A ɲɛmɔgɔya tun bɛ Nizɛri jamanakuntigi Zenerali darimɛ Abudurahamani Tiyani
bolo. Mali jamanakuntigi Zenerali darimɛ Asimi Goyita ani Burukina Faso jamanakuntigi
Kapitɛni Ibarahimu Tarawele tun b’a la. Lajɛba in baara bolodalenw tun ye
kɛrɛnkɛrɛnnenya la « LAG » bɛnkan bayɛlɛmani k’a kɛ AES kɔnfederasɔn
saheli jamanaw ka yiriwali porozew n’a porogaramuw waleyali cakɛda sigili ye
senkan.
Nin ŋaniya in tali bɔra AES kuntilenna kuraw la ; kɛrɛnkɛrɛnnenya la
banni tintinkanko bɛɛ ma, ka to yɛrɛya kɔ AES kɔnɔ, Nizɛri jamanakuntigi ka fɔ
la, a ka dantigɛli kɔrɔfɔ kɔnɔ. Zenerali darimɛ Abudurahamani Tiyani fɛ, ka
kɛɲɛ ni nin ŋaniya in ye yɛrɛyako la AES kɔnɔ ani sigidalamɔgɔw haminankow
jaabili la sanga ni waati bɛɛ la, dɔwɛrɛ tɛ an ma ka sinsin an yɛrɛw sekow kan
yiriwali la. A y’a jira fana, ko an ka kan ka tɛmɛn garibufilensin kan sa, an
ka kow yiriwali musakako la.
Mali jamanakuntigi ni
AES ɲɛmɔgɔba fana don, o ka fɔ la, Liputako-Guruma bɛnkan « ALG »
sigira senkan desanburukalo tile 3 san 1970. O ni bi cɛ, a sera ka jɛkabaara
poroze caman kɛ dancɛw la, minnu b’a ɲinin ka yɔrɔ in yiriwa. A kɛra ko suguya
caman na ; kɛrɛnkɛrɛnnenya la sɛnɛ, baganmara, lamini, kuranko, telefɔniko,
dugujukɔrɔfɛnko, sirakow ni hadamadenya baju wɛrɛw. Jɛkulu in ye san 55
sɔrɔ ; wa a y’a ka kologɛlɛya jira ka jaabi ɲumanw sɔrɔ.
Nka, ka da zewopolitiki gɛlɛyaw kan sisan, diɲɛ kɔnɔ ani marayɔrɔ la, kɛrɛnkɛrɛnenya
la saheli kungo kɔnɔ, « ALG » ka kan k’a mabɛn ni disidako kuraw ye
walasa a ka se k’a jɔyɔrɔ fa a ɲɛma. Nin lajɛba in ye dakunba ye
« ALG » ka ɲɛnamaya kɔnɔ. Jamanakuntigi Goyita dalen b’o dɔn : ka da
a kan, a y’a jira ko ni AES sigili ye senkan, ka tugu kɔnfederasɔn fana sigili
la senkan san 2024 zuluyekalo la, ko a ɲuman ye ka fɔ kɛ, ka bɛn marayɔrɔ
donɲɔgɔnna siniɲɛsigi baarakɛminɛn in cogoya kan.
Zenerali darimɛ Asimi Goyita filɛ
wiziyo-kɔnferansi la
ƝƐBILA SƐGƐSƐGƐLI- Burukina faso jamanakuntigi y’a ɲinin AES
politkiw ka mabɛn ko caman na, kɛrɛnkɛrɛnnenya la sɛnɛ ni baganmara. O siratigɛ
la, Kapitɛni Ibarahimu Tarawele y’a faranfasiya, k’o baara ninnu nafa ka bon
kosɛbɛ saheli kungo jamanaw ka dunkafa sabatiliko la. A ka fɔ la, baaraw don,
an man kan cogo si la bilen, k’a to jɛɲɔgɔnw k’u sendon a la cogo min na a ka
di u ye. A ko a ɲuman ye an k’an ka politikiw mabɛn a ko la, min b’a to AES
kɔnfederasɔn yiriwali porozew n’a porogaramuw waleyali cakɛda kura in bɛ se ka
sigicogo ɲuman sɔrɔ an ka sira bɔlen kan o kow la.
