Rintaliba
Zan Emanuyɛli Wedarawogo selen bisimilala minisiriɲɛmɔgɔ Abudulayi Mayiga fɛ
Burukina faso minisiriɲɛmɔgɔ Rintaliba Zan Emanuyɛli Wedarawogo billala cidenkulu dɔ ɲɛ kunun ka na lɛrɛ 72 taama na Mali kɔnɔ. Pankurun min nana ni minisiriɲɛmɔgɔ in ye, a cunna Modibo Keyita tɔgɔla pankurunjiginkɛnɛ na Senu Bamakɔ nɛgɛ kanɲɛ 17 waati la. A selen bisimilala Mali minisiriɲɛmɔgɔ Zenerali de diwisɔn Abudulayi Mayiga fɛ.
Foliko ɲuman kɛra dunanba in na, a ni bonya min ka kan o fana kɛra a ye. Gɔfɛrɛnaman
minisiriw tun b’a kɛnɛ kan ka fara Burukina faso jamanaden minnu sigilen bɛ
Mali la. Minisiriɲɛmɔgɔ fila ninnu ka ɲɔgɔnye kɔfɛ pankurunjiginkɛnɛ lajɛkɛso
la ; u jiginnna dugu kɔnɔ.
Taama in kɔnɔnan na, Burukina faso minisiriɲɛmɔgɔ bɛna taa a ɲɛ da Bala
Faseke Kuyate tɔgɔla cakɛda, Bamakɔ warabafilɛso ani faso tɔgɔla fɛn kɔrɔ
marayɔrɔ kan sɔgɔma in na. Baaraw bolodacogo la, Burukina faso minisiriɲɛmɔgɔ Rintaliba
Zan Emanyɛli Wedarawogo ni Mali minisiriɲɛmɔgɔ Zenerali de diwisɔn Abudulayi
Mayiga bɛna jɛ wulayanfan fɛ, ka Mali fasodenɲumanya lakananso ka baaraw tako
2nan daminɛni lajɛ ɲɛmɔgɔya kɛ Seyisebe (CICB) la Bamakɔ.
Sini alamisa, Burukina faso cidenkulu in ni Mali taw bɛna baara dɔw kɛ ɲɔgɔn fɛ. O baaraw ɲɛmɔgɔya bɛ minisiriɲɛmɔgɔ fila ninnu bolo. Hakilila falenw kɔnɔnan na, kuma bɛna kɛ masalakunw kan, foroba nafaw kama dipulomasi, lafasa ani yiriwali kan. Dunanba in bɛ laban ka bisimila furancɛlafanga jamanakuntigi Zenerali darimɛ Asimi Goyita fɛ jamanakuntigiso la Kuluba. O alamisadon kelen in na, Zenerali de diwisɔn Abudulayi Mayiga bɛna surɔfana labɛn Burukina cidenkulu ye. Dugu mana jɛ minisiriɲɛmɔgɔ Rintaliba Zan Emanuyɛli Wedarawogo n’a nɔfɛjama bɛ kɔsegin u ka jamana na.
Dɔkala Yusufu Jara
Laelisɛbɛn dɔ kɔnɔ min bolonɔbilala tarata utikalo tile 19 san 2025, jamana ka hakɛw lafasabaa (korokirɛri zenerali) kiiritigɛso sanfɛdan na Mamudu Tinbo y’a jira, ko sɛgɛsɛgɛli kiiriso ye kiiri kunnafoni dɔ dayɛlɛ ka kɛɲɛ ni kumakan juguw ye, minnu bɛ se ka jate « namara, fo.
An bɛ don min na baarakɛla 122.166 de bugunnatigɛra mɔgɔ mumɛ kofɔlen 158.317 la, o ka surun jama kofɔlen in 80% na.
Ŋununŋunun tun bɛ sen na a bɛ tile damadɔ bɔ. Furancɛlafanga gɔfɛrɛnaman y’a sɛmɛntiya alamisa utikalo tile 14 san 2025, ko lakananbaa ani siwili caman minɛna. Zenerali fila bɛ u cɛla, minnu tun b’a fɛ ka jamana fangabulonw dafiri, nka a ko ma se ka sira sɔrɔ ka da gɔfɛrɛnam.
Minisiriw y’u ka laadalatɔnsigi kɛ araba utikalo tile 13 san 2025 jamanakuntigiso la Kuluba. A ɲɛmɔgɔya tun bɛ furancɛlafanga jamanakuntigi Zenerali darimɛ Asimi Goyita bolo..
Wulikajɔ demokarasiko ani politikitɔn camanko la an ka jamana kɔnɔ, o cɛba dɔ taara i da. Kɔkankow ni diɲɛ tɔnbaw cɛ koɲɛnabɔ minisiri kɔrɔ Cɛbilen Daramɛ fatura kunun utikalo tile 12 Pari, Faransi faaba la k’a si to san 70 la bana kuntaala jan senfɛ. A ka denbaya de ye nin kunn.
Nun donna kunun, furancɛlafanga jamanakuntigi Zenerali darimɛ Asimi Goyita fɛ ; n’o ye faso ka san 2025 fɛɛrɛ tigɛlen ye, k’a ɲinin ka dɛmɛn don dɛsɛbaatɔ miliyɔn 2,3 la baloko la jamana kɔnɔ..
