Don baara bolodalenw
fɛsɛfɛsɛlen kɔfɛ, minisirilajɛ :
-
jɛnna ni poroze dekere dɔ ye ;
- ka mɔgɔ
dɔw sugandi ka bila jɔyɔrɔ dɔw la ;
- ani ka
kumaɲɔgɔnyaw lamɛn.
SARIYAKOW ANI TAABOLOKOW DAKUN
Sɛnɛ minisiri ka laselisɛbɛn kunkan, minisirilajɛ jɛnna ni poroze dekere dɔ ye
jitɔnbaaraziko kan, a dakun II ani a san 2025-2029 baara kɛtaw.
Minisirilajɛ
ka mɛkalo tile 21 san 2025 sigi senfɛ, a k’a ye kumaɲɔgɔnya lamɛn jitɔnbaraziko
kan, a dakun II ani a san 2025-2029 baara kɛtaw.
O baara bolodalen in laɲinin ye ka dakun I jaabi sɔrɔlenw sinsin ani k’a to wula kɔnɔ mɔgɔw ka se ka barazi
ninnu labaara walasa ka se ka dɛmɛn don sɔrɔ jiidili la dunkafa sabatili
siratigɛ la.
Dekere
poroze in, jɛn kɛra ni min ye, a bɛ yamaruya di sariya la jitɔnbarazi dakun II
ma ani ka da yɛlɛ a waleyali ye.
MƆGƆ DƆW
SUGANDILI KA BILA JƆYƆRƆ DƆW LA
Minisirilajɛ ye mɔgɔ dɔw sugandi ka bila nin jɔyɔrɔ ninnu na :
MINISISRIƝƐMƆGƆSO
- Foroba
baaraw kɔnturulɛri zenerali dankan :
Karimu FƆNBA, ɛnzeniyɛri don nafoloko la.
FƆKABƐN, BƐN
ANI HADAMADENYA DONƝƆGƆNNA MINISIRISO
-
Ciden :
Alasani Agi Mohamɛdi ASƐKI, poroze ladonbaa ŋana.
KƆKANKOW NI
DIƝƐ TƆNBAW CƐ KOƝƐNABƆ MINISIRISO
-
Mali ka lasigiden Kigali (Uruwanda jamana na) :
Zenerali de birigadi Bubakari JALO.
SANNAYƐLƐNKALAN
NI ƝININNI MINISIRISO
- Lakɔlikaramɔgɔw
kalansoba (Ensup) Bamakɔ, o ɲɛmɔgɔba :
Beredugu KƆNƐ, karamɔgɔ-ɲininnikɛla.
YEELENKO NI
JIKO MINISIRISO
-
Tawusa labɛnni jɛkulu ɲɛmɔgɔba :
Isaki GOYITA, ɛnzeniyɛri izininko ni dugujukɔrɔfɛnko la.
SƐNƐ
MINISIRISO
-
Sekeretɛri zenerali :
N balimakɛ Garantigi TARAWELE, ɛnzeniyɛri sɛnɛ ni zeni irirali la.
LAMINI, LASANIYALI NI YIRIWALI KUNTAALA JAN MINISIRISO
- Laadibaa
fɛɛrɛko la :
Sidi JALO, ɛnzeniyɛri ɛnfɔrimatiki la.
DIINƐKOW NI LAADALAKOW
MINISIRISO
-
Baarakɛjɛkulu kuntigi :
Sɛki Umaru TARAWELE, siwili marakɛla.
KUMAƝƆGƆNYAW
DAKUN
1. Kiirikow, hadamadenw ka hakɛw labatoli ni jamana taamasiyɛnw marali
minisiri ye minisirilajɛ ladɔnniya lajɛba dɔ labɛnni na faso kɔnɔ kiiriko kan.
Kiiriko
lakurayali hukumu kɔnɔ, kiirikow, hadamadenw ka hakɛw labatoli ni jamana
taamasiyɛnw marali minisiri b’a fɛ ka lajɛba labɛn faso kɔnɔ kiiriko kan,
walasa ka se ka hakilila falen kɛ kiiriko gɛlɛyaw kan ani ka furakɛcogoww
dajira kiiri ɲuman, kura, tilennen tigɛli la, min bɛ hadamadenya hakɛw labato
ani ka jaabi ɲuman sɔrɔ jama haminankow la.
O lajɛba in
laɲininw ye :
-
ka foroba yecogo dɔ dantigɛ ani k’u fɔ kiiri foroba baara kan ;
- ka fangaw faracogo dantigɛ ɲɔgɔn kan kiiriko cakɛdaw cɛ ;
- ka kiiri tigilamɔgɔw bila ka kiiri ɲuman jɛlen tigɛ ;
- ka dusu don baara kɛbaaw kɔnɔ kiiriko nɔgɔyaw an’a gɛlɛyaw saheli
kɔnfederasɔn kɔnɔ, olu tali la ba la.
A bɛna kɛ
dakun fila ye :
- marayɔrɔ dakun ; o bɛ kɛ Bamakɔ, Kayi ani Moti k’a ta
sɛtanburukalo tile 25 la ka se a tile 30 ma san 2025 ;
- Faso tɔgɔla dakun ; o bɛ kɛ Bamakɔ k’a ta ɔkutɔburukalo tile 30 la
ka se a tile 31 ma san 2025.
2.
Sannayɛlɛnkalan ni ɲininni minisiri ye minisirilajɛ ladɔnniya lajɛ dɔ
labɛnni na ni kura fiyɛli la ɲininni fɛɛrɛ la « CAMES » kɛnɛ kɔnɔ.
