Minisiri Ba n’a nɔfɛjama bɛ ka jɔrɔw cogoyaw lajɛ
Minisiri ka taama damiɛna Kati Darali la. O fiyɛ ye taari 57 ye. O dɔgɔkun bagansugu in bɛ ɲinin ka jɔ don o don sa, k’a sababu kɛ Bamakɔ taw datuguli ye. Jelibugu, Lafiyabugu ani Sanfili baganfeerelaw bɛna yɛlɛma yen, ka fara Darali taw kan. Darali ɲɛmɔgɔ Mamadu Boli bilala minisiri n’a nɔfɛjama ɲɛ ka yɔrɔw yaala, u ka se k’u cogoyaw ye.
Mun kɔlɔsira ? Labɛnnibaaraw bɛ sira ɲuman kan, jama min bɛna bɔ Bamakɔ ka na fara u kan, k’o bisimila
teliya la. Nka min minisa bɛ
baganfeerela ninnu na, taari 57 min tun b’u ka bolo kan, o b’a la ka maminɛ sanga ni waati bɛɛ la sigibaa kuraw fɛ. Sow jɔra kɛnɛ in fan caman na. O waleya in bɛ dan
sigi baganw mununmununni
na a kɔnɔ u fɛrɛ ma.
Sanankɔrɔba bagansugu taari 20 fana bɛ Kati sɛrɛkili kɔnɔ ka surunya Bugunin gitɔrɔnba la ni km6 ɲɔgɔnna ye. Sira min bɛ taa o bagansugu in na, mɔbilibaw bɛ k’o tiɲɛ. Min ye Zantigila bagansugu taari 33 ye Dɔyila mara kɔnɔ, o ni Segu sira gitɔrɔnba cɛ ye m900 ɲɔgɔnna ye. Nin yɔrɔ fila in labɛnni baaraw kofɔra jamana ɲɛmɔgɔw fɛ.
Minisiri sera yɔrɔ o yɔrɔ la a ka taama in kɔnɔ, a y’a gɛlɛya o sigida ɲɛmɔgɔw ma, u ka dabali bɛɛ tigɛ, min b’a to baara kɛ nɔgɔya baganfeerelaw bolo. A kɔni y’a faamuya, k’o yɔrɔ kura ninnu labɛnni ye wajibi ye, walasa ka se ka feerelikɛlaw mununmununni nɔgɔya n’u ka baganw ye.
Dɔkala Yusufu JARA
Makan SISƆKƆ
Rédaction Lessor
Bɛn ni fɔkabɛn bɛnkansɛbɛn ɲɛbila-poroze kolabɛnkulu ɲɛmɔgɔ, minisiriɲɛmɔgɔ kɔrɔ Usumani Isufi Mayiga n’a ka cakɛda mɔgɔw, u ye gɔfɛrɛnaman minisiriw kumaɲɔgɔnya alamisa tɛmɛnnen in minisiriɲɛmɔgɔso la, wulayanfan fɛ..
Nafoloko ni wariko minisiri kɔrɔ, lɛrɛ 6 kuntaala kɔrɔfɔw kɔnɔ, a ma bɔ a kumakan kan. A y’a jira k’ale y’a jɔyɔrɔ fa foroba jate bɔli la, ni wariw sarali ani jamana ka kɛta waleyali ye.
Nin tali in ɲɛsinnen bɛ dɔnniyatigi 49 ma, a bɛ fɔ minnu ma kategori « A» ani «B2» lakɔlikaramɔgɔya kalanw kɛbaaw la. Mɔgɔ 21.765 de y’a ɲɔgɔndanw kɛ kunun, u tun tilalen bɛ kalanyɔrɔ 21 cɛ jamana fan bɛɛ fɛ.
-.
Kameruni balontanna kɔrɔ Samuyɛli Etoo, ni Kameruni ntolantan tɔnba (Fecafoot) ɲɛmɔgɔ don bi, a dulonna kalo wɔɔrɔ kuntaala FIFA fɛ, k’a sababu kɛ musomannin U20 minnu ka kupudimɔni kɛra Kolɔnbi, k’a sababu kɛ a y’a fɔli min kɛ, k’o jalatigilaw ye hakilidumantigiya kɛ..
San 2024-2025 kalanta tun bolodalen bɛ ka bila bi tarata kan ɔkutɔburukalo tile 1lɔ san 2024 ; nka, a bɔra a dɔgɔ kɔrɔ k’a bila nowanburukalo tile 04 nata in na. Kalanko minisiri Dr Amadu Si Sawanɛ y’o laseli in kɛ kunun, jamana telesoba la..
