɛ nafolo minnu lase u ma, u
ka kan ka se o labuguncogo la sanni samiyɛ wɛrɛ cɛ.
Cikɛla bɛ bɔ faantanya la cogo min, a bɛ bɔ kɔngɔ ni minnɔgɔ la cogo min
n’a yɛrɛ bolokɔrɔfɛɛrɛw ye SASAKAWA AFRICA bɛ k’o fɛɛrɛw de layiriwa Mali la, kɛrɛnkɛnnenya
Kita marabolo Kɔnɔ.
O baara minnu kɛra ni SASAKAWA AFRICA ka dɛmɛ ye, a ɲɛmɔgɔ min ka baara ye
kunnafonidiko ye, Madamu Ecopiya TADESE, o nana a ɲɛ da olu de kan. A y’a ka nisɔndiya
jira baaraw taabolow la.
Sɛki Amadu Ja, Mahamadu Kɔnta
Dɔkala Yusufu Jara
Visite du PM du Niger.
Réflexion sur la démocratie.
Transfert de compétence.
Semaine nationale de l'harmonisation des symboles de l'Etat.
Vote de loi de finances 2026.
Rencontre sur l'AES.
