Jamanakuntigi Asimi Goyita y’a ɲɛ da cakɛda « Remdizel » ka
mɔbili bilɛndew ni donini mɔbiliw kan. O ye cakɛda ye, min faamuyalen don
kosɛbɛ lafasa minɛnw dilanni na. Bilɛnde K5385 min bɛ baara suguya caman kɛ, o
sen ka di kojugu. « Remdizel » ka kɔkan baara kɛtaw ɲɛmɔgɔ Bulati Zayinutidinɔwu
y’a jira Mali kunnafonidilaw la, k’a wasara ni Mali faamaw samanni y’u nɔfɛ
fura sɔrɔli la u ka gɛlɛyaw la. A k’o bɛna dusu don u kɔnɔ ka minɛn ɲumanw
dilan kosɛbɛ u ka sannikɛlaw kama, kɛrɛnkɛrɛnnenya la sangaɲɔgɔnma bɛ minɛn
minnu nɔfɛ.
Siwiliw ka kamiyonbaw bɛ cakɛda « Remdizel » ka minɛn dilantaw la, « Kamaz » sago don k’a ka dayɛlɛ Mali ani Afiriki bɛɛ ye ka taa a fɛ. O mɔbili suguya in kunnafoni sɛbɛkɔrɔ jɛnsɛnna Arali Pari-Dakaro boliba sebaayaw sɔrɔli la.
Sɔgɔmada fɛ, furancɛlafanga jamanakuntigi ye cakɛda Yadaran baarakɛla dɔw
bisimila. O cakɛda in bɛna Mali sanubɔgɔ koli izinin jɔ Senu.
O izinin in bɛna jɔ k’a kɛ cogo min na, u y’o ja jira jamanakuntigi la. A jɔli
tufaden fɔlɔ dara zuwɛnkalo tile 16 tɛmɛnnen in na. O poroze in na,
dugujukɔrɔfɛnko minisiri Amadu Keyita, y’a jira ko ɲɛmadakoba ye dɔnniyaw
latɛmɛnni ye, o min ye dakun nafamaba ye poroze in na. Mali ni Irisila ye
yiriwali tɛmɛnsira sennatelin sennaminɛ ɲɔgɔn bolo u ka nafoloko jɛkabaara kɔnɔ.
Jamanakuntigi fila ninnu b’a fɛ ka Tatarisitan izinin kɛ bolomadayɔrɔ ye fɛɛrɛ
jɔnjɔnko la.
Dɔkala Yusufu JARA
Alasani SULEYIMANI
Rédaction Kibaru
Zenerali de diwisɔn Abudulayi Mayiga da sera gɛlɛya minnu bɛ Malidenw kan kɔkan sɛbɛn nafamaw kunkan, kɛrɛnkɛrɛnnenya la Kariti NINA, kariti biyometiriki, pasipɔri. Maliden minnu sigilen bɛ Ɛsipaɲi, olu fana da sera nin fɛn ninnu ma, ani k’a ɲinin Mali ɲɛmɔgɔw fɛ u ka bolonɔ.
Mali cidenklu taara a ɲɛ da Kazan cakɛda « Rostec » kan kunun. O ye helikɔputɛri dilanyɔrɔba lakodɔnnen ye diɲɛ kɔnɔ. U ye Yadaran baarakɛla dɔw fana bisimila ; o cakɛda in de bɛna Mali sanubɔgɔ koli izinin jɔ pankurunjiginkɛnɛ masurunna na Senu Bamakɔ.
