Jamanako hakilila donnen b’an ka laada kɔnɔ. O yɛrɛmahɔrɔnya laɲɛnamayali labatoli hukumu kɔnɔ, furancɛlafanga jamanakuntigi Kolonɛli Asimi Goyita ye jirifeere da yɛrɛmahɔrɔnya taamasiyɛnnan kan kunun, ka taasibila kɛ ka ɲɛsin a ɲininbaaw ma.
Minisiriɲɛmɔgɔ Dr Sogɛli Kokala Mayiga, bulonba kuntigi Kolonɛli Maliki Jawu ani gɔfɛrɛnaman minisiri caman tun b’a kɛnɛ kan ; kɛrɛnkɛrɛnnenya la mara ni desantaralizasɔn minisiri Kolonɛli Abudulayi Mayiga. Lasigiden minnu bɛ Mali kɔnɔ, olu fana tun bɛ yen, ka fara sɔrɔdasi ɲɛmɔgɔw kan.
I n’a fɔ an delilen b’a la cogo min na, an ka jamanaden caman sera kɛnɛ in kan, ka na kɛ ko in seerew ye. A donnin kama, lakananbaaw tun kɛlen bɛ ka yɔrɔ labɔ kosɛbɛ, basigi sabatili kama.
Nɛgɛ kanɲɛ 9 waati de la, furancɛlafanga jamanakuntigi ka mɔbili sera kɛnɛ kan. Tuma min na Kolonɛli Asimi Goyita bɔra mɔbili kɔnɔ, a kunbɛnna gɔfɛrɛnaman, bulonba kuntigi, mara ni
desantaralizasɔn
minisiri, komini ɲɛmɔgɔw ni mara ɲɛmɔgɔw fɛ. Waleya min man ca, Abudulayi
Tarawele min tun bɛ mɔɲɔ tugu sɛtanburukalo tile 22 yɛrɛmahɔrɔnya taamasiyɛnnan na, o cɛkɔrɔba in fana yera kunbɛnni na.
Jamanakuntigi Goyita sɔrɔla ka darapo fo Mali fasa kɔnɔ, o min dara garidi nasiyonali ka
« fanfari » fɛ. O kɔfɛ furancɛlafanga jamanakuntigi ye foli di
lakananbaaw ma, sanni suburu mankan bɛ
bɔ. O kɛra miiri ani taasibila waati ye.
Kolonɛli Asimi
Goyita ye jirifeere da yɛrɛmahɔrɔnya taamasiyɛnnan kan, ka sɔrɔ ka foli di jama ma.
Dɔkala Yusufu JARA
Bembablin DOUMBIA
Kolonɛli-mazɔri Amadu Makan Sidibe, lafasa ni sɔrɔdasi kɔrɔw minisiriso ka wariko ni minɛnko ɲɛmɔgɔba, Kolonɛli Badara Aliyu Jɔpu, taamako ɲɛmɔgɔba lakananbaaw ka minɛnko ni tajiko ɲɛmɔgɔso (DMHTA) la ani Seyidu Dikɔ, ciden wariko kɔlɔsilikɛla cakɛda « Guo-Star » ka bɛn.
Lafasa ni sɔrɔdasi kɔrɔw ka minisiri ye taama kɛ Kidali jumadon, a ma san fila bɔ o dugu in bɔɔsilen kɔ kojugubakɛlaw n’u dɛmɛnbaaw la Mali sɔrɔdasiw fɛ. Zenerali de kɔri darimɛ Sajo Kamara tun taalen bɛ ni furancɛlafanga jamanakuntigi Zenerali darimɛ Asimi Goyita ka bɛn cikan.
Minisiriɲɛmɔgɔ dɛmɛnni minisiri Mamanin Nasire ka ɲɛsin politiki yɛlɛma kuraw ani kalataw tɛmɛnsira senkɔrɔmadonni ma, o y’a jira kunun kunnafonidilajɛ dɔ senfɛ, ko politikitɔnko sariya ni fanga sinamatɔnw ɲɛmɔgɔba jɔyɔrɔ binna, wa ko politikitɔn bɛɛ ani jɛkulu fɛn o.
