Lajɛkɛlaw ye jiri kɛmɛ caman turu « 26Mars »
farikoloɲɛnajɛkɛnɛ na
Mali kɔnɔ
yan, laɲɛnamayali in kɛra ni baara suguya caman ye. Denmisɛn kɛmɛ caman an’u
bilasirabaaw bɔra jamana marayɔrɔ 9 ani Bamakɔ faaba kɔnɔ. Olɛnpiki danbew ɲɛtaa, denmisɛnninw ka tulonw, farikoloɲɛnajɛw ani seko ni dɔnko
waleyaw, jirituuruw, nin bɛɛ
kɛra. Masalakun min sugandira san 2025 ta la, o kɛra «an k’an lamaga» ye.
O masalakun
in ma sugandi kunfɛ ten, a bɛ farikoloɲɛnajɛ kɛli ani farifoniw kɛli ɲɔgɔn fɛ, olu nafaw kofɔ, ka mɔgɔw saman u nɔfɛ, hadamadenyasira ani
nisɔndiya b’a kɔnɔ. O hukumu kɔnɔ, a bɛ ɲinin mɔgɔ bɛɛ fɛ, i ka dɔɔnin kɛ
taama, boli, panni ani lamagali la ni mɔgɔ tɔw ye. A taabolo ye k’a ɲinin i teri
dɔ fɛ a ka fara i kan walima ka farifoni kɛ, ka numeriki minɛnw labaara. « CIO »
ka fɔ la, a ka ca ni cikan 35.000 ye, minnu jɛnsɛnna erezo sosiyow cɛ Olɛnpiki
tɔgɔladon diɲɛ kɔnɔ, o hukumu kɔnɔ, wa a ka ca ni mɔgɔ 350.000 ye,
minnu yera a kanpaɲi na.
« CIO »
laɲɛnamayara Olɛnpi faaba la, kɛrɛnkɛrɛnnenya la ni laadala boli ye km5 kuntaala kan jama fɛ Olɛnpiki
so lamini na Lozani, Siwusi. Hakililajigin na, kanpaɲi « an k’an
lamaga », o daminɛna san 2023, ɲininniw senfɛ, minnu kɛra diɲɛ kɛnɛyako tɔnba OMS) fɛ. A jirala ko mɔgɔ
caman de bɛ diɲɛ kɔnɔ, minnu tɛ hali u fari lamaga dɔɔnin min b’a to u bɛ se ka
to kɛnɛya la, baliku saba o saba, mɔgɔ kelen dɔrɔn ani denmisɛn 81%.
Ɲɛmadali wulikajɔ olɛnpiki fanga fɛ ani k’a nege minɛ walasa ka se ka yɛlɛma don o kuma fɔlen in cogoya la, k’a ɲinin ka saman a kow nɔfɛ ani ka nɔgɔyadaw dayɛlɛ bɛɛ kama, u ka se k’u lamaga ka taa a fɛ. An k’an lamaga, o ye wulikajɔ olɛnpiki ka ci ye, ka diɲɛ dilan ka ɲɛ k’a sababu kɛ farikoloɲɛnajɛ ye, ani ka tɛmɛn n’a waleyaw ye hali olɛnpiki tɔgɔladon tɛmɛnnen kɔfɛ, ni ŋaniya ani wulikajɔ olɛnpiki senkɔrɔmadonni ye, ka tɛmɛn n’a nege minɛni ye ani k’a to mɔgɔw ka se k’u lamaga,, ka farikoloɲɛnajɛ kɛcogo dɔ diya i ye ka da a mɔgɔw, a baaraw an’a kɔnɔko kan.
Soulemane Bobo Tounkara
Sebaaya sɔrɔlen ka don Afiriki Ligiw ka ŋanaɲinin na karidon sɛtanburukalo tile 22, Joliba sera k’a to Mali ntolantan ka dan sigi san 27 sesɔrɔbaliya la o kow la. Fiɲɛ nana ɲɔsuurula bolo sɔrɔ sanfɛ ; sabula Sitadimaliyɛn fana ye sebaaya sɔrɔ ka don Afiriki kɔnfederasɔn janjo k.
