Sanni ka kulu jamana tɔw ka balontanw jaabiw sɔrɔ, Mali bɛ jɔyɔrɔ sabanan na fɔlɔ ni kuru 9 ye Gana kɔfɛ ; o ta ye kuru 15 ye, Madagasikari dalen b’o kan ni kuru 10 ye. Komɔri bɛ jɔyɔrɔ naaninan na ni kuru 9 fana ye, ale ni Cadi bɛ ɲɔgɔn sɔrɔ sini araba. Santarafiriki bɛ jɔyɔrɔ 5nan na ni kuru 5 ye, Cadi bɛ jɔyɔrɔ 6nan na ni kuru 0 ye. Olu fila de y’u ka kulu jamana labanw ye ; nka Cadi bɛ jɔyɔrɔ laban na bɛɛ kɔfɛ. Mali Sɛgɛw degelikaramɔgɔ Tɔmu Sɛnfiye welelen balontan in kuncɛlen k’a ɲininka kow cogoya la, a y’a jira ko a nisɔndiyalen don n’a ka cɛdenw ye. Sabula ko ntolantannaw ye ko bɛɛ kɛ walasa ka se ka sebaaya sɔrɔ, hali n’o ma se ka kɛ bilen. A k’u ye sanga 45 laban bɛɛ kɛ Santarafiriki ka daga kɔnɔ. A ko jatew t’a bolo fɔlɔ o kan, u ye bi caman jɛ, o de kosɔn bi ma se ka don. K’o kɔni nimisa b’u la. Dɔkala Yusufu JARA Bubakari CƐRƆ
Dɔkala Yusufu Jara
Minisiriw y’u ka laadalatɔnsigi kɛ araba utikalo tile 13 san 2025 jamanakuntigiso la Kuluba. A ɲɛmɔgɔya tun bɛ furancɛlafanga jamanakuntigi Zenerali darimɛ Asimi Goyita bolo..
Wulikajɔ demokarasiko ani politikitɔn camanko la an ka jamana kɔnɔ, o cɛba dɔ taara i da. Kɔkankow ni diɲɛ tɔnbaw cɛ koɲɛnabɔ minisiri kɔrɔ Cɛbilen Daramɛ fatura kunun utikalo tile 12 Pari, Faransi faaba la k’a si to san 70 la bana kuntaala jan senfɛ. A ka denbaya de ye nin kunn.
Nun donna kunun, furancɛlafanga jamanakuntigi Zenerali darimɛ Asimi Goyita fɛ ; n’o ye faso ka san 2025 fɛɛrɛ tigɛlen ye, k’a ɲinin ka dɛmɛn don dɛsɛbaatɔ miliyɔn 2,3 la baloko la jamana kɔnɔ..
Lamɛnnen kɔ siɲɛ fɔlɔ la juma utikalo tile 1lɔ, minisiriɲɛmɔgɔ kɔrɔ Dr Sogɛli Kokala Mayiga welela kokura k’a lamɛn kunun faso nafoloko an’a wariko kɔlɔsili cakɛda fɛ, ka laban k’a lamara bolo kɔrɔ. Kunnafoni in dira a ka awoka Me Sɛki Umaru Konarɛ fɛ..
Minisiriw y’u ka laadalatɔnsigi kɛ araba utikalo tile 6 san 2025 jamanakuntigiso la Kuluba. A ɲɛmɔgɔya tun bɛ furancɛlafanga jamanakuntigi Zenerali darimɛ Asimi Goyita bolo..
Liputako-Guruma jamanaw ka yiriwali cakɛda bɛ bayɛlɛmani sira kan ka kɛ saheli kungo jamanaw ka kɔnfederasɔn (AES) ka waleyali cakɛda ye. A ɲɛmɔgɔ bɛna kɛ kalo wɔɔrɔ kuntaala kɔnɔ, an Maliden ɲɔgɔn Eli Pɔrɔsipɛri Arama ye..
