Minisiri Mahamadu kasoge y’a jira ko, ko caman kɛra yɛlɛma ɲuman donni na politiki ni hadamadenya basigili siratigɛ la, (cɛmancɛ la)
Kiirikow, hadamadenw ka hakɛw labatoli ani jamana taamasiyɛnw marali minisiri Mahamadu Kasoge tun bɛ ka minisiriɲɛmɔgɔ Dr Sogɛli Kokala Mayiga jɔyɔrɔ fa kɛnɛ in kan. Lajɛ in ɲɛmɔgɔya tun b’a bolo. Jamana jɔli kura ka ɲɛsin gɔfɛrɛnaman ni fangabulonw cɛ koɲɛnabɔ ma Ibarahimu Ikasa Mayiga tun b’a kɛrɛfɛ.
Sanni ka kɔrɔfɔw daminɛ, lajɛ in tɛmɛnsira sɛbɛnw dira minisiriw ma. O kɔfɛ kolabɛnkulu ɲɛmɔgɔ ye dantigɛli kɛ. Minisiri caman y’a hakilila fɔ. Misali la, u y’a jira ko dipulomasi laadalakɛcogo, seko ni dɔnko kunkankow, naamɛw, seko ni dɔnko kɔnɔkow an fɛ yan, ka fara dɔwɛrɛw kan, sinsin ka k’olu kan bɛnkansɛbɛn in dilanni na. Kolabɛnkulu ɲɛmɔgɔ y’a jira ko nin sɛbɛn min dilen filɛ u ma, o y’a yɔrɔ dɔw sɛnsɛnnen dɔrɔn ye.
O kɔfɛ, Usumani Isufi Mayiga y’a ɲinin gɔfɛrɛnaman fɛ, u k’u haminankow dantigɛ, minnu bɛ sɔn k’a to bɛn ni fɔkabɛn bɛ se ka sabati an ka jamana kɔnɔ ; kɛrɛnkɛrɛnnenya la, gɛlɛyaw furakɛcogo la. A kɛra politiki kunda ye, walima sɔrɔ ni hadamadenyakow, fo ka se sigikafɔ ma ni jamana mɔgɔ murutilenw ye. Jaabili la, minisiriw k’u bɛna u fɛlaw jira ni sɛbɛn ye, ka lase kolabɛnkulu ɲɛmɔgɔ ma.
Yanni o cɛ, kiirikow, hadamadenw ka hakɛw labatoli ani jamana taamasiyɛnw marali minisiri ye dɔ fɔ masalakun in kan. A y’a jira ko gɔfɛrɛnaman b’a sɔn kaban fasojama wasali la. A ko, ko caman kɛra yɛlɛma ɲuman donni na politiki ni hadamadenya basigili siratigɛ la. O dɔ ye hadamadenya basigi sabatili bɛnkansɛbɛn bolonɔbilali ye gɔfɛrɛnaman ni lafasalitɔnw ni makobatigiw ɲɛmɔgɔso cɛ, politikitɔnw ni tɔn minnu bɛ politiki kɛ, olu ka baaraw lajɔli bɔli a ma, politikiko senbɔli foroba baarako la, ani kɔsa in na jamanakuntigi yaafara kasoladen 400 ɲɔgɔnna ma, ani dɔwɛrɛw.
Ani fana,
a ɲininna kolabɛnkulu fɛ, a ka to bɛn
ni fɔkabɛn bɛnkan hukumu kɔnɔ.
Sabula laɲinin ye jamana
fangamaba tilennen ani sariyama jɔli ye, min bɛna se ka fasojama makow ɲɛnabɔ…
O la, u b’a ɲinin kolabɛnkulu fɛ, a ka se a bɛnkansɛbɛn ɲuman dilan, ka bolo magaya a
kan, a ka se ka bɛn ni kow cogoya ye, n’o ye siniɲɛsigiw kunkanko gɛlɛnw ye. Kiirikow, hadamadenw ka hakɛw labatoli ani jamana taamasiyɛnw marali minisiri ko gɔfɛrɛnaman bɛ kolabɛnkulu ka bila la. A y’a ɲinin fana kolabɛnkulu fɛ, a ka tɛmɛn ni yɛlɛma ɲuman donni ye bɛnkansɛbɛn ɲininta in kɔnɔko la. A sɔrɔla ka layidu ta, ko sɛbɛn in tɛna bila bolo kɔfɛ, a kɔnɔko bɛna
waleya.
Dɔkala Yusufu JARA
Umaru JAKITE
Rédaction Lessor
Minisiriw y’u ka laadalatɔnsigi kɛ araba utikalo tile 20 san 2025 jamanakuntigiso la Kuluba. A ɲɛmɔgɔya tun bɛ furancɛlafanga jamanakuntigi Zenerali darimɛ Asimi Goyita bolo..
Minisiriw y’u ka laadalatɔnsigi kɛ araba zuluyekalo tile 09 san 2025 jamanakuntigiso la Kuluba. A ɲɛmɔgɔya tun bɛ furancɛlafanga jamanakutigi Zenerali darimɛ Asimi Goyita bolo..
Minisirw y’u ka laadalatɔnsigi kɛ juma zuluyekalo tile 04 san 2025 Kuluba, jamanakuntigiso la. A ɲɛmɔgɔya tun bɛ furancɛlafanga jamanakuntigi Zenerali darimɛ Asimi Goyita bolo..
Bɛnkansɛbɛn bolonɔbilalen kɔ jamana fila in cɛ Musuku, Wiladimiri Putini ni Asimi Goyita taara Kazan, « Tatarstan » lajɛ walasa ka taamasiyɛnba di Mali ŋaniya la nafoloko jɛkabaara yiriwali kama ni irisila n’a tɔndenjamanaw ye.
Bɛnkansɛbɛn bolonɔbilalen kɔ jamana fila in cɛ Musuku, Wiladimiri Putini ni Asimi Goyita taara Kazan, « Tatarstan » lajɛ walasa ka taamasiyɛnba di Mali ŋaniya la nafoloko jɛkabaara yiriwali kama ni irisila n’a tɔndenjamanaw ye.
Waatiba foroba taama in kɔnɔ Irisila : Ɲɔgɔnye Asimi Goyita ni a tɔɲɔgɔn Irisila jamanakuntigi Wiladimiri Putini cɛ. U jamanakuntigi fila ka tɛgɛdiɲɔgɔnma jɛlen kɛra Kɛrɛmulɛn bisimilaso kɔnɔ nɛgɛ kanɲɛ 16 Musuku lɛrɛ la..
