Ɛnfɔrɔmatiki
n’o ye mansinnasɛbɛnni ye, fura kura wɔɔrɔ sigira senkan Mali kɔnɔ, k’u jira minisiriɲɛmɔgɔ
Zenerali de diwisɔn Abudulayi Mayiga la kunun tarata sɛtanburukalo tile 16 san
2025, taamakow, kɛnɛyako ani mara minisirisow fɛ, yɛlɛma kura donni kama fanga
ka baaraw kɛcogo la ani ka dɔ fara an ka jamana ka mansinnasɛbɛnniko yɛrɛya
fanga kan.
Taamako
nasira la, ko kura naani dajira : « Sigi-Dolo » ye taamako titiriw
basigili an’a kunnafoniw kafolan ye, peyazi tan baaraw kɛli ni mansin na u mumɛ
33 cɛla (wari sɔrɔta sigiyɔrɔmana fila la Masala), yɛlɛma kura donni
« Anaser » ka tikeko cogoya la ani Modibo Keyita tɔgɔla
pankurunjiginkɛnɛ tikeko donni mansinnasɛbɛnni na.
Kɛnɛyako
nasira la, minisiriso ye « OpenClinic » sigi senkan ; o ye
lopitaliw tɔpɔtɔcogo ye, min b’a to banabaatɔw kunkansɛbɛnw kɔlɔsili ka nɔgɔya
ani ka kilinikiw ka baara kɛtaw, u warikow an’u furako caya.
Mara nasira
la, Perefɛkituriw kunnafoniw tɔpɔtɔli (SIGIP) fɛɛrɛ tigɛra ; o ye
mansinnasɛbɛnniko baarakɛminɛn ye, tɔnw, mara baarakɛlaw ani jatew sigili
kɔlɔsili baarakɛminɛn ɲuman ye, ka kunnafoniw, hakilila falen lajɛbaw ani
marayɔrɔw dantigɛw b’o la.
Nin fura kura ninnu bɛɛ sigira senkan Mali la yan, dɔ farali kama jamana ka mansinnasɛbɛnniko yɛrɛya sabatili hukumu kɔnɔ ani ka faso sekow don ba la.
Dɔkala Yusufu Jara
Bamakɔ Bajoliba kininbolo kalanko ɲɛmɔgɔso ye balikukalan tɔgɔladon laɲɛnamaya juma sɛtanburukalo tile 12 san 2025, Kalaban-kura musow ka baaradegekalanso (CAFE) la. A kɛnɛ labɛnna bajoliba kininbolo kalanko ɲɛmɔgɔso fɛ ni Kalaban-kura « CAP » ka jɛɲɔgɔnya ye..
Minisiriw y’u ka laadalatɔnsigi kɛ araba sɛtanburukalo tile 10 san 2025, jamanakuntigiso la Kuluba. A ɲɛmɔgɔya tun bɛ Zenerali darimɛ Asimi Goyita bolo..
Walasa ka se ka dɔ fara jago ni baarabaw kɛli fanga kan diɲɛ silamɛdiinɛ tɔnba ni silamɛdiinɛ cakɛda min ɲɛsinnen bɛ jago yiriwali ma, ni jago ni izininko minisiriso ka jɛɲɔgɔnya ye, u bɛna baarabaw kɛli Afiriki kɔnɔ, o lajɛba 1lɔ kɛ k’a daminɛ desanburukalo tile 2 la ka s.
Sɛtanburukalo tile 22 wulikajɔw labɛn hukumu kɔnɔ jamana lakananbaaw fɛ, lakananbaaw ɲɛmɔgɔba ye laseli kɛ, k’a jira ko sira dɔw bɛ ka tigɛ Bamakɔ kɔnɔ, a daminɛna bi tarata la sɛtanburukalo tile 16 san 2025 sɔgɔmadaw fɛ..
Minisiriɲɛmɔgɔ ye balikukalan tɔgɔladon laɲɛnamayali lajɛ ɲɛmɔgɔya kɛ Bamakɔ lajɛkɛsoba Seyisebe (CICB) la. A ye hakililajigin kɛ, ko an bɛ don min na, a fasoden ɲɔgɔn ba caman ye balikukalan kɛ k’a sababu kɛ gɔfɛrɛnaman, sigidaw ani jɛɲɔgɔnw yiriwaliko la, olu ka c.
Kojugubakɛlaw b’a la ka bin tajidoni kamiyonbaw ni « Jara taransipɔri » kaarebaw kan sisan k’u tajiw bɔ. O ye k’a ɲinin ka jamana nafoloko don nkalama na. Ka da u ka nin binkannibaw kan, jamana lakananbaaw fana jɔlen b’u ɲɛ k’u ŋaniya jugu jigin u yɛrɛ kɔnɔ.
