Ɲεfɔli la, binni muso kan kafoɲɔgɔnya sira fε, o ye k’a wajibiya ka
don a dafε, n’a ma kε n’a yεrε ka jεn ye. O waleya in dun kɔnnen don Mali ɲangilisariya fε ɲangicogo jugu la ; nka, o si la,
binkanni kafoɲɔgɔnya sira fε, o tε ka dabila. A b’i n’a fɔ a yεrε b’a la ka wara ka taa a fε. Don ka dɔgɔ Bamakɔ ani marayɔrɔ tɔw polisisow la, ni binkanni kuma ma
se yen. A dɔ kεra Kayi, o
tε tεmεn kalo kelen dafa fɔlɔ.
Kayi-Ndi polisiso tεgε dara binkannikεla fila kan Kayi-Ndi kɔnɔ yen. Wa a fila bεε ye kodɔnbalininw ye ; dɔ ye san 14 ye, dɔ fana ye san 18 ye. U binna
musomannin min kan nin don in na, « Ara » si hakε bε san 10 na.
Ara na mεεn n’a ma ɲinε a lajabadon kɔ ;
n’o ye ɔkutɔburukalo tile 10 su ye, k’a
dugu jε a tile 11 na. Cεmannin fila y’a minε, ka taa jε a la kafoɲɔgɔnya sira fε. Kasɔrɔ u bε ɲɔgɔn dɔn, u ye sigiɲɔgɔnmaw ye. A kɔni ma faranfasiya ni kanu dogolen tun
b’u cε kɔrɔlen u n’u ka kodɔnbaliya n’a ta bεε. Binkanni in ma
bala ka kε ; u tun y’a ko sεbεkɔrɔ labεn, ka to k’a bεlεn.
Don min na u kεɲεna n’a waati an’a yɔrɔ ɲuman ye, u y’u ka dabali tigεlen
waleya. A don su, Ara n’u ka du yεrε cε tun man jan. A tun bε mɔgɔ ka ci la, walima yaala gasan, o
fana faranfasiya ma di kunnafoniw na. Nka, a si bε hakε min na, mɔgɔ bε se k’a bisigiya ko ci tun don. N’a
tun sɔmina ko mɔgɔ bεna a jaso ka tεmεn n’a ye, ka
taa jε a la kafoɲɔgɔnya sira fε, laala, a tun tεna bɔ a kelen.
Ko jugu bε se ka mɔgɔ sɔrɔ yɔrɔ min na, o dɔnbaa ka dɔgɔ. O de kεra Ara ta ye nεgε kanɲε 20 waatiw la. K’a to taama na a
fεrε ma bɔlɔn kɔnɔ, cεnin fila nana jakarata la k’a jaso ka tεmεn na ye. A kεra i n’a fɔ sεgε ka sεdenta.
Sanga damadɔ o kɔfε, kunnafoni sera Kayi-Ndi
polisiso ma, ko musomannin dɔ kulekan bε yɔrɔ dɔ la, ka dεmεn ɲinin. O yɔrɔnin bεε la, polisiw ye labεn kε ka cun yen. Min ye
kunnafoni di u ma, u n’o tun bε ɲɔgɔn fε. U sera k’a sɔrɔ dennin in sigilen bε du kura jɔtɔ dɔ kɔfε Kayi-Ndi-Hamudalayi I na. A tun
b’a la ka sεbεkɔrɔ kule, joli b’a ka ɔrɔbu fanw na. U sinna k’a cε ka taa n’a ye kεnεyaso la. A
sεmεntiyara sεgεsεgεliw senfε, ko bin kεra a kan kafoɲɔgɔnya sira fε.
Polisiw ye sεgεsεgεliw damiε, tεgε
bε se ka da kojugukεla ninnu kan cogo min na. Ara y’a jira k’a bε cεnin kelen dɔn u fila la ; Ko o n’u ka so
cε man jan. Lεrε 24 kuntaala kɔnɔ, polisiw y’u tεgε da nin mɔgɔ fila bεε kan. U ɲininkalen, u jɔra waleya jugu in na.
Ni mɔgɔ minεna nin waleya suguya la, min
b’i ɲε o dɔnnen don kaban ; sabula faraɲɔgɔnkan don ka binkanni kε. U y’u
latεmεn kiiritigεso ma joona. U ka koɲε tɔ bε Kayi kiiritigεlaw bolo.
Yaya JAKITE
Dɔkala Yusufu JARA
Dɔkala Yusufu Jara
Minisiriw y’u ka laadalatɔnsigi kɛ araba utikalo tile 6 san 2025 jamanakuntigiso la Kuluba. A ɲɛmɔgɔya tun bɛ furancɛlafanga jamanakuntigi Zenerali darimɛ Asimi Goyita bolo..
Liputako-Guruma jamanaw ka yiriwali cakɛda bɛ bayɛlɛmani sira kan ka kɛ saheli kungo jamanaw ka kɔnfederasɔn (AES) ka waleyali cakɛda ye. A ɲɛmɔgɔ bɛna kɛ kalo wɔɔrɔ kuntaala kɔnɔ, an Maliden ɲɔgɔn Eli Pɔrɔsipɛri Arama ye..
N’o ye jamanakuntigiso la yiriwaljɛkulu ani fɛɛrɛjɛkulu ye. O fɛɛrɛjɛkulu in dagayɔrɔ bɛna kɛ nafoloko minisiriso ye. O cakɛda fila in bɛna, ka da ɲɔgɔn kan, u wasa don yecogo waleyali kɔlɔsili kɛrɛnkɛrɛnnen na ani porozew waleyali kɔlɔsili la. Jamanakuntigi jɛnna ni daj.
Minisiriw ka tɛmɛnni kɔfɛ, Zenerali dediwisɔn Abudulayi Mayiga tun ye mɔgɔ welelen ye Mali Kura Taasira 3 jɛmukan kɛnɛ kan telewisɔnsoba la sibiri tɛmɛnnen in na, ka jɛmukan in sigili kuncɛ. Minisiriɲɛmɔgɔ da sera sisan masalakun gɛlɛn caman ma, jɔyɔrɔ saba b’ale min kelen .
Kunnafoni, numeriki sɔrɔ ni fanga ka baara yɛlɛma kura minisiri tun ye mɔgɔ welelen ye Mali Kura Taasira 3 jɛmukan kɛnɛ kan, min labɛnna Mali kunnafoni latɛmɛnni n’a gansili cakɛda (SMTD) la Kati sira la. O cogoya la, Alihamudu Agi Iliyɛni da sera ko jɔnjɔnba saba ma, minnu b’a k.
Furu ɲɔgɔn fatuli ye ko ye, min degun ka bon kosɛbɛ an sigida la furusira kɔnɔ cɛyanfan ani musoyanfan. Wa furu kura sɔrɔli a tigilamɔgɔ dɔ fɛ, o ka gɛlɛn n’a tɔ bɛɛ ye, ka da hakilila juguw kan.
