Minisiriɲɛmɔgɔ dɛmɛnni minisiri Mamanin Nasire ka ɲɛsin politiki yɛlɛma kuraw ani kalataw tɛmɛnsira senkɔrɔmadonni ma, o ye kunnafonidilajɛ kɛ kunun minisiriɲɛmɔgɔso la, min senfɛ a y’a jira ko politikitɔnko sariya ani fanga sinamatɔnw ɲɛmɔgɔ jɔyɔrɔ sariya, olu binna, wa ko politikitɔn bɛɛ ani jɛkulu fɛn o fɛn bɛ politiki kɛ, o bɛɛ cira.
Kabini kɔrɔfɔ daminɛ na,
minisiri y’a fɔ ko politikitɔnw ani jɛkulu fɛn o fɛn bɛ politiki kɛ, olu cili
ye sigikafɔba laɲinin dɔw waleyali ye ani kuntilenna min donna gɔfɛrɛnaman kɔrɔ
furancɛlafanga jamanakuntigi fɛ araba nowanburukalo tile 27 san 2024
minisirilajɛ senfɛ, o waleyali fana don. O la, minisiriɲɛmɔgɔ Zenerali Abudulayi Mayiga sigilen minisiriɲɛmɔgɔya la, o
minisirilajɛ fɔlɔ senfɛ, jamanakuntigi ye ci kɛrɛnkɛrɛnnen don gɔfɛrɛnaman bolo
waleyaw la, minnu bɛ jamanaden bɛɛ kunkan. O waleya kofɔlenw na, tɛmɛnni ni
yɛlɛma daminɛnenw ye sigikafɔba laɲininw waleyali kama ani yɛlɛma wɛrɛw.
Tɛmɛnni ni yɛlɛma kuraw
ye, a ko a tun kɛra wajibi ye ka sigikafɔba laɲinin dɔw waleya n’o bɛ boli
politikitɔnw kan. O laɲinin in sigilen don dakun saba ye ; dɔ bɔli
politikitɔn hakɛ la, ka sariya gɛlɛn ta kuraw sigiliko la ani gɔfɛrɛnaman ka
kan ka wari don u ka baara kɛtaw dafɛ cogo min na, fanga sinamatɔnw ɲɛmɔgɔ
bugunnatigɛ donni politikitɔnko sariya kɔnɔ, i sugandilen k’i to tɔn dɔ la, k’o
bila ka yɛlɛma dɔwɛrɛ la o dabilali.
Minisiriɲɛmɔgɔ dɛmɛnni minisiri
Mamanin Nasire ye hakililajigin kɛ dakun minnu waleyara furancɛlafanga ɲɛmɔgɔw
fɛ sigikafɔba laɲininw na yɛlɛma donni politikitɔnko sariya la o hukulu kɔnɔ. A
k’u fɔlɔla ka politikitɔnw ani jɛkulu minnu tɛ politikitɔnw ye, olu hakililaw
ɲinin. Nka ko jaabi minnu sɔrɔla, olu ma se ka kɛ wasa ye yɛlɛma doncogo la
politikitɔnko sariya la ani sariya kura dilanni na. O de kosɔn gɔfɛrɛnaman y’a
ɲinin jamana jama fangamaw hakililaw ka ɲinin a ko la san 2021 sigikafɔba
hakilila bɔra olu minnu na.
O kosɔn, sigikafɔba min
kɛra yɛlɛma doncogo la politikitɔnko sariya la, n’o sigikafɔba in kɛra jamana
tɔgɔ la awirilikalo tile 28 ka se a tile 29 ma san 2025, a ɲininna politikitɔnw
ka ci ni u sigili sariya ani sariya min bɛ fanga sinamatɔnw ɲɛmɔgɔ jɔyɔrɔ kofɔ,
olu binni. Kabini o sariya ninnu binna, da wulila sonkalan ma ye ; mɔgɔ
dɔw ye kuma kunntanw fɔli daminɛ fanga ma k’a ɲinin ka jama lamuruti. O de nana
ni gɔfɛrɛnaman kɛli ye ka dekere dɔ ta, ka politikitɔnw ani jɛkulu fɛn o fɛn bɛ
politiki kɛ, k’u ka baara kɛtaw dulon jamana fan bɛɛ fɛ, fo ka taa a fo min
kɛra.
