Baara fɔlɔ fila ninnu, n’o ye kolatigɛbiro ka sarati tilancɛ lajɛa ani sariyasɛbɛnw filiw latilenni ye, olu waleyara jumadon nowanburukalo tile 8 san 2024 Bugunin gɔfɛrɛnɛri dagayɔrɔ lajɛkɛso kɔnɔ. Ciden 34 bɔra Bamakɔ, Kayi, Kulukɔrɔ, Sikaso, Segu, Moti, Gawo, Kita, Tumutu, Kidali ani Bugunin maraw kɔnɔ.
Nin sarati tilancɛ (2022-2024) lajɛba kun tun ye kolatigɛbiro min sigira marisikalo tile 20 san 2022 Bugunin, k’o ka baara kɛlenw kiinɛ. Jama jɛnna n’o kɔnɔko ye.
Fɛn min ye AJSM sigilisariya an’a lataamani sariya filiw latilenni baara ye, AJSM ɲɛmɔgɔ Umaru Baba Tarawele y’a jira k’o tun b’a kun bɔ, walasa k’u mabɛn ni baaraw cogoyaw ye. Yɛlɛmaba min kɔlɔsira, o ye dɔ bɔli ye kolatigɛbiro mɔgɔ hakɛ la. O bɔra mɔgɔ 21 na k’a kɛ 15 ye. Ɲɛmɔgɔ kelen n’a dankan fila, sekeretɛri zenerali kelen n’a dankan, warimarala kelen n’a dankan kelen.
Jɛkulu dagalenw fana sigira senkan : jɛkulu min ɲɛsinnen bɛ musow ka ɲɛtaa ma, jɛkulu min ɲɛsinnen bɛ denmisɛnw ka ɲɛtaa ma, jɛkulu min ɲɛsinnen bɛ kolabɛn ma, jɛkulu min ɲɛsinnen bɛ jago fɛɛrɛw ni senkɔrɔmadonni ma, jɛkulu min ɲɛsinnen bɛ kumaɲɔgɔnya ma, jɛkulu min ɲɛsinnen bɛ farikoloɲɛnajɛ ani nisɔndiyakow ma, jɛkulu min ɲɛsinnen bɛ seko ni dɔnko ma, ani jɛkulu min ɲɛsinnen bɛ hadamadenya ni ɲɔgɔndɛmɛn ma.
Bɛnkan nafama caman wɛrɛw tara : lajɛba min ye tɔn in jɔsenba ye, o ka kan ka suda tile 30 a dɔgɔyalenba, ani k’a kunkansɛbɛnw ci ka kɔn lajɛba don ɲɛ tile 15 a dɔgɔyalenba. Jɛkulu suguya wɛrɛw sigili ɲɛsigilen don AJSM sariya kuraw kɔnɔ, minnu bɛ baara k’u yɛrɛ kolo la : kalata koɲɛnabɔjɛkulu, kɔlɔsili ani bɛnni sariya ma o jɛkulu, ani ladamuni ni kolonni jɛkulu.
Cidenw jɛnna ni tɔn ka sariya talen bɛɛ ye ani ka jɛn ni Sori Ibarahima Kulubali sugandili ye ka kɛ AJSM kolatigɛbiro sekeretɛri zenerali ye Poli Fajigi Kulubali nɔ na. An dabaa Ma ka wele sera o min ma desanburukalo tile 6 san 2023. Sori Ibarahima Kulubali ye kunnafonidila ye kunnafonisɛbɛn na, min bɛ wele tubabukan na « Lɛndepandan ».
Lajɛ ninnu daminɛni ɲɛmɔgɔya tun bɛ Bugunin mara gɔfɛrɛnɛri Zenerali de birigadi Usumani Wele Jalo bolo. Marayɔrɔ tɔw n’u kominiw ɲɛmɔgɔw tun b’a kɛrɛfɛ ; kɛrɛnkɛrɛnnenya la Bugunin Mɛri Karimu Sangare.
