Mali jamanakuntigi Kolonɛli Asimi Goyita ni AES kɔnfederasɔn ɲɛmɔgɔba don, a ye laseli kɛ, k’a jira ko AES kunnafonidi cakɛda bɛna baara daminɛ ani AES tɔgɔla banki ka fara basigi sabatili waribon dɔ kan.
O siratigɛ la, jamanakuntigi Kolonɛli Asimi Goyita y’a jira, ko AES labɛnnen don ka jɛɲɔgɔnya sira don a ni jamana wɛrɛw ni jɛkulu wɛrɛw cɛ, minnu b’a hakililaw an’a ka yɛrɛmahɔrɔnya labato.
O kɔfɛ, jamanakuntigi seginna a kan, ko AES jamanaw tigɛlen don a kan, k’u bɛ kojugubakɛ kɛlɛ kɛ ka se a dan na. Jamana minnu b’a la ka dɛmɛn don kojugubakɛ la Sahelikungo kɔnɔ, a y’olu k’o waleya jugu in lagosili kɛ.
Jamanakuntigi Kolonɛli Asimi Goyita ka kɔrɔfɔ in lasera Mali, Burukina Faso ani Nizɛri telesobaw la waati kelen na.
Dɔkala Yusufu JARA
Madiba KEÏTA