Jamanakuntigi ka pankurun sanni ani sɔrɔdasiw ka minɛnw sanni kiiri bɛ sen na ni kɛnɛ dili ye seerew ma, k’u lamɛn. Fɛn min ye sɔrɔdasiw ka minɛnsanko ye, alamisadon, kiiriso ye zenerali Sidiki Samakɛ lamɛn ; ale ye lafasa ani sɔrɔdasi kɔrɔw minisiriso sekeretɛri zenerali ye, ani Kolonɛli Kunba Jara, ale b’o minisiriso kelen in wariko kunna ; wa minɛn sɔrɔlenw bisimilali kolabɛnkulu mɔgɔ dɔ fana tun don a waati la. Mɔgɔ nɔminɛnenw ka soronadonnaw tun ye ninnu ka seereya ɲinin kosɛbɛ.
Zenerali Sidiki Samakɛ y’a sɛmɛntiya, ko minɛn fɛn fɛn sanna, a bɛɛ sɔrɔla, u sɔrɔlisɛbɛnw bɛ bolo kɔrɔ. A k’u bɛɛ sɔrɔla an bɛ don min na u sɔrɔlisɛbɛnw cogoya la. Kolonɛli Kunba Jara fana da ma dɛsɛ a la. Ale yɛrɛ y’a sɛmɛntiya, ko minɛn sannen bɛɛ sɔrɔla. Nka, a ma sɔn laselisɛbɛn saba (PV) ma minɛnw sɔrɔli kan minɛnko, tajiko ani bolifɛnko ɲɛmɔgɔso (DMHTA) bolo ani saba wɛrɛ sɔrɔdasiw ka komisariya ɲɛmɔgɔso (DCA) bolo. A k’a t’a yɛrɛ ye o minɛnw sɔrɔlisɛbɛn kɔnɔ, hali n’i y’a sɔrɔ k’u sɔrɔla.
Jumadon kiiritigɛlaw ye seere fila wɛrɛ lamɛn : Abu Berete, lafasa ni sɔrɔdasi kɔrɔw minisiriso wariko kɔlɔsibaa tun don a waati la, ani Sidi Dikɔ ; ale fana tun bɛ wariko kɔlɔsilikulu ka bolo kan. Abu Berete y’a jira ko bɛnkansɛbɛn dira minisiriso wariko n’a minɛnko cakɛda (DFM) ma. O de kosɔn a ye sɛbɛn fila in seereya.
Sɛbɛn fɔlɔ musaka tun ye sefawari miliyari 22 ye san Z014 desanburukalo. Sɛbɛn filanan musaka tun ye sefawari miliyari 22 fana ye san 2015 utikalo. Nka, a ka fɔ la, minɛnw sɔrɔli daminɛna k’a sɔrɔ o sɛbɛnw ma se olu ma. Kiiriso kɛlen ka ɲininkali kɛ minɛnw sɔngɔ jɔnjɔn na, wariko baarakɛla in ye jaabili kɛ, ko sefawari miliyari 39 de tun sarala miliyari 69 dantigɛlen na. A kɔni fana y’a seereya ko minɛn bɛɛ sɔrɔla.
Fɛn min ye Sidi Dikɔ ye, ale ko minɛnw sɔrɔli daminɛna san 2014 utikalo la Kati, ka kuncɛ san 2015 zuluyekalo la. A ye sɔrɔlisɛbɛn 11 jira ka bɔ (DMHTA) ani (HCCA) la. A k’o minɛn bɛɛ sɔrɔla, wa ko olu ka jɛkulu ka baara tun ye minɛn sɔrɔlenw hakɛ an’u ɲɛ walima u juguya kɔlɔsili ye. Sidi ka fɔ la, jamana sɛgɛsɛgɛlikɛlaba ka ɲininkali ma se ale ma minɛnsɔrɔko la.
Kiiritigɛlaw y’a ɲinin ka kiiri sonsoron, k’a bila sini tarata la, walasa u na se ka seereyasɛbɛn kura sɔrɔlen dɔw fɛsɛfɛsɛ, nafa bɛ se ka sɔrɔ minnu na tiɲɛ bangeli la. Nka mɔgɔ nɔminɛnenw ka soronadonnaw ma jɛn n’o laɲinin in ye cogo si la. A laban na, tɛmɛn kɛra ni seere tɔw lamɛnni ye.
Dɔkala Yusufu JARA
Tanba KAMARA
Dɔkala Yusufu Jara
Kunnafoni, numeriki sɔrɔ ni fanga ka baara yɛlɛma kura minisiri tun ye mɔgɔ welelen ye Mali Kura Taasira 3 jɛmukan kɛnɛ kan, min labɛnna Mali kunnafoni latɛmɛnni n’a gansili cakɛda (SMTD) la Kati sira la. O cogoya la, Alihamudu Agi Iliyɛni da sera ko jɔnjɔnba saba ma, minnu b’a k.
Furu ɲɔgɔn fatuli ye ko ye, min degun ka bon kosɛbɛ an sigida la furusira kɔnɔ cɛyanfan ani musoyanfan. Wa furu kura sɔrɔli a tigilamɔgɔ dɔ fɛ, o ka gɛlɛn n’a tɔ bɛɛ ye, ka da hakilila juguw kan.
Mali furancɛlafanga jamanakuntigi Zenerali darimɛ Asimi Goyita, tarata, sariya n°2025-029/ min tara zuluyekalo tile 08 san 2025 yɛlɛma donni na furancɛlafanga taabolo la, o waleyali yamaruya di, a ma dɔgɔkun kelen bɔ bulonba jɛnnen kɔ n’a ye..
Ala kana a kɛ, n’o tɛ ni jisonko kɛra, denbaya dɔw bɛ u sigiyɔrɔw bila. Dɔw yɛrɛ fana b’u sigi ka Ala makɔnɔ, ko a mana ɲɛ cogo min na.
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