A ka san 2024-2028 yiriwali fɛɛrɛ tigɛlen waleyali hukumu kɔnɔ, « CAMES »
b’a fɛ ka ni kura fiyɛ ɲininni fanga la k’a kɛ tɔndenjamanaw sinsinyɔrɔba ye
sɔrɔ ni hadamadenya yiriwaliko la.
O hukumu de
kɔnɔ « CAMES » b’a fɛ ka lajɛ kɛ Bamakɔ k’a ta zanwuyekalo tile 19 na
ka se a tile 23 ma san 2026, walasa ka ni kura fiyɛli waleyali bajuw la.
Bamakɔ
sugandikun lajɛ in labɛnniko la o b’a kunbɔ ka da an ka jamana jɔyɔrɔba kan ni
kura fiyɛli la ɲininni na « CAMES » kɛnɛ kɔnɔ.
3. Kɔkanmalidenw ni Afiriki donɲɔgɔnna minisiri ye minisirilajɛ
ladɔnniya minisirisow cɛ ci la, min kɛra Lajinɛ k’a ta utikalo tile 12 la ka se
a tile 15 ma san 2025.
Kɔkanmalidenw ni Afiriki donɲɔgɔnna minisiri bilala cidenkulu dɔ ɲɛ ka taa lajɛ
dɔ la Lajinɛ hadamadenw an’u bolofɛnw taa ka seginko kan ani jɛkabaara jamanaw dancɛ la basigi
siratigɛ la.
Hakilila
falenw kuncɛtɔ, u jɛra ka laseli kɛ min bolonɔbilala utikalo tile 14 san 2025, ka
laɲininw kɛ, i n’a fɔ :
- dɔ farali fasow jɛkulu minnu ɲɛsinnen bɛ taama ni minɛnw latɛmɛnni
nɔgɔyali ma, olu fanga kan ;
- fanga farali ɲɔggɔn kan Konakiri-Bamakɔ furancɛ la ;
- dancɛw la kojugubakɛ kɛlɛli labɛnni ɲɔgɔn fɛ ;
- duwaɲɛsow kalansoli ɲɔgɔn na ;
- baganw taa ka segin jamanaw cɛ o bɛnkan waleyali ;
- jɛkulu minnu bɛna fɔɲɔgɔnkɔw tɔpɔtɔ sigidaw cɛ teliya la olu
sigili senkan.
Baaraw
kɔnɔnan na, Mali cidenkulu bisimilala Lajinɛ minisiriɲɛmɔgɔ, a kɔkankow
minisiri an’a kiiriko minisiri fɛ.
Cidenkulu ye
ɲɔgɔnye kɛ ni maliden minnu sigilen bɛ Lajinɛ. Olu y’u ka fasokunu jira ani ka bolomadɛmɛnwari di donbolo ye kɛlɛ
musakako la.
4. Kɛnɛya ni hadamadenya yiriwali minisiri ye minisirilajɛ
ladɔnniya, banako cogoya la jamana kɔnɔ, kɛrɛnkɛrɛnnenya la dɔ farala sumayaba
ka mɔgɔ minɛnen hakɛ kan ka sanga ni dɔgɔkun tɛmɛnnen ta cogoya ye.
Furancɛlafanga jamanakuntigi b’a ɲinin sigidalamɔgɔw fɛ, dabali minnu kofɔra
yɛrɛtanga na k’olu labato ani ka bana in kɛlɛli waleyaw matarafa.
Bamakɔ, utikalo
tile 20 san 2025
Gɔfɛrɛnaman
sekeretɛri zenerali,
Birama KULUBALI
Sewaliye de lɔrɔduru nasiyonali
Rédaction Lessor
Minisiriw y’u ka laadalatɔnsigi kɛ araba zuluyekalo tile 09 san 2025 jamanakuntigiso la Kuluba. A ɲɛmɔgɔya tun bɛ furancɛlafanga jamanakutigi Zenerali darimɛ Asimi Goyita bolo..
Minisirw y’u ka laadalatɔnsigi kɛ juma zuluyekalo tile 04 san 2025 Kuluba, jamanakuntigiso la. A ɲɛmɔgɔya tun bɛ furancɛlafanga jamanakuntigi Zenerali darimɛ Asimi Goyita bolo..
Bɛnkansɛbɛn bolonɔbilalen kɔ jamana fila in cɛ Musuku, Wiladimiri Putini ni Asimi Goyita taara Kazan, « Tatarstan » lajɛ walasa ka taamasiyɛnba di Mali ŋaniya la nafoloko jɛkabaara yiriwali kama ni irisila n’a tɔndenjamanaw ye.
Bɛnkansɛbɛn bolonɔbilalen kɔ jamana fila in cɛ Musuku, Wiladimiri Putini ni Asimi Goyita taara Kazan, « Tatarstan » lajɛ walasa ka taamasiyɛnba di Mali ŋaniya la nafoloko jɛkabaara yiriwali kama ni irisila n’a tɔndenjamanaw ye.
Waatiba foroba taama in kɔnɔ Irisila : Ɲɔgɔnye Asimi Goyita ni a tɔɲɔgɔn Irisila jamanakuntigi Wiladimiri Putini cɛ. U jamanakuntigi fila ka tɛgɛdiɲɔgɔnma jɛlen kɛra Kɛrɛmulɛn bisimilaso kɔnɔ nɛgɛ kanɲɛ 16 Musuku lɛrɛ la..
Jigisigi la, dɔ farali siraw kan Mali ni Irisi cɛ, nin taama in bɛ o hukumu kɔnɔ ani jɛɲɔgɔnya bolofara cayali.