Baaraw kuncɛyɔrɔ la, laseli kɛra lajɛba in kunkan. A jirala o laselisɛbɛn
kɔnɔ, ko « ALG » jamanakuntigiw ye Afiriki tilebinyanfan zewopolitiki
fɛsɛfɛsɛ ani ka Liputako-Guruma jamanaw basigiko cogoya fana fɛsɛfɛsɛ. U y’u ka
nisɔndiya jira jamana kelenna an’u jɛra ka baara minnu waleya kojugubakɛ kɛlɛli
hukumu kɔnɔ, k’a to mara ani mɔgɔ minnu tun y’u sigiyɔrɔw bila, olu ka se ka
segin dɔɔnin-dɔɔnin u nɔ na yɔrɔw la. U ye « ALG » ka yiriwali
taabolow yɔrɔ jan ani yɔrɔ surun foli kɛ kabini a sigira senkan.
Jamanakuntigiw y’a ŋaniya ka, « ALG » sababu la nafa sɔrɔlenw
dantigɛ ani k’u jiidi AES ka hɛrɛ kama, yiriwali nasira la. Ɲinɛ ma kɛ a
bayɛlɛmani kɔ k’a kɛ kɔnfederasɔn yiriwali porozew n’a porogaramuw waleyali
cakɛda ye. Nka walasa k’o sɛmɛntiya, cakɛda kura in ka kan ka porozew ni
porogaramuw labɛn, ka kɛɲɛ ni kuntilennaw ye, kɔnfederasɔn minisilajɛw ka
ɲɛmɔgɔya kɔnɔ, laselisɛbɛn in y’a jira cogo min na.
A bɛ sɛbɛn in kɔnɔ fana, ko AES jamanakuntigiw b’a gɛlɛya minisiriw ma,
minnu ɲɛsinnen bɛ « ALG » ma, u ka fangabulon in ɲɛbila sɛgɛsɛgɛli kɛ
fɔlɔ, ani ka dabaliw tigɛ, walasa k’a waleyali nɔgɔya yanni desanburukalo nata
in tile 31 cɛ.
Dɔkala
Yusufu JARA
Bɛnbabilen
DUNBIYA
Bembablin DOUMBIA
A kofɔlen don sariyasunba kɔnɔ, ko fangabulon minnu bɛ sigi n’o ye furancɛlafanga jɔsenw ye, olu bɛ tɛmɛn n’u jɔyɔrɔw an’u ka baara kɛtaw ye. Nin latilenni b’a to furancɛlafanga taabolo ka mabɛn ni politiki ni fangabulonw yɛlɛma kura cogoyaw ye jamana kɔnɔ, ani ka sarati d.
Furancɛlafanga sariya kura in kosɔn, Zenerali Asimi Goyita bɛ jamanakuntigiya jɔyɔrɔ fa a ɲɛma san 5 kuntaala, min bɛ se ka mɔɔnɔbɔ siɲɛ hakɛ la n’o b’a kunbɔ fo ka jamana basigi tuma min na. Wa a bɛ se fana k’a kanbɔ jamanakuntigiya nɔfɛ a ka furancɛlafanga bannen kɔfɛ.
Kolonɛli-mazɔri Amadu Makan Sidibe, lafasa ni sɔrɔdasi kɔrɔw minisiriso ka wariko ni minɛnko ɲɛmɔgɔba, Kolonɛli Badara Aliyu Jɔpu, taamako ɲɛmɔgɔba lakananbaaw ka minɛnko ni tajiko ɲɛmɔgɔso (DMHTA) la ani Seyidu Dikɔ, ciden wariko kɔlɔsilikɛla cakɛda « Guo-Star » ka bɛn.
Lafasa ni sɔrɔdasi kɔrɔw ka minisiri ye taama kɛ Kidali jumadon, a ma san fila bɔ o dugu in bɔɔsilen kɔ kojugubakɛlaw n’u dɛmɛnbaaw la Mali sɔrɔdasiw fɛ. Zenerali de kɔri darimɛ Sajo Kamara tun taalen bɛ ni furancɛlafanga jamanakuntigi Zenerali darimɛ Asimi Goyita ka bɛn cikan.
Minisiriɲɛmɔgɔ dɛmɛnni minisiri Mamanin Nasire ka ɲɛsin politiki yɛlɛma kuraw ani kalataw tɛmɛnsira senkɔrɔmadonni ma, o y’a jira kunun kunnafonidilajɛ dɔ senfɛ, ko politikitɔnko sariya ni fanga sinamatɔnw ɲɛmɔgɔba jɔyɔrɔ binna, wa ko politikitɔn bɛɛ ani jɛkulu fɛn o.
Kojugubakɛlaw ka binkanni n’a ta bɛɛ sigimajɔyɔrɔw kan Bamakɔ dɔgɔkun tɛmɛnnen in, Mali ka yɛrɛmahɔrɔnya sɔrɔli sanyɛlɛma 64nan laɲɛnamatali seli, n’a bɛ wele sɛtanburukalo tile 22, o wulikajɔw kɛra an ka jamana kɔnɔ..