Minisiri y’a jira ko sariya min ye politikitɔnko sariya kofɔlen in bin, o y’a sɛmɛntiya ko sariya kura bɛna dilan politikitɔn sigicogo la ka kɛɲɛ ni sariyasunba ye. Bɛɛ sen bɛna don o dilanni na. Hakilila ɲuman bɛ mɔgɔ o mɔgɔ la, o bɛ se k’a fɛla fɔ sariya kura in dilancogo la ka kɛɲɛ ni sariyasunba ni fasojama haminankow ye. A bɛ kɛ sariya ye, laɲinin gɛlɛnw bɛna sɔrɔ min kɔnɔ ; n’o dɔ ye dɔ bɔli ye politikitɔn hakɛ la. Minisiri ko politikitɔn bɛɛ cira. An bɛ don min na politikitɔn fosi tɛ an ka jamana kɔnɔ fɔlɔ.
O siratigɛ la, minisiriɲɛmɔgɔ dɛmɛnni minisiri Mamanin Nasire ka ɲɛsin politiki yɛlɛma kuraw ani kalataw tɛmɛnsira senkɔrɔmadonni ma, a y’a jira ko nafaba bɛ jamanakuntigi ka dekere talen in na, ka da a kan biisibaasa min tun b’a la ka don jamana kɔnɔ ni kun yɛrɛ t’a la, ni siran tun bɛ ka k’o ɲɛ, a b’o furan ka bɔ yen. A k’u y’a kɔlɔsi ko mɔgɔ suguya wɛrɛw de b’u malasa politikimɔgɔw sen na k’a ɲinin ka jamana lonpolanpa ; i n’a fɔ kojugubakɛla dɔw, minnu tun ye wele bila politikitɔnw ma, k’u ka wuli ka muruti. O la, wajibi tun don jamana ɲɛmɔgɔw k’a kɛ nin cogo la. Minisiri ka fɔ la, an bɛ yɔrɔ min na bi, an bɛ se ka wuli ka ko sɛbɛlama kɛ Malidenw ye
Dɔkala Yusufu JARA
Bembablin DOUMBIA
Liputako-Guruma saheli jamanaw yiriwali jɛkulu (ALG) bayɛlɛmana k’a kɛ AES saheli jamanaw yiriwali porozew n’a porogaramuw waleyali cakɛda ye. O kɛra kɔnfederasɔn jamanakuntigiw n’a minisiriɲɛmɔgɔw ka lajɛba 8nan senfɛ juma tɛmɛnnen in wiziyo-kɔnferansi la.
A kofɔlen don sariyasunba kɔnɔ, ko fangabulon minnu bɛ sigi n’o ye furancɛlafanga jɔsenw ye, olu bɛ tɛmɛn n’u jɔyɔrɔw an’u ka baara kɛtaw ye. Nin latilenni b’a to furancɛlafanga taabolo ka mabɛn ni politiki ni fangabulonw yɛlɛma kura cogoyaw ye jamana kɔnɔ, ani ka sarati d.
Furancɛlafanga sariya kura in kosɔn, Zenerali Asimi Goyita bɛ jamanakuntigiya jɔyɔrɔ fa a ɲɛma san 5 kuntaala, min bɛ se ka mɔɔnɔbɔ siɲɛ hakɛ la n’o b’a kunbɔ fo ka jamana basigi tuma min na. Wa a bɛ se fana k’a kanbɔ jamanakuntigiya nɔfɛ a ka furancɛlafanga bannen kɔfɛ.
Kolonɛli-mazɔri Amadu Makan Sidibe, lafasa ni sɔrɔdasi kɔrɔw minisiriso ka wariko ni minɛnko ɲɛmɔgɔba, Kolonɛli Badara Aliyu Jɔpu, taamako ɲɛmɔgɔba lakananbaaw ka minɛnko ni tajiko ɲɛmɔgɔso (DMHTA) la ani Seyidu Dikɔ, ciden wariko kɔlɔsilikɛla cakɛda « Guo-Star » ka bɛn.
Lafasa ni sɔrɔdasi kɔrɔw ka minisiri ye taama kɛ Kidali jumadon, a ma san fila bɔ o dugu in bɔɔsilen kɔ kojugubakɛlaw n’u dɛmɛnbaaw la Mali sɔrɔdasiw fɛ. Zenerali de kɔri darimɛ Sajo Kamara tun taalen bɛ ni furancɛlafanga jamanakuntigi Zenerali darimɛ Asimi Goyita ka bɛn cikan.
Kojugubakɛlaw ka binkanni n’a ta bɛɛ sigimajɔyɔrɔw kan Bamakɔ dɔgɔkun tɛmɛnnen in, Mali ka yɛrɛmahɔrɔnya sɔrɔli sanyɛlɛma 64nan laɲɛnamatali seli, n’a bɛ wele sɛtanburukalo tile 22, o wulikajɔw kɛra an ka jamana kɔnɔ..
