Mali ntolantanna minnu si tɛ san 17 bɔ, olu y’a dɔn min b’u ɲɛ a n’a ntolantanɲɔgɔnw cɛ u ka kupudimɔni san 2025 kɛnɛ kan. Ka da a kan a bonni kɛra kari mɛkalo tile 25 san 2025 Doha u ka degelikaramɔgɔ Adama Jefila Jalo ɲɛna. O la, yanni kalo duuru kuntaala cɛ Mali wajibiyalen don ka labɛnw daminɛ.
Mali delila ka se nin kupu suguya in finali ma san 2015 Amadu Hayidara, Mamadu Fofana ani Ali Male ninnu ka waati la. Mali bɛ kulu L kɔnɔ, ka fara Nuwɛli-Zelandi, Otirisi ani Arabi sawuditi kan.
Diɲɛ jamana 48 bɛna ye kɛnɛ in kan. U tilalen don ntolantankulu 12 ye, jamana 4 b’a kelenna kɔnɔ. Nin y’a siɲɛ fɔlɔ ye U-17 kupudimɔni ka kɛ ni jamana 48 ye. Jamana minnu mana sebaaya sɔrɔ u ka kulu kɔnɔ ka kɛ jɔyɔrɔ fɔlɔ ye ni kuru sanfɛdanw ye, ka fara kulu kelenna jɔyɔrɔ filananw ni sabanan segin ɲumanw kan, olu de bɛ sɛziyɛmu de finali ntolantanw kɛ.
FIFA ka laseli la, o sɛziyɛmu de finali in de la, jamana min mana gosi o bɛ bin ka bɔ a la. Mali kɛra jɔyɔrɔ sabanan ye san 2023 U-17 tɛmɛnnen in na ka medayi nsiralama sɔrɔ. Alimaɲi y’o kupu ta. Daw foronnen b’a nɔfɛ ka se ka kupu in bɔɔsi a la nin sen in na.
Ntolantankulu
Kulu A : Katari, Itali, Afirikidisidi ani Boliwi
Kulu B : Zapɔn, Marɔku, Nuwɛli-Kaledoni ani Pɔritugali
Kulu C : Sɛnɛgali, Korowasi, Kɔsita Rika ani Emira arabu uni
Kulu D : Arizantini, Bɛliziki, Tunizi ani Fiji
Kulu E : Angiletɛri, Wenezuwela, Hayiti ani Eziputi
Kulu F : Mɛkisiki, Repubiliki de Kore, Kɔnɔwari ani Suwisi
Kulu G : Alimaɲi, Kɔlɔnbi, RDP Kore ani Saliwadɔri
Kulu H : Berezili, Hɔndurasi, Ɛndonezi ani Zanb
Kulu I : Eta-Zuni, Burukina Faso, Tajikisitan ani Repubiliki Cɛki
Kulu J : Paraguwe, Uzubekisitan, Panama ani Repubiliki Irilandi
Kulu K : Faransi, Sili, Kanada ani Uganda
Kulu L : Mali, Nuwɛli-Zelandi, Otirisi ani Arabi sawuditi
Dɔkala Yusufu JARA et
Rédaction Lessor
Minisirw y’u ka laadalatɔnsigi kɛ juma zuluyekalo tile 04 san 2025 Kuluba, jamanakuntigiso la. A ɲɛmɔgɔya tun bɛ furancɛlafanga jamanakuntigi Zenerali darimɛ Asimi Goyita bolo..
Bɛnkansɛbɛn bolonɔbilalen kɔ jamana fila in cɛ Musuku, Wiladimiri Putini ni Asimi Goyita taara Kazan, « Tatarstan » lajɛ walasa ka taamasiyɛnba di Mali ŋaniya la nafoloko jɛkabaara yiriwali kama ni irisila n’a tɔndenjamanaw ye.
Bɛnkansɛbɛn bolonɔbilalen kɔ jamana fila in cɛ Musuku, Wiladimiri Putini ni Asimi Goyita taara Kazan, « Tatarstan » lajɛ walasa ka taamasiyɛnba di Mali ŋaniya la nafoloko jɛkabaara yiriwali kama ni irisila n’a tɔndenjamanaw ye.
Waatiba foroba taama in kɔnɔ Irisila : Ɲɔgɔnye Asimi Goyita ni a tɔɲɔgɔn Irisila jamanakuntigi Wiladimiri Putini cɛ. U jamanakuntigi fila ka tɛgɛdiɲɔgɔnma jɛlen kɛra Kɛrɛmulɛn bisimilaso kɔnɔ nɛgɛ kanɲɛ 16 Musuku lɛrɛ la..
Jigisigi la, dɔ farali siraw kan Mali ni Irisi cɛ, nin taama in bɛ o hukumu kɔnɔ ani jɛɲɔgɔnya bolofara cayali.
Bɛn ni fɔkabɛn bɛnkansɛbɛn ɲɛbila-poroze kolabɛnkulu ɲɛmɔgɔ, minisiriɲɛmɔgɔ kɔrɔ Usumani Isufi Mayiga n’a ka cakɛda mɔgɔw, u ye gɔfɛrɛnaman minisiriw kumaɲɔgɔnya alamisa tɛmɛnnen in minisiriɲɛmɔgɔso la, wulayanfan fɛ..
