Mali jamanakuntigi ko a wasara ni nin taama in ye, ka na a jamanakuntigi
ɲɔgɔn Wiladimiri Putini ka wele jaabi ni foroba taama ye Irisila ani Tatarisitan.
A ye foli ni tanuni kɛ Tarisitan ɲɛmɔgɔw la an’a nɔfɛjama kunbɛnko ɲuman na. Tatarisitan
jama 53% ka telin ka kɛ silamɛw ye. Jamana in ye diɲɛ silamɛtɔn tɔnden ye,
o siratigɛ la, Mali ni Tatarisitan ka kan ka jɛ ka baaraw kɛ. O de kosɔn Masakɛ
Urusitamu Minnikanɔwu Nurugaliyewisi fana ye wele bila Zenerali darimɛ Asimi Goyita
ma, a ka na bɔ a ye.
O jamanakuntigi in ka fɔ la, olu bɛ Irisila ni diɲɛ silamɛ jamanaw ka lajɛba
kɛnɛ sigi o ka surun san 16 la sa. O tako laban kɛra salon in kɔrɔ ;
jamana 96 yera o kɛnɛ kan, min jama mumɛ sera mɔgɔ 22.000 ma. A ko a ka di u ye
Mali cidenkulu ka ye sanwɛrɛ lajɛba la, wa tuguni, u ka faaba Kazan bɛna
silamɛya seko ni dɔnko lajɛba bisimila san 2026.
A ye Mali jamanakuntigi ladɔnniya fana, ko Irisila jamanakuntigi Wiladimiri
Putini de y’ale sugandi ka kɛ Irisila ni diɲɛ silamɛtɔn ɲɛmɔgɔba ye, ka da o
jɔyɔrɔ in kan, a b’a ɲinin Mali fɛ a ka mɔgɔ sugandi ka fara kolabɛnkulu mɔgɔw
kan. Dakun nafamaba, nin taama in na : Bɛnkansɛbɛn falenni Mali
dugujukɔrɔfɛnko minisiri Amadu Keyita ni Tarisitan dugujukɔrɔfɛnko minisiri cɛ,
jamanakuntigi fila ninnu ɲɛna.
O sɛbɛn falen senfɛ Kazan jamanakuntigiso la, Mali furancɛlafanga jamanakuntigi sera ka hakilila falen kɛ ni Maliden 35 ye, minnu bɛ u ka sannayɛlɛnkalanw na o jamana in kɔnɔ. A y’a ɲinin u fɛ, u ka dusu ta kosɛbɛ kalanw na, walasa ka segin ka na dɛmɛn don Mali bayɛlɛmani na. Kazan dugu ye diɲɛmaa lajɛkɛyɔrɔba kɔrɔ ye, i n’a fɔ « BRICS » lajɛw. A y’o ka san 2024 lajɛba labɛn.
Jamanakuntigi Asimi Goyita ka taama tɔ Tatarisitan, tɛmɛn bɛ kɛ n’o ye bi
alamisa. A bɛ taa a ɲɛ da izinin dɔw kan, ani ka kumaɲɔgɔnya kɛ ni nafoloko
ɲɛmɔgɔ dɔw fana ye.
Dɔkala Yusufu JARA
Alasani SULEYIMANI
Rédaction Lessor
Bɛnkansɛbɛn bolonɔbilalen kɔ jamana fila in cɛ Musuku, Wiladimiri Putini ni Asimi Goyita taara Kazan, « Tatarstan » lajɛ walasa ka taamasiyɛnba di Mali ŋaniya la nafoloko jɛkabaara yiriwali kama ni irisila n’a tɔndenjamanaw ye.
Waatiba foroba taama in kɔnɔ Irisila : Ɲɔgɔnye Asimi Goyita ni a tɔɲɔgɔn Irisila jamanakuntigi Wiladimiri Putini cɛ. U jamanakuntigi fila ka tɛgɛdiɲɔgɔnma jɛlen kɛra Kɛrɛmulɛn bisimilaso kɔnɔ nɛgɛ kanɲɛ 16 Musuku lɛrɛ la..
Jigisigi la, dɔ farali siraw kan Mali ni Irisi cɛ, nin taama in bɛ o hukumu kɔnɔ ani jɛɲɔgɔnya bolofara cayali.
K’a daminɛ nowanburukalo nata in tile 3 la ka se a tile 27 ma, cɛ ntolantanna minnu si hakɛ tɛ san 17 bɔ (U-17), olu tɔgɔla kupudimɔni bɛna kɛ Katari. Mali bɛ ye o kɛnɛ kan. A delila ka se fo o finali ma san 2015..
Bɛn ni fɔkabɛn bɛnkansɛbɛn ɲɛbila-poroze kolabɛnkulu ɲɛmɔgɔ, minisiriɲɛmɔgɔ kɔrɔ Usumani Isufi Mayiga n’a ka cakɛda mɔgɔw, u ye gɔfɛrɛnaman minisiriw kumaɲɔgɔnya alamisa tɛmɛnnen in minisiriɲɛmɔgɔso la, wulayanfan fɛ..
Nafoloko ni wariko minisiri kɔrɔ, lɛrɛ 6 kuntaala kɔrɔfɔw kɔnɔ, a ma bɔ a kumakan kan. A y’a jira k’ale y’a jɔyɔrɔ fa foroba jate bɔli la, ni wariw sarali ani jamana ka kɛta waleyali ye.
