Nuhumu Sise bangera desanburukalo tile 31 san 1956 Taɲininbugu Kita sɛrɛkili kɔnɔ. A y’a ka kalan kun fɔlɔ kɛ ka Deyɛfu sɔrɔ Kita, ka na Lise Badala kɛ ka Baki sɔrɔ ka taa lakɔlikaramɔgɔw kalansoba ENSUP la hakililakow dɔnniya kalanww na, n’a bɛ fɔ o ma tubabukan na pisikopedagozi.
Lise lakɔlikaramɔgɔ in labanna ka ɲɔgɔlɔn kanu kosɛbɛ, k’a ɲɛsin o ma. A ye
Mali ka seko ni dɔnko san fila ɲɛnajɛ kɛ Kulukɔrɔ mara fɛ. Ɲɔgɔlɔnbɔ in kɔnɔ a
ye jɔyɔrɔ caman fa sinimandilannaw bolo. A kɛra polisi ye sinimandilanna
Usumani Sɔ bolo «Wari II» la. O kɛra sababu ye ka da caman yɛlɛ a ye sinimanko
nasira la. A ni Agibu Danbɛlɛ ye baara kɛ, ka fara Aliyuni Ifara Ncayi kan, o
min ye seko ni dɔnko « Bulonba » sigibaa ye senkan. Ka Nuhumu Sise
wele Baa ɲɛngo, o sɔɔla o jɛkabaara kɔnɔnan na.
A ye nsiiridaw, ko kɔrɔw lakalili ani furabɔw kɛ. A delila ka masalakun dɔ
walanwalan filiya sigili kan. Baa ɲɛngo tun ye mɔgɔ ye, min labilalen tun don
mɔgɔ suguya bɛɛ ye. A ta tun ye nisɔndiya dan bɛɛ ye. A suturali kɛra a dugu jɛ
kari mɛkalo tile 25 san 2025 Kalaban-kɔrɔ. Dugawudon bɛ ka taa a ma !
Dɔkala Yusufu JARA
Mohamed DIAWARA
Nafɛn suguya in bɔlen bɛ sugu la bi kosɛbɛ denbayaw ka lafiya kama. Kaɔrɔ a sɛnɛbaaw an’a feerebaaw bɛ ka jɔrɛ n’a ye.