Gɔfɛrɛnɛri ka kɔrɔfɔ kɔnɔ, a ye foli lase AJSM ma a ka ɲɛnajɛba su tako 12nan, a ka kupu tako 4nan a ka biro ka sarati tilancɛ lajɛba ani a ka sariyaw filiw latilenni baaraw kɛli la Bugunin. Nin baara ninnu waleyali Banimɔnɔcɛ faaba kɔnɔ, o ye kunnawolo ye Bugunin farikoloɲɛnajɛ ma.
Zenerali de birigadi Usumani Wele Jalo ye foli lase Mali farikoloɲɛnajɛ kunnafonidilaw fana ma u ka senkɔrɔmadonni na Mali farikoloɲɛnajɛ yiriwali la k’a walangata ka diɲɛ labɔ. A ye foli lase AJSM ma tuguni a kɛli la ka senkrɔmadonni kɛ ka ɲɛsin basigi sabatili ma u ka federasɔnw birow sigili kɔnɔ na. A labanna k’a ɲinin AJSM mɔgɔw fɛ, u ka to nin sira ɲuman kan ka Mali farikoloɲɛnajɛ sankɔrɔta kosɛbɛ.
Dɔkala Yusufu JARA
Laji Madiheri JABI
Dɔkala Yusufu Jara
Minisiriw y’u ka laadalatɔnsigi kɛ araba utikalo tile 6 san 2025 jamanakuntigiso la Kuluba. A ɲɛmɔgɔya tun bɛ furancɛlafanga jamanakuntigi Zenerali darimɛ Asimi Goyita bolo..
Liputako-Guruma jamanaw ka yiriwali cakɛda bɛ bayɛlɛmani sira kan ka kɛ saheli kungo jamanaw ka kɔnfederasɔn (AES) ka waleyali cakɛda ye. A ɲɛmɔgɔ bɛna kɛ kalo wɔɔrɔ kuntaala kɔnɔ, an Maliden ɲɔgɔn Eli Pɔrɔsipɛri Arama ye..
N’o ye jamanakuntigiso la yiriwaljɛkulu ani fɛɛrɛjɛkulu ye. O fɛɛrɛjɛkulu in dagayɔrɔ bɛna kɛ nafoloko minisiriso ye. O cakɛda fila in bɛna, ka da ɲɔgɔn kan, u wasa don yecogo waleyali kɔlɔsili kɛrɛnkɛrɛnnen na ani porozew waleyali kɔlɔsili la. Jamanakuntigi jɛnna ni daj.
Minisiriw ka tɛmɛnni kɔfɛ, Zenerali dediwisɔn Abudulayi Mayiga tun ye mɔgɔ welelen ye Mali Kura Taasira 3 jɛmukan kɛnɛ kan telewisɔnsoba la sibiri tɛmɛnnen in na, ka jɛmukan in sigili kuncɛ. Minisiriɲɛmɔgɔ da sera sisan masalakun gɛlɛn caman ma, jɔyɔrɔ saba b’ale min kelen .
Kunnafoni, numeriki sɔrɔ ni fanga ka baara yɛlɛma kura minisiri tun ye mɔgɔ welelen ye Mali Kura Taasira 3 jɛmukan kɛnɛ kan, min labɛnna Mali kunnafoni latɛmɛnni n’a gansili cakɛda (SMTD) la Kati sira la. O cogoya la, Alihamudu Agi Iliyɛni da sera ko jɔnjɔnba saba ma, minnu b’a k.
Furu ɲɔgɔn fatuli ye ko ye, min degun ka bon kosɛbɛ an sigida la furusira kɔnɔ cɛyanfan ani musoyanfan. Wa furu kura sɔrɔli a tigilamɔgɔ dɔ fɛ, o ka gɛlɛn n’a tɔ bɛɛ ye, ka da hakilila juguw kan.
